السبت، 19 نوفمبر، 2016

Sephora foundation | من الفاونديشنز المفضلة عندي !! سيفورا ♥


السلام عليكم ورحمة الله وبركاته ♥
قبل ثلاث شهور تقريبا سيفورا نظموا كلاس او دوره ميكب " Sephora pro Masterclass " مع الميكب ارتست هيلين هنا.
الكلاس كان للبلوقرز و الموظفات و اصحاب البطاقه السودا بإختلاف الوقت لكل فئه لكن لأن الكلاس صغير ومختصر هم اختارو 20 شخص عشوائيا من كل فئه يعني 20 بلوقر و20 من اصحاب البطاقه السودا وكذا ،، الإختيار كان عشوائي لا أكثر ولا أقل يعني لو كنتي من اصحاب البلاك كارد وما وصلك ايميل عن الدوره عادي يمكن ما طلعتي من ضمن الي اختيرو عشوائيا :( 

مده الكلاس ساعه ونص أظن والمنتج الأساسي الي كانو يحكون عنه ومستخدمينه في اللوك هو المنتج الجديد Sephora Nuit Kajal ماهو موضوعنا اليوم لكنه كحل جديد أظن انو مخصوص للشرق الأوسط وتحديداً للسعودية تكلمت عنه أكثر بالتفصيل مع الدرجات والأسعار ورأيي فيه وغيره في انستقرام هنا.
نهايه الكلاس كان فيه منتجات استخدمناها وقتها فأخذناها معانا كهديه منهم من سيفورا ♥♥ وطبعا كلها من ماركتهم نفسها وريتكم المنتجات كلها هنا.

من ضمن المنتجات الي جربتها الفاونديشن ولو متابعيني زمان قلت كثيير قبل انو منتجات الميكب للبشره مثل الكونسيلر و الفاونديشن و الباودر من سيفورا يجننوووون بجد بجد يستاهلون كل ريال واصلا اسعارهم رخيصه ما تتعتدا 100 ريال ! كتبت تدوينه عن نوع من الأنواع الي جربتها هنا لو حابين تعرفون أكثر عنه .





Sephora 10 HR Wear Perfection Foundation



الفاونديشن "بلدبل" بمعنى تقدرين تتحكمين بالتغطيه في النهايه ،، اقدر اقول انو مديوم كفرج وكل ما زدتي بتزيد التغطيه ، يخفي لك الآثار الخفيفه بسهوله من الطبقه الأولى مع التصبغات و الإحمرار لكن نهايته راح تكون طبيعيه أقرب ما تكون طبيعه البشره .
مريييح طوال اليوم ماراح تحسين كأن فيه ماسك على وجهك بالعكس راح يكون مثل طبقه ثانيه من البشره تتكيف معاها ما تضايقك.
من مكوناته حمض الهيالورونيك المسؤول عن تنعيم جلد البشرة ، وبالنسبه لمضادات الأكسدة (فيتامين E) تحميها ضد الضغوطات الخارجية. 
صبغته المركزه راح تخفي العيوب وتقلل من منظر الخطوط والتجاعيد حتى تعطيم بشره صغيرة و صحيه خالية من العيوب .

تقييمة في موقعهم 4/5 وأشوفه جدا عالي على فاونديشن بهذا السعر !! مثل تقييم فاونديشن ميكب فورايفير اتش دي بنفس الموقع :) 

اويل فري بمعنى انو خالي من الزيوت ومثالي للبشرات المختلطه و الدهنيه وممكن العاديه ،، اصحاب البشرات الجافه ممكن يبهت البشره ويسحب اشراقتها ونضارتها لأن راح يكتمها باللون والفنش فما انصحكم فيه .
تركيبته كريميه ثقيله بمعنى انها مو سائله راح تسيل من يدك ولاهي جامده مثل فاونديشن كات فون دي تحسينه جاف لا بينهم وتحسينه رطب في البدايه .




التعليب و السعر 


انا يهمني الفاونديشن يكون فيه ضغاط "بومب" انظف من ناحيه الإستخدام واضمن المنتج بيطلع للي يكفيني مو زياده ولا اقل من الي احتاج وهذا عيب في بعض الشركات لمن تطلع فاوديشن بدون ضغاط تقلل من فرصه جذب الزباين لها يعني انا ممكن اترك فكره اشتري فاونديشن اذا كان بدون ضغاط !! صعب تتحكمين في كميه المنتج الي تبغينها وممكن تنحاسين لمن تستخدمينه وتوسخين يدك والمكان .
والحمدلله هذا فيه ،، العلبه "زجاج" مطفيه ملمسها ناعم وخفيفه يعني على انو مو بلاستيك يضل خفيف وحجمه جدا مناسب للشنطه او في السفر ما ياخذ مساحه ابدا ، الغطاء و الضغاظ نفسه بلاستيك .

فيه 25ml - 0.84fl.oz بحدود 97 ريال .




الدرجات ورأيي فيه ؟


لاحظت درجات الفاونديشن عندهم متوفرة بشكل كبير بدايه من الألوان الفاتحه البيضاء للغوامق السمراء مع اختلاف الاندر تون لكل البشرات لكن ممكن مو الكل موفرينها عندنا في السعوديه :( ،، هذا الفاونديشن فيه منه 37 درجه يعني الا ما تلاقين درجتك فيه!! 
انا عندي نوعين من الفاونديشنز من سيفورا اولهم اللكود الي حطيت لكم الرابط حقه فوق ودرجتي فيه 33 وبالصدفه في الإيفنت الدرجه الوحيد لكل الموجودين كانت 33 ♥♥ يعني الحمدلله ما انركن في الدرج ولا احتجت اطلع اجيب درجتي ،، وعندي الباودر فاونديشن افتح منه بثلاث درجات ، الفاونديشن اغمق مني بنقطه و البادور افتح مني بنقطه علشان كذا أفكر اجيب درجه 31 او 32 المرة الجايه ان شاءالله . 


وعلى فكرة الفاونديشن هذا في مفضلاتي من سنوات ♥♥😍♥ اتذكر تكلمت عنه مره وحده في انستقرام وبشكل مختصر ما اتذكر ايش قلت عنه اصلا من كثر ما قديم الريفيو لو حابيت اتكلم لكم عنه في انستقرام قولولي 💕

نرجع لموضوعنا بالنسبة للفاونديشن الي في البدايه ،، انا من أول استخدام حبيييييييته ، سهل في الفرد يعني بإصبعي وزعته على كامل البشره لاحظت انك لمن تحطينه يكون رطب لكنه يجف بسرعه يعني خلي يدك خفيفه ادمجي بسرعه حتى يعطيك التغطيه المثاليه بأسهل طريقه ، بعد ما يجف ويمسك على البشره الفنش حقه جددا طبيعي ما يبين انك حاطه شي لكن لاحظت انه يبرز العيوب الخفيفه في البشره مثل الخطوط ،، المسام عادي ما برزها لكن خطوط الإبتسامه عندي تبهذلني لمن استخدم هذا معاه علشان كذا اتفادا احط فيها اي شي والا بتخطط كل كم دقيقه + عيبه الثاني انه يتأكسد شوي يغمق درجه لدرجتين لكن شكله وملمسه على البشره ما يتغير المرات الجايه راح آخذ درجه افتح حتى تكون على لوني بالضبط ان شاءالله  .
ولأن الفنش حقه شبه مطفي ممكن يسبب جفاف لبشرتك علشان كذا ما نصحت اصحاب الجافه فيه لكن انا بشرتي مختلطه ولأن الجو كأنه بدأ يبرد احب استخدم قبله مرطب ثقيل او برايمر ترطيب حتى اتجنب الجفاف الي يجيني غالبا تحت الشفايف وحولين الأنف.
مافيه حمايه "SPF" علشان كذا مثالي للمناسبات ماراح يعكس بياض في التصوير ،، لكن في الصباح راح تضطرين تستخدمين معاه واقي شمي وانا حاليا أفضل الواقي من ماركة شسيدو اليابانيه المتوفره في هارفي نيكلز . 
بالنسبه للثبات ما عانيت من انو ينمسح او يختفي بالعكي بدايه ما حطيه هو نفسه وقت ما مسحته ما تغير ولا انمسح لكن بعدد 4-6 ساعات بدأت جبهتي تدهن شووي بما انو بشرتي دهنيه في التي زون ،، ما عاني اي مشكله في دمج المنتجات الباور فوقه مثل البلشر و البرونز اندمجو زين ما تكتلو او تجمعو في كان واحد بالعكس النتيجه كانت مثاليه ،، احيانا اخطله مع مرطب البشره حتى يقلل من تغطيته فيصير مثل البيبي كريم .
ككل مررره حبيته وما استغربه من سيفورا ،، انصحكم تجربونه لو نوعية بشرتك مناسبه .



بالنسبة لطريقه استخدامه عندك كل الطرق لكن انا افضل طريقتين :

1/ الأولى والي افضلها غالبا بما اني استخدمه أكثر في المناسبات فأحتاج التغطيه الكامله  منه هي بإستخدام الإنجلد برش من سنسلي ،، السؤال هو وين الاقي فرشهم ؟ هههههههههه حبيتها مرره مره لفيت الرياض ما لقيتها :( اخذتها بالصدفه في مكه بـ25 ريال بسسسس حتى سيجما وريل تكنيك ما وصلو مثل حبي لهذي 💔
بعد ما اوزع الفاونديشن بأصابعي ادمجه بحركه دائريه لحد ما يندمج زين واحب اسوي جهه جهه مو الوجه كله مره وحده لأن آخذ وقتي الدمج والفرشه تساعد وتسهل انو يكون طبقه وحده ما يتجمع في مكان واحد بإختصار الفرشه تستاااااااااهل .

2/ الطريقه الثانيه والي استخدمها لو ابغى أخفف من تغطيته او لمن اخلطه مع المرطب خصوصا في الصباح استخدم البيوتي بلندر لأن معروف البيوتي بلندر ما تعطيك التغطيه الكامله فتخفف من التركيبه وتبينه طبيعي أكثر وما يحتاج احكي عن كيف تدمج الفاونديشن والنتيجه الي تعطيك هي صح ؟؟ الكل عنده والكل جربها ما يحتاج اعيد وأمللكم :) 


سواتش للدرجات 


هذا سواتش لدرجتي 33Medium Walnut وباقي الدرجات تقدرون تشوفونها في الموقع والا هذي الصوره توضح لكم أكثر :



حاولت ابحث عن التغطيه المثاليه له لكن ما لقيت الا هذي الصوره تابعه لمدونه أجنبيه في جوجل وللأسف احسها ظالمته بس مالقيت غيرها :( 
عموما جربوه في المحل واحكمو على التغطيه و التركيبه بنفسكم وانشاءالله يعجبكم ♥ 



 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك تعليق واحد:

غير معرف يقول...

غاده حبيبي في اي تدوينه ذكرتي الطريقه الصحيحه لدمج الفاونديشن لاني ابغاها ؟!

إرسال تعليق