الخميس، 26 يناير، 2017

Glam Box | سنتي الـ3 مع جلام بوكس !! الصندوق رقم 25 ومحتوياته ♥


السلام عليكم ورحمه الله وبركاته ♥
اهلا اهلللللا اهلا ♥♥♥♥♥ اشتقت لكم وللمدونه مره احس متابعات مدونتي معروفات ♥ افقد تعليقاتكم هنا وفي انستقرام عن رأيكم في تدويناتي ♥♥
آخر تدوينه كتبتها نهايه السنه الي فاتت ههههههههههه مر شهر وانا قاطعه بسبب الفاينلز والحمدلله عدت على خير الله ،، كنت حابه ارجع بتدوينه قوويه لكن قلت نبدا شوي شوي والا ؟ عموما اليوم راح يكون عن محتويات الصندوق الـ25 لي من جلام بوكس !! متخيلين معاي صارلي سنتين بالضبط وهذي الثالثه والحمدلله مررره مبسوطه معاهم واشتراكي بصندوقهم الشهري ، لو متابعيني راح تتذكرون اني في بدايه 2015 استغليت خصم الـ50% وسجلت سنه كامله بـ400 ريال وفيها وبعد ما انتهت السنه جلام بوكس كشكر وتقدير على تدويناتي الي اسويها كملو يرسلون لي كبلوقر وهذا شرف بالنسبه لي شكرا الله يعطيكم العافيه ♥
للأمانه كنت متوقعه يوقفون يرسلون وذكرت هذا الشي في التدوينه الي فاتت هنا لكن الله يسعدهم كملو يرسلون ومتفائله بصناديق هذي السنه جددا لأن بدايتها قوييه واضح من بوكس هالشهر انا مره حبيته واعتبره من التوب 3 للصناديق الي جربتها قبل عندهم !! 
ما أتوقع فيه احد ما يعرف عنهم للحين والا ؟ معقوله كتبت 25 تدوينه ولا قريتي ولا وحده منهم ؟ :( ،، احتياطا راح اعطيكم نبذه مختصره عنهم للجداد في مدونتي :
لو كنتي مجنونه يوتيوب مثلي ماراح تكون فكرته جديده عليك ، هي خدمه شهريه بحيث يوصلك صندوق كل شهر فيه من 4-5 منتجات بأحجام ميني وفل سايز لكن بدال ما تدفعين كل مره خلاص اشتركي كم شهر (عندك 3 - 6 - 12 اشهر) وتدفعين المبلغ كامل وخلاص انسيه ، كل شهر راح يرسلونه مع فيدكس"سمسا" لحد البيت يعني كأن احد يرسل لك هديه كل شهر *-*
طبعا ماراح يقولون ايش الي راح يجيك هذا الشهر انتي اذا وصلك تعرفين.
 في امريكا عندهم شركات كثييره وكلهم يتنافسون مين الاحسن لكن عندنا مافيه خيارات غير جلام بوكس وكم ماركه ثانيه حكيت عنهم في قسم المنوعات هنا ارجعو للتدوينات القديمه وراح تلاقون حسابات ثانيه عندهم نفس الفكره ووريتكم البوكسات الي استلمتها منهم بعد ،،  جلام بوكس اشوفه حلو للتجربه واسعاره خصوصا مع الخصم ما تتفوت.


هذا الشهر ابدعو في التغليف الخارجي حبيييت شكل البوكس من برا وسبق قلت اني احب لمن يغلفون الصندوق بشكل مختلف كل شهر ♥ لو تلاحظون البوكسات الأخيره كلهم اشكالهم حلوه  ..
التدوينات الي كتبتها عنهم كلها من اول بوكس استلمته تلاقونها هنا :

  • هنا الشهر الاول  (ينايرشرحت شوي عن الموقع وكيفيه الاشتراك وغيرها مهم تقرأينها علشان تفهمين 
  • هنا الشهر الثاني (فبراير)
  • هنا الشهر الثالث (مارس
  • هنا الشهر الرابع (ابريل)
  • هنا الشهر الخامس (مايو
  • هنا الشهر السادس (يونيو)
  • هنا الشهر السابع  (يوليو)
  • هنا الشهر الثامن (اغسطس
  • هنا الشهر التاسع (سبتمبر)
  • هنا الشهر العاشر (اكتوبر)
  • هنا الشهر الحادي عشر (نوفمبر)
  • هنا الشهر الثاني عشر (ديسمبر)
  • هنا الشهر الاول من سنتي الثانية (يناير)
  • هنا الشهر الثاني من سنتي الثانية (فبراير)
  • هنا الشهر الثالث من سنتي الثانية (مارس)
  • هنا الشهر الرابع من سنتي الثانية (ابريل)
  • هنا الشهر الخامس من سنتي الثانيه (مايو)
  • هنا الشهر السادس من سنتي الثانية (يونيو)
  • هنا الشهر التاسع من سنتي الثانية (سبتمبر
  • هنا الشهر العاشر من سنتي الثانية (اكتوبر)
  • هنا الشهر الحادي عشر من سنتي الثانية (نوفمبر)
  • هنا الشهر الثاني عشر + صندوق افضل منتجات سنة 2016 (ديسمبر)



  • هنا في الايفنت + صندوقي الي سويته بنفسي (اختياراتي)



  • كالعاده تغليف مرتب + بروشورات متعلقه بالمنتجات الي بداخل البوكس .....



    جلام بوكس صايرين كريمين هالفتره مع الأكواد في احد ملاحظ مثلي ؟ ههههههههه تو امس وحد تسألني في سناب تشات عن كود وسبحان الله من حظها طلع لي ... استخدموه يمكن يضبط الخصم قوووي 50% هو نفسه الي استخدمته في اشتراكي اول مره قبل سنتين ،، عندكم اسبوعين قبل ما ينتهي لحقو عليه ...



    للي حابه تشترك في المسابقه ،، ما اعرف اذا ينفع تشتركين لكن عادي جربي خذي صورتي واكتبي عليها ونزليها في حسابك يمكن تضبط هههههههههههه  .


    منتجات هالشهر بطللللله كلها حلوة وسبق جربتها ♥♥♥ المنتجات عبارة عن :

    • ميلكي فوت مقشر للرجلين ما استغني عنه اببدا على الأقل في السنه مره !! ناويه اتكلم عنه أكثر في التدوينات الجايه علشان كذا ماراح أكثر كلام هنا لكن اقرأو الريفيو المختصر كتبته في انستقرام قبل اسبوع هنا.
    • غسول لطيف للبشره من الماركة الطبيه QV ، مناسب للبشرات الحساسه ، خالي من الصابون ومدعم بفيتامين E ينظف البشره بدون ما يأذيها ،، الماركه معروفه ومنتجاتها جدددا ممتازه خصوصا مرطب الجسم و البشره رووووعة ومره متحمسه اجرب هذا من كلام الناس وتجربتهم له.
    • روج من مجموعه ريميل الجديده كريمي وصبغته عاليه ،، الدرجه رقمها 500 احمر كلاسيك ،، عيب ارواج ريميل هي ريحتهم :/ ما احبها وتقرفني جددا علشان كذا وقفت اشتريهم.
    • وآخرهم واجملهم هو جهاز لونا من فورويو ♥♥♥♥♥ حتى ما يكثر الكلام عنه الي مهتمه تقرأ وتعرف المعلومات والتفاصيل المهمه تلاقونها كلها في تدوينه هنا وقارنتها مع الكلاريسونيك .... وهنا في انستقرام حكيت ن مميزات النوع الجديد ،، الفرق انو هذا الجهم ميني يستخدم 100 مره وخلاص ترمينها وينباع في صيدليه وايتس بحدود 180 ريال للي حابه تجرب الجهاز .

     وبس ،، أتركوا تعليقاتكم وآرائكم تحت لأنها تسعدني 

    ♥♥♥

     Instagram : Ghada_abdullah09
    Twitter: G_abdullah09
    snapchat : G.abdullah09
    ،
    اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

    هناك تعليقان (2):

    Reehab Blog يقول...

    حبيييت المحتويات وعرفت ايش بالصندوق>يوصلني بكرا������

    Noura يقول...

    بالنسبة للاكواد صادقة لاحظت هالشيء مره صايرين كريمين فيها 😍 ومنتجات هالشهر حلوة بعد تتهنين فيها ياقلبي ❤️❤️

    إرسال تعليق