السبت، 12 نوفمبر، 2016

Doir Glow | منتجات تتفاعل مع لون بشرتك ؟؟! ديور چلو ✨


السلام عليكم ورحمة الله وبركاته ♥
منتجات ديور لها مكانه في قلبي ♥♥♥ ما أعرف ليش لكن ما اتذكر جربت اي منتج من عندهم وما ناسبني !! يعني بجد فلوسها في جودتها وأعتبرها من التوب للماركات المفضله عندي من سنين أحب أكافئ نفسي بمنتج منهم كل فتره وفتره 😍
اليوم راح أحكي عن اثنين من المنتجات الي انصحكم فيها 100% لأنها بتناسب الكل وعارفه الي جربتها ماراح تستغني عنها ههههههههههههههه والا هذي انا لحالي !!
كلهم ضمن البيست سيلر من سنييين وماهم جداد علي أبدا جربتها وسمعت عنها في يوتيوب وقرأت عنها في انستقرام وغيرها كثييير ،، جميله كهديه لو حابه تهدين أحد شي جديد ومتخوفه تختارين درجات معينه لأن الي يميزهم عن غيرهم انهم يتفاعلون مع حراره البشره حتى يعطونك درجه خاصه فيك ومميزه عن غيرك وراح أشرح لكم أكثر تحت  .


منتجين بلشر و مرطب بدرجه وحده لكنها تختلف على الكل ! كيف ؟
فيها تكنولجي تخليها تتفاعل مع حراره ورطوبه جسمك بحيث يتغير اللون حتى يناسب الدرجه المثاليه لبشرتك ،، بالنسبه للبلشر :

rosy cheeks with this finely-milled light-pink blush. The unique formula adjusts to your skin’s natural chemistry to create a customized look and the universal shade, Petal #001, is flattering on all skintones. Its ultra-fine, powder texture and irresistible rose fragrance offer a moment of pure indulgence with each application

ما عرفت كيف اترجم لكم الصراحه ،، احس وصفهم بالإنجليزي دقيق لدرجه صعب الاقي مصطلحات توضح لكم المعنى !! ما ادري ..... لكن راح أحاول ، يوعدك بخدود مورده مع لون زهري خفيف يذوب على بشرتك فيبين طبيعي جدا كأن التوريد من البشره نفسها ، تركيبته "الفريد" تطلع او توضح طبيعه ودرجه بشرتك حتى يتكون لك لونك المثالي المخصص لك ، الدرجه الوحيده والي راح تناسب الكل بإختلاف الوان البشره هي 001# والباقي عاد ترجموه جوجل ما عرفت ايش اكتب ههههههههههههههه هذي مشكله وصف الميكب بالنسبه لي ارجع لنفس الكلمات لكن اهم شي الفكرة وصلتكم انها درجه وحده راح تناسب الكل لكن تركيبته هي الي تميزه عن غيره من ناحيه "إختلاف" اللون من بنت لبنت .  

بالنسبة للمرطب نفس الفكرة :
Awaken and enhance the natural beauty of your lips with this unique balm. Formulated with color reviver technology, this silky lipstick reacts with the chemistry of your lips to create a special shade that will last all day. The addition of SPF 10 will keep you protected, while hydrating mango butter and loofah extract nourish for beautiful, luscious lips
يوضح ويرجع لون شفايف الطبيعي واذا ما كنت غلطانه إنه يعالجها مع الوقت فيوحد لونها ويقلل من الغمقان في الأطراف الي أغلب البنات يعانون منها ،، متوفر بالدرجه الأساسيه الي في تدوينه اليوم ومتوفره درجتين ثانيه بنفسجيه و مشمشيه .



كلهم تعليبهم مميز ومختلف عن لون تعليبهم الكحلي كالعاده ،، هذي المجموعه لون التعليب حقها فضي عاكس مثل المرايه ،، المرطب داخل البوكس والبلشر معاه حافظه مخمل صغيره حتى تحفظ لك المنتج من انو يتمخش او يغبر او مايصير نظيف بداخل الشنطه لأن التعليب من الداخل عاكس .
حجم المرطب مثل الروج العادي ،، والبلشر لأن بالداخل فيه فرشه فحجمه مثل باليتات الآيشادو حقتهم .



Dior Rosy Glow Healthy Glow Awakening Blush


لأني ما أميل لإستخدام البلشرز بالعاده ولو استخدمت فأنا اختار الألوان الطبيعيه درجات البني الناعمه الي ما تبين بصراحه ههههه أتذكر اول ما جربت هذا البلشر ما حبيته ابببدا حسيت لونه قوي "فاقع" وابدا ماهو طبيعي على البشرة فمسحته و ركنته بالدرج كالعاده.

بعدها بفتره الكل قام يستخدمه ويتكلم عنه وهذا الي حمسني أرجع أجربه مره ثانيه وبجد ندمت اني ما رجعت له من زمان ،، علشان نكون صريحين ما استخدم البلشر هذا مع فل ميكب لأن عندي درجات معينه اغمق افضلها للمناسبات لكنه خياري الأول في الصباح + الأيام الي ما استخدم فيها ميكب .
اتعب وانا اقول أقول قد ايش درجه البلشر جمييييله وطبيعيه تعطيك توريد ناعم بشرتك تصير مشرقه ونضرة طوال اليوم ما أعرف ايش السر !! هو التركيبه جملته والا علشان الدرجه مخصصه لك ؟ تركيبته البلشر جددا ناعمه تندمج مع البشره وهدفه انو يعكس اللون مع الإضاءه وهنا تبين البشرة صحيه ونضرة ومعاه فرشه جودتها ممتازه ماهي اي كلام يعني لا ترمونها ، أول ما تستخدمونه استنو شوي حتى يبين اللون النهائي وخفي يدك لا تكثرين مثل ما كنت اسوي بالأول حتى ما يطلع اللون قوي اوفر بزياده وما يعجبك وهو اصلا كاتبين تمريرة واحده بالفرشاة تكفي لإقتطاع الكميه الكافيه الا اذا كنتي تبغين نتيجه اقوى مرري مرتين وانتظري حتى يطلع اللون بشكل اوضح ،، ثبات عالي توصل لـ6 ساعات ويمكن أكثر .
انصحكم فيه مرره مره ما يهم كم عمرك سواء 15 او 25 او 50 ونوع بشرك راح يناسبك من كثر ما حبيته وامدحه للكل اخذت اختي حقي فإضطريت اشتري جديد لااااازم تجربون التستر على الأقل وراح تفهمون قصدي♥.

سعرة : ما اتذكر لكن على كلام وحده من متابعاتي الله يسعدها 277 ريال .




Dior Dior Addict Lip Glow


هذا المنتج الي بجد من أول استخدام لي ما قدرت أوقف عنه !! هو بعد كل شي يضل مرطب لكني أشوف فيه مميزات كثيييره تخليه أفضل من غيره بمراحل .
بدايه هو متوفر بأكثر من درجه وأكثر من تركيبه يعني اللب جلو المرطب الي تشوفونه في الصوره متوفر بـ3 درجات (الوردي الأساسي في الصورة - مشمشي - بنفسجي) وبالنسبه للتركيبه الي في الصوره هو الستك المرطب العادي ومتوفر بمحدد و اللب بوميد واضق لهم الكريم دي روز و اللب مكسمايزر لأني اشوفهم مجموعه مثاليه :



الخطه الجايه ناويه على ثالث منتج يسار اللب بوميد نفس المنتج لكن بتركيبه أثقل وبما اننا بندخل في الشتاء راح يكون صديقي دائما و أبدا ان شاءالله + خبيرة التجميل الأجنبيه ايمانويل لمن حضرت في بوتيك ديور المرة الي فاتت مدحته لي مره وقالت انه من مفضلاتها وما يطلع من شنطتها ابدا مع باقي مفضلاتها من ديور نزلتها انستقرام هنا .
عموما نرجع لموضوعنا لو حابين اتكلم عن المنتجات الي الأربع الباقيه وتجربتي لها قولولي انستقرام ، اليوم راح اتكلم عنه الأول يسار فقط 


فيه مثل التكنوليجي الموجوده في البلشر color reviver technology الي لمن تحطينه يتفاعل مع لون شفايف فيطلع لون مخصص لك مختلف عليك عن غيرك ،، راح يورد شفايف يعطيها لون وردي ونضاره هذا غير الترطيب العالب والأهم من كذا نسبه الحمايه SPF 10 .
يعني حطيه واطلعي للشمس وانتي متطمنه لأن كثير غافل عن ضرر الشمس على الشفايف وهي من أكبر أسباب غمقان أطراف الشفايف وجفافها ! 
نقطه مهمه ،، كل ما زدتي منه زادت قوة اللون لكن اذا شفايف لونها مو موحد وغمفه من الأطراف يمكن ما يكون بجمال الشفايف الموحد لونها فماراح تلاحظين فرق كبير "باللون" لكن الترطيب وغيره نفسها المميزات ماراح يختلف .
الي فيها خطوط خفيفه على الشفايف لاحظت انها يقلل من منظرها خصووصا قبل الروج ،، ترطيبه عالي ومريح على الشفايف من بدايه استخدمها راح تلاحظين انو شفايف ماعاد تجف بشكل كبيييير خصوصا لو التزمتي بالتقشير والترطيب صديقني راح تلاظين الفرق بعيونك !! ترطيبه قعال من بس سطحي على الشفاسف يعني حتى لو راح لمعه الترطيب الشفايف نفسها بتصير مكتفيه ومليانه منه ، مثااااااالي قبل الأرواج السائله الي أحيانا تسبب جفاف فضيع والا مثل ما اسوي استخدمه في اصلباح بدال الروج 2 في 1 ،، في النهايه هو مرب وانا حبيته وناسبني لو تحسينه عادي ما يستاهل هذا رأيك انا اشوف انه يستاهل كل ريال وانصحكم تجربونه لو مرة وحده .

سعره : حدود 170 ريال .




 سواتش للدرجات 


السواتش من جوجل والألوان ابدا مو واضحه حاولت ابين لكم في التصوير لكن مثل ما قلت تختلف من شخص الي في الصوره هذا اول ما حطته يعني الالوان ما بعد تغيرت فالأفضل تجربونه عليكم حتى تحكمون بنفسكم ،، ككل أنصحكم فيهم لااازم تجربونهم لو في المحل على الأقل ،، ولو تشوفين سعرهم مرتفع اعتبريهم هديه لنفسك لما تنجزين شي. 

 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك تعليق واحد:

Ara يقول...

انا من عشاق❤️ ديور وكل منتج يعجبني اكثر واكثر و كل فتره اشتري منتج من منتجاتهم وابدا ما يخيب ظني في المنتج. و البلشر الوردي💗 عندي من زمان وجدااا جمييييل و ان شاء الله اشتري المرطب💄. وشكرا للتدوينه ❤️

إرسال تعليق