السبت، 28 يناير، 2017

‏YVES ROCHER | تجربتي لخل التوت !! شعر ناعم وصحي ولامع ♥


السلام عليكم ورحمة الله وبركاته ♥
اليوم عندي لكم منتج ما اعرف وين كنت عنه !! نااادر ما القى احد يتكلم عن منتجات الشعر واذا لقيت تكون متكرره فصرت اتحمس ابحث أكثر عن منتجات جديده علي .
منتج اليوم كثييير مدونات وبنات كتبو عنه او مجربينه وقالولي وتأكدت اني احتاجه بعد ما شفت بلوقرز اثق فيهم يمدحونه وقتها قلت آخذه وأحكم بنفسي ولا ندمت اببدا.

ملاحظه صغنونة : عارفه اني كتبت كلمه "شعر" مليون مره بس اتحملو ههههههههه.
خلونا ناخذ نبذه عن الشركه او الماركه المصنعه للمنتج قبل ما نبدا كلام عن المنتج نفسه ... ايف روشيه شركه فرنسيه مختصه بـ Beauty Care وهذا يعني منتجات تجميل وعنايه بنفس الوقت.
جوده المنتجات الفرنسيه ما عليها كلام وكلنا عارفين انو عاده اذا كانت الجوده عاليه تكون الأسعار غاليه وأبسط مثال مكياج شانيل ، ديور، جيرلان وغيرها كثيييييير ،، علشان كذا ايف روشيه قررو يسوون لاين كامل ميكب وعنايه بجوده عاليه لكن بأسعار ارخص ومناسبه أكثر لأكبر فئه من الناس ،، بدأت الشركه في عام1959م من قبل صاحبها Yves Rocher الي اتوفى بعام 2009 خلالها صارت الماركه عالميه وموجوده في اكثر من 88 بلد في العالم وتمتلك حدود 6 شركات او ماركات اخرى فرنسيه تحت اسمها (ماركات جديده علي لكن لو حبيتو تعرفون عنها ابحثو في جوجل) غير كذا عندهم حديقتين خاصه فيهم مفتوحه للزياره للكل ومن هنا ياخذون مكونات المنتجات الطبيعيه حقتهم يعني هم يزرعونها وهم يصنعونها .. 

نبذه عن ايف روشيه صاحب الشركه مين هو ؟؟ 
ايف روشيه ولد عام 1930م هو بزنس مان "رجل اعمال" وكان معروف لإستخدامه المكونات الطبيعيه و النباتات في أحدث المنتجات ، من يوم كان صغير عايش في قريه لاجاسي في منطقة بريتاني بفرنسا بعد موت ابوه في سن 14 ساعد امه في تجارتها وقتها المعالج المعروف في القريه علمه وصفه علاجيه لمرهم (اظن انو مرهم يوقف نزيف الدم < ماني متأكده لكن عموما مرهم ناجح)  بإستخدام زهره lesser celandine  فقرر يفتح له بزنس ويساعد امه في نفس الوقت بحيث يبيع المرهم هذا للناس عن طريق الميل وسوق نفسه في أحد المجلات الفرنسيه ونجح صارو القراء يطلبون منه وينصحون فيه بعد تجربتهم المرهم وبكذا توسع وصار اكبر .

المنتجات الطبيعيه و طلبات الميل كانت هي الدعامه والأساس الي خلته يفتح شركته او ماركته الخاصه بالتجميل الي اسسها في عام 1959م بهدف الحصول على منتجات تجميل طبيعيه ، نمت الشركه بسرعه خلال 3 سنوات وقتها فتح له أول محل ، تقاعد ايف روشيه كم سنه ومرر الشركه لولده لكن مات ولده فرجع مسك الشركه مره ثانيه .... في عام 2009م مات ايف روشيه فمسك الشركه حفيده ولحد يومنا هو الي ماسكها .
قدرت قيمه الشركه بـ2 بليون يورو في عام 2007 !! 

واحده من اهم الاشياء الي معتمدينها في الشركه هي عدم التجربه في الحيوانات وكان دايم يقول هذي المقوله :


If you have to test your 'products' on animals, you don't know what you're doing

يعني اذا كان بنظرك لازم تجرب منتجاتك على الحيوانات قبل ما تبيعها فهذا يعني انو ما عندك سالفه بالي قاعد تسويه هههههههههههههههه كيف الشرح بس.
عموما نرجع لموضوعنا  اساس المنتجات الي معتمدينا في الشركه بإستخدام النبات يعني نقدر نقول عنايه نباتيه | جمال نباتي واصلا هذا الشي واضح في محلهم ولفتني لمن دخلت ابحث عن المنتجات واقرأ في المكونات حتى ريحه العطور عندهم حلوه مو معقوله وين كنت عن هذي الماركه قبل ! يقولون صارلها عندها في الرياض اكثر من 8 سنوات فيه منتجات كثيره متنوعه مابين ميكب وعنايه وعطور لازم تروحون لمحلهم وتدورون فيه يفتتتتح النفس حتى الي يشتغلون فيه فاهمات !!  ♥ 
المكونات تطلع من حدائقهم + تمر على أكثر من 150 باحث واخصائي قبل ما تنزل للأسواق يعني عادي تاخذ منهم سنواااااااات علشان يطلعون منتج واحد فقط !! ثقي بأن اي منتج عندهم ما نزل الا وهو يستاهل وهذا الي جذبني وخلاني احكي لكم عن الماركه كلها اليوم لأنها بجد تستاهل .. ايف روشيه هي المركز الأول في البيوتي كير في فرنسا وعندهم أكثر من 50 براءه اختراع مسجله في بلدان مختلفه. 



المنتج الي راح احكي لكم عنه اليوم هو خل الشعر ،، أتوقع انو ايف روشيه هي اول شركه تدلعنا وتطلع خل خاص للشعر لأني ما شفت أحد قبل مسويها ... استخدام الخل للشعر من الطرق المعروفه والتقليديه للعنايه ويستخدم كآخر خطوه في الشاور بعد ما تغسلين شعرك لأن وقتها الطبقه الخارجيه للشعره نفسها تكون مفتوحه فيسهل تنظيفها حتى اذا نشف شعرك بعدين وتسكرت الطبقه هذي هي الي تعكس النور فتعطي الشعر واللمعان والنعومه.
الأغلب ما يعرف لكن الطبقه الخارجيه من الشعره هي الي تغلف وتحمي الشعره وهي تحدد مدى صحه وجمال شعرك علشان كذا لو كانت الطبقه نظيفه ومسكره تكون الشعره افضل ومحميه من التقصف و التلف فتكون النتيجه افضل من ناحيه اللمعان لأنها راح تعكس الضوء اذا نزل عليها فيبين صحي مع النعومه والملمس الحلو والي كلنا نبغى نوصل له بينما لو كانت مفتوحه راح تطلع النتيجه عكسيه ، شعر باهت غير صحي معرض للتقصف و التلف ، مافيه لمعان ونعومه وزياده على كذا منتفش !! هذي الصوره راح توضح مقصدي بالطبقه الخارجيه المفتوحه و المغلقه :



 فإستخدام الخل هنا وقت الشاور لأن خلال الغسل مثل ما قلت فوق تكون الطبقات مفتوحه فالخل يساعد على تنظيف الترسبات و الكيماويات والدهون حتى يخلصه من الاوساخ فوقت ما ينشف يساعد الطبقه تتسكر و يعطيه لمعه ونعومه .
 راح اكتب لكم فوائد الخل للشعر بإختصار للي ما تعرف :

  • يشيل بقايا ورواسب المواد الكيماويه الي تعلق في فروة الرأس والشعر من الشامبو الكريمات وغيرها.
  • مضاد ومطهرللبكتيريا الموجودة في فروة الرأس وبكذا يعالج ريحه الشعر الكريهه.
  • يعطي الشعر لمعان صحي ونعومه.
  • ينظف فروة الرأس ويشيل الخلايا الميتة والأوساخ والدهون الزائدة من الفروة .
  • والاهم من كذا المساج والتدليك وقت استخدام الخل ينشط الدورة الدموية في الرأس فيساهم في نمو شعر صحي وكثيف. 
  • يخفف من القشره وحكه الرأس وغيرها من الفوائد .

عاده والأغلب يستخدمون خل التفاح انا من خلال بحثي قرأت انو خل التفاح يجفف الشعر فيستخدم مره او مرتين بالاسبوع فقط هذا غير ريحته الي اشوفها مزعجه لي واحتمال كبير تثبت في راسي علشان كذا كنسلت الفكره :(  لكن وحده من متابعاتي في سناب قالت لي انو استخدامها لخل التفاح اعطاها نفس نتيجه هذا الخل من ايف روشيه بتجربتها هي ، تخفف خل التفاح العضوي بشوي مويه وبعد ما تغسل شعرها بشامبو وتشطفه بالخلطه وتخليها شوي بعدين تغسله يعطيها نفس نتيجه هذ الخل لمعان والقشره راحت وتقول ريحه الخل تروح ما تعلق < ما جربتها شخصيا لكن هي تنصح فيها ♥♥ 
انا تزعجني ريحه خل التفاح ما اتقبلها ولو انها ما تعلق علشان كذا فضلت هذا النوع من ايف روشيه لأن ريحته ريحه توت لطيفه جددا تذكرني بريحه ايسكريم بابو بالتوت لو تعرفونه نفسه بالضضضضبط يعني اببدا ماهي مزعجه. 


المكونات :

  • ماء + خلاصه خلية النحل وغيرها من المكونات الطبيعيه و العضويه  الي تزيد عن 98% في مكوناته كبرو الصوره واقرأو . 
  • خل التوت الأحمر الفرنسي غني بالمعادن والأحماض ،، ينشط الدورة الدموية في الرأس وبكذا يساعد بنمو شعر كثيف وصحي لامع. 
  • سيلاسليك اسيد للأمانه يوم قريت انو من مكوناته هذا الحمض استغربت ، انا اعرف فوائده للبشره بس توني اعرف فوائده للشعر ! مع البحث لقيت انو يساعد في تنظيف فروه الرأس من السيلكون والرواسب العالقه الي تخلي الشعر باهت وغير صحي والأحلى من كذا يعالج القشرة ويزيل الدهون المزعجه من الفروه  . 
المميزات :

  • منتجات الشعر ومنتجاهم كلها خاليه من السيليكون والبارابين والمواد الكيميائيه عموما.
  • قوامه خفيف مثل المويه فسهل توزيعه على كامل الشعر.
  • لونه احمر خفيف لون التوت الاحمر بما انو المكون الاساسي فيه لكن طبعا ما يصبغ الشعر ابببدا .
  • ريحته حلوه ماهي مزعجه فتترك ريحه الشعر جميله حتى بعد الاستخدام  .
  • ينعم الشعر ويخفف من الإنتفاش الي يصير بعد الشاور.
  • يعطي الشعر لمعان قوي بما انو ينظفها من الاوساخ والي تكون عالقه في المويه احيانا !! ينظفها من الفروه لنهايه الشعر.
  • ما يجفف الشعر حتى بعد التنظيف القوي وهذا يعني انو مناسب لكل انواع الشعر الناعم و الخشن و الكيرلي ، طويل او قصير ، للرجل او المرأة ، كبار او صغار يعني الكل يقدر يستخدمه.
العيوب :

  • سعر المنتج مقارنه بكميته خصوصا لو كان شعرك طويل فهذا يعني انو راح يخلص عليك اسرع عكس الشعر القصير .
  • لو كان شعرك دهني استخدام هذا راح يشيل الدهون فممكن تحسين شعرك جف شووووي لأن الدهون هذي راحت .
  • شكل العلبه متعب في الإستخدام لكني لقيت طريقه وحل راح اشارككم فيه تحت.

طريقه الاستخدام :
يستخدم كآخر خطوه بعد غسل الشعر تماما وزعي المنتج على فروه الرأس وجميع انحاء الشعر مع عمل مساج من 4-5 دقائق انا اتركه اطول احيانا واقشر جسمي بمقشر قهوه اتركهم مده واغسلهم سوا بالمويه .



السعر :
حاليا فيه حجمين : 
الصغير 150 مل بـ49 ريال ،، الكبير مثل الي عندي ويقال انو لمتد ادشن يعني ممكن يروح في اي فتره على كلام البائعه في المحل ، فيه 400 مل بـ79ريال.


اماكن الشراء :
بحثت عن فروعهم في السعوديه ولقيتهم مكتوبين في موقعهم هنا .



شايفين كيف علبته مزعجه :/ !! صعب استخدمها كذا واحسها تضيع منتج الصراحه علشان كذا فكرت بطريقه اقدر احفظ فيها المنتج وبنفس الوقت استخدمه بطريقه افضل ،، ما جاء في بالي الا البخاخ ،، اخذت معطر جسم عندي ريحته شينه ورميت الي جوا وغسلت العلبه زين وبعدها عبيت الخل فيها ...........



 طريقه استخدامه صارت اسهل بكثييييييير من قبل ولأن شعري طويل ما صرت استهلك منتج كثير فما يخلص بسرعه الحمدلله ، العلب تنباع فاضيه لو حابين في كل مكان مثل الدانوب + موجي + ابوريالين وغيرها ،، استخدمه مع مشط ذابودي شوب الخشب.


رأيي فيه ؟؟ تجربتي للمنتج ؟ يستاهل ؟! 
ما يحتاج أقول اصلا واضح لكم العلبه الأولى قربت تخلص وخفت ينتهي العرض على الحجم الكبير فقلت استغله ورحت آخذ ثاني ♥♥
المنتج بططل روعه روعه روعه تمنيت لو اعرفه من زمان لأن واضح مع الاستمرار بتكون النتايج احلى واحلى لأنه ياخذ فتره على ما تبين النتيجه يعني مو في يوم وليله !!  خلوني احكي لكم شوي عن طبيعه شعري ،، شعري تقريبا ناعم والشعره نفسها خفيفه ، فروتي دهنيه كثير يحسبون الي شعرها ناعم ما تتعب في العنايه او التسريح وغيره لكن ابببدا ابدا مو سهل لأن طبيعي اغسل شعري الصباح يجي الليل الاقي شعري ملزق لأنه دهني + ناعم !! لكم تتخيلون المعاناه الي انا فيها يعني مافي فوليوم ولا كثافه اببدا فكنت اجرب وابحث عن شامبوز و بخاخات وطرق كثيره حتى احل مشكلتي لكن مافي شي اعطاني نتيجه واضحه وقويه مثل الخل ! هذا بالذات ♥ 
بعد ما اغسل شعري واستخدم البلسم على الأطراف ويصير نظيف 100% اجفف او اعصر او اشيل المويه الزايده من الشعر حتى يكون رطب لكن مافيه مويه تقطر فهمتو علي ؟؟! بعدين بمشط ذا بودي شوب ابدا اقسم شعري من فوق (بدايه الشعر) لفوق الرقبه (نهايه الشعر) وابخ على الفروه لحد ما تتبلل بالخل واكمل على هذي الحركه كامل رأسي بعدها امسك شعري كله وابخ من الوسط للأطراف من بعيد مو لازم كل الشعر يوصله لأن مع الغسيل الي في الفروه بينزل لباقي الشعر والا ؟ هذي افضل طريقه للحفاظ على كميه المنتج اول كنت امسك خصله خصله ابخ كان ياخذ مني وقت وبتخلص العلبه في اسبوعين ! 
اسوي مساج 2-3 دقايق واتركه زياده كم دقيقه وهو مربوط في هذا الوقت استغله بتقشير جسمي بأي مقشر عندي وحاليا أفضل مقشر القهوه الي تسويه بنت سعوديه هنا
بعد ما اخلص افتح المويه واغسل شعري بمويه دافيه مايله للبروده مجرد ما ينزل الخل بتحسين شعرك صار ناااااعم ناعم ناااعم ما فيه عقد كأنه حرير من نعومته ♥♥♥ وفروه راسك خفيفه صدق يبين انها نظيفه مافيها دهون ولا اوساخ ولا ترسبات يعني طبقه جديده والأحلى من هذا هذا انو صار فيه كثافه وفولويوم تجنن يعني الشعر الدهني الي كان يضايقني راح تماااما ماعاد صار يلزق بالعكس صار فيه انتفاخ فولويوم مو نفشه لأن الدهون راحت هذا غير انو لمعه شعري صارت اقوى من أول شهر فما بالك لو كملت سنه مثلا ؟ نشف اسرع بدون استشوار او غيره من الهواء طبيعي وصار خفيف يلف معك بسهوله ما تحسينه ثقيل ما اعرف اشرح انتم جربو الحجم الصغير وراح تفهمون قصدي الكلام ما يوصل لكم الشعور ابدا ، ما اعرف كم المفروض يستخدم من مره لكن انا استخدمه في الاسبوع 3 مرات يعني كل مره اغسل شعري استخدمه والحمدلله مره راضيه بالنتيجه وناويه أكمل عليه قد ما أقدر لكن فيه بنات يستخدمونه في الاسبوع مره ونفس النتيجه معاهم فأنتي حره بعدد مرات الاستخدام لو حسيتي مره كافيه لا تزيدين انا يمكن لأن طبيعيه شعري دهنيه ما ضرني استخدامه بكثره ولا سبب لي جفاف فلو ما كنتي تحتاجين لا تزيدين لأن النتيجه نفسها سواء كثرتي استخدامه او لا .  
خلي في بالك المنتج هذا مو علاجي هو منتج للوقايه فقط يعني يحمي الشعر من الي ذكرته قبل من رواسب واوساخ فيقلل من فرصه تعرضه لمشاكل مستقبلا لكن لو عندك مشاكل في الشعر او في الفروة فيها جروح او غيره انتبهي هذا ماراح يحلها يمكن يزيد المشكله لازم تروحين لطبيب يعرف حالتك لا تلعبين في شعرك وانتي عندك مشاكل هو ماهو خطر ولافيه سلبيات بالعكس المنتج طبيعي ولا راح يضرك لكن لازم تعرفين اذا يناسب حالتك او لا ،، في النهايه لا تتوقعين المنتج هذا سحر لأنه بيخيب ظنك هو مجرد محسن للشعر يعني مثلا الي شعرها كيرلي لا تتوقعين بيصير ستريت ! لا هو شعرك نفسه ماراح يتغير اللهم اشياء بسيطه بتختلف مثل اللمعان والملمس والريحه ونظافه الفروه فلا تبنين آمال عاليه عليه وتتحطمين بعدين .
ككل المنتج جميل ويستاهل التجربه انصحكم تجربونه في اقرب فرصه را ح تحبونه♥ 


 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك 4 تعليقات:

Noura يقول...

مره كنت انتظر هالتدوينة من اول ماجبتي طاري هالمنتج كنت محتاجه منتج بهالمواصفات جدا وتدوينتك جت بالوقت المناسب حمستيني على المنتج كثييير من وصفك له وان شاء الله بأقرب فرصة باشتريه 😍 شكرا لك الله يعطيك العافية ❤️❤️

Amal يقول...

يعطيك العافية يارب .
فعلا الخل رائع انا استخدمه بعد ماسكات الشعر الطبيعية ويشيل الريحة .

Sara-22 يقول...

شعري نفس نوع شعرك بالضبط اضطر اغسلو احيانا يومياً وضميري يأنبني عليه😕بس بعد مدحك له حمستيني اجربه 😍😍.

Futon Alzubaidi يقول...

من يوم ما شفتها على انستقرام و انا متحمسه لها ♥♥♥♥

إرسال تعليق