السبت، 5 نوفمبر، 2016

Mikyajy Fragrance | عطور يوميه بأرخص سعر !! + مكياجي ♥


السلام عليكم ورحمة الله وبركاته ♥
الإثنين الي فات كان فيه إيفنت لمكياجي بمناسبه اطلاق منتجات جديده متنوعه مابين عطور وميكب ،، ولأني حبيت المنتجات بشكل كبير قررت أكتب تدوينه كاملة عنهم بالتفاصيل وأشارككم فيها ،، لو تعرفوني سبق وقلت المدونه ما أحكي فيها الا للمنتجات الي تستاهل اني احكي لكم عنها لكن ما يكفيني الانستقرام فأخليها للمدونه حتى أقدر أكتب عنها بشكل أكبر وأوسع ♥♥ فلو حابين اتكلم عن منتج معين مو موجود في المدونه قولولي حتى لو اني تكلمت عنه في انستقرام راح ارجع اعيده لكم بتفاصيل هنا :)
اليوم راح اكتب لكم عن العطور فقط ، الميكب راح اخليه لبعدين لأن ما عندي المنتجات كلها اذا وفرتها راح اكتب لكم عنها عن انشاءالله .
قبل هذا الإيفنت بشهور كانو مسوين واحد قبله وسويت له تغطيه كامله للي فوتتها وحابه تقراها تلاقيها هنا . 


مجموعة عطور لايف ستايل مصنوعين في فرنسا ،، الكولشكن مكون من 8 عطوات 4 منهم متوفرين من فتره في المحلات وهي الي راح اكتب لكم عنها اليوم والـ4 الباقين المفروض نازلين من بدايه هذا الشهر نوفمبر لكن ما شفت المحل للحين .

العطور كلها eau de toilette | او دي تواليت ،، يعني هي اخف العطور تركيزا (ماء وكحول والخلاصة العطريه من 8% الى 15% فقط ) ثبات هذا النوع من 4-6 ساعات فقط علشان كذا اسعاره تكون رخيصه في العاده .
شخصيا ما حبيت استخدمها الا في البيت إما خلال اليوم او بعد الشاور لأن ذوقي في العطور مختلف تماما لو راح اطلع او عندي مناسبه لكل مكان وزمان عطر خاص .



الأسعار:
العطور فيها 30 مل بسعر 49 ريال للواحد والعرض ثلاث من اختيارك بـ99 ريال .
كل عطر فيه منه بودي مست بـ39 ريال للواحد او العرض 3 من اختيارك للروائح بـ79 ريال او 5 قطع بـ129 ريال .
وفيه مجموعه مكونه من "3" قطع فيها العطر و شاور جل ولوشن بـ 79 ريال .
او مجموعه مكونه من "5" قطع فيها العطر والبودي مست و الشاور جل و لوشن وميني من العطر للشنطه حجمه مثل القلم بـ129 ريال .



في نهايه الإيفنت اهدو الحضور عطر محفور اسمه لكل بنت ♥♥ ماتتوفر هذي الخدمه في المحلات خاصه للإيفنت بس اظن فيه محلات في الرياض تحفر على العطور والا ؟؟ اذا تعرفون اكتبو لي في انستقرام او تويتر :)

SPRING BLOSSOM | سبرينق بلوسم :
العطر الي اول ما لفتني فيه هي ريحه الياسمين الطااااغيه فيه يجنن يجنن الي تحب الياسمين بتحبه خصوصا بعد ما يبرد < كل العطور اتركوها لحد ما تبرد واحكمو .
مكوناته عبارة عن :

الطبقه العليا الي هي الفواكه و البرتقال ماهي واضحه قد ما الزهور و المسك طاغي عليهم ريحه العطر نظافه وفرش مرره حبيته لازم تشمونه في الزياره الجايه .



SECRET GARDEN | سيكرت جاردن :
قبل ما اشم العطر هذا ، الي قبله كان المفضل عندي لكن بعدها حبيت هذا أكثثر ما اعرف ليش لكن ريحته كانت ذوقي يمكن لأن الطبقه الأساسيه فيها خشب الصندل و الفنيلا بشكل ناعم ،، مكوناته :



نفس الشي على كثر ما مكوناته أغلبها فواكه ريحتها مو قويه ولاهي واضحه ومزعجه ،، وفي نهايه شرحهم للعطور سألو عن احلى عطر اعجبنا ؟ 
الأغلب اختار هذا وقال اصلا هو البست سيلر "الأفضل مبيعا" من بين كل المجموعه يعني ما اخترناه عبث هههههههههه  . 



FRUIT PUNCH | فروت بنش :
هذا الأقل تفضيلا عندي يمكن لأن فيه ريحه برتقال قويه فيه ؟! أغلبه فواكه ما احس هذي الروائح تليق علي كثير ، مكوناته :



هذا ما يعني انو شين او سيئ ، لا العطور مسألة ذوق وحده من متابعاتي كتبت في انستقرام انها شرت هذي الريحه وحبتها كثييير ليش ؟ لأنها تحب وتميل للفواكه دائما علشان كذا لا تاخذين بكلامي في العطور انتي روحي وشميهم بنفسي واحكمي .



AQUA ROSA | آكوا روز :
هذا العطر اهداهم وأخفهم تركيز وقوه ،، ريحته تذكرك بالبحر انتعااااش مثل ريحه الأعشاب البحريه ، مكوناته :



جمعو افضل المكونات الي احبها الياسمين والمسك ♥♥♥


 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك تعليق واحد:

Rawan M. يقول...

حلوو الكوليكشن، وكويسس إنهم خرجوا عن أسماء عطوراتهم السابقة
زمااان قبل تقريبا 10 سنوات كان عندهم تشكيلة عطور علبتها اسطوانية طويلة،، اشتريت منهم واحد اسمه (7bibi \ حبيبي) قعد مدة وانقطططعع.. طبعا وقتها كان اللي يبيعون ذكور وكنت أستحي الصدق من السؤال عن عطر حبيبي.. جدًا كان غير لائق 😆 رغم إنن العطر يجججججنننن! صددق مررره أحسه أنا..
بس الحمدلله رجع العطر بباكيجنق مختلف ووقتها صاروا اللي يبيعون نساء فكان الوضع مره مريح وندق حنك نسولف عند العطور 💜💜
بس ما زلت أستنكر أسماء عطوراتهم السابقة (حبيبي \ حبي \ غنوجة..إلخ) مع إني مرره مع المسميات العربية خصوصا إذا كانت البراند عربية بس مو بهالطريقة 🐸
بالأخير،، مكياجي عنده أشياء خرافية جدًا وأسعارها رااائعة بالذات في التخفيضات! والحمدلله إنهم تداركوا مشكلة التسويق عندهم ..لأن مرره يسعدني أشوف ماركة عربية بمستوى عالمي 🌺

إرسال تعليق