الجمعة، 7 أكتوبر، 2016

Kat Von D | تجربتي لباودر فاونديشن كات فوندي "لوكت تاتو" ؟؟!


السلام عليكم ورحمة الله وبركاته 
في الفترة الي فاتت ولأن تعرضي للشمس أكبر من العاده ومع الميكب + بشرتي الدهنيه إستغنيت عن اللكود فاونديشن وإستبدلته بباور فاونديشن ،، سبق وجربت نوعين من الباودر فاونديشن لكن اليوم راح احكي لكم عن نوع جديد علي من كات فون دي .

Kat Von D Lock-It Powder Foundation :


طبعا معروف انو الماركه هذي بالذات أغلب منتجاتهم اذا مو كلها مركززه وصبغتها عاليه فالباودر هذي تغنيك عن الفاونديشن لأن فيها تغطيه عاليه واصلا هي من نفس مجموعه اللوكت فاونديشن منهم عرفتوه ؟؟ الثقيل مرره .
المنتج يوعدك بـ تغطيه بلدبل متى ما احتجي تغطيه زيدي المنتج (استخدمي اسفنجه مبلوله زي البيوتي بلندر لو تبغين تغطيه عاليه او فرشه بفنق لو حابه تغطيه ميديوم والا بفرشه باودر لو حابه لون خفيف مع ثبات بس)  + بشره مثاليه مطفيه + ثبات يوصل 24 ساعة ،، ويضمن لك انه ما يخطط او يكتل خلال اليوم ولا ينمسح او يتحرك .
عادة الي راح يستفيدون بشده من هذي الأنواع هم اصحاب البشرات الدهنيه لكن هذا ما يمنع انو باقي البشرات مثل المختلطه والعاديه او حتى الجافه من انها تستخدمه لكن راح تختلف طريقه الأستخدام فمثلا الدهنيه راح تستخدمه على كامل وجهها ومجرد ما تمر عشر دقايق تمتص دهون البشره ويبين طبيييييعي لكن عكسهم للبشرات الجافه الي ممكن تبين مغبرة لو استخدمته على كامل البشره فتضطر تحطه بسس على الأماكن الي تحتاج فيها تغطيه او ثبات في الميكب وكذا .

خالية من البارفين والباربين والعطور ،، مافيها اي مكون يسد المسام أو يعبيها ويكتمها يعني خفيفه على البشره والأهم من كذا انها ما تهيجها وهذي نقطه مهمه للي بشرتها حساسه .

متوفرة بـ17 درجه مختلفه مابين الفاتح والمتوسط لحد الغامق وبأندر تونز مختلفه ممكن يسهل على البعض يلاقون لونهم لكن انا ما قدرت أحدد لوني الدقيق :/ عجزت وهذا الشي الوحيد الي مأزمني في الميكب !!!  ما أعرف اذا السبب إنارة المحل او انا ! عموما ممكن تتعبين وانتي تبحثين عن درجتك بالضبط .



تعليبها مرتب ،، بلاستيك أسود ومن برا مطرز بلوقو الماركه ورسم الورود على منتجاتهم عادة ،، الباودر منقسمه قسمين ، الأول (الفضي) فيها المنتج نفسه او البادور نفسها واذا رفعتيها تلاقين الإسفنجه الي تجي معاه ومعاهم مرايه بحجم العلبة .
شخصيا ما حبيت التعليب حسيته كبير بزياده على الي أفضله وأغلب المساحه مأخوذه علشان الإسفنجه مع انها ممتازه للتش اب خلال اليوم بس التعليب اوفر :(
وزنها خفيف فماراح تثقل عليك لو أخذتيها معك في الشنطه لكن راح تاخذ مساحه علشان حجمها خصوصا لو كان معك كلتش او شنطه صغيره  .




ما أحب استخدم الإسفنجات للباودر فاونديشن فأفضل استخدم فرشه ريل تكنيك البفنق او سيقما الكابوكي لأفضل نتيجه برأيي ، قبل ما استخدمها اتأكد من اني مرطبه بشرتي زين حتى يندمح بسهوله وما يتجمع في الأماكن الجافه اذا ما رطبتها ،، ابدأ بكميه بسييييطه وبحركه دائريه لحد ما يندمج تماما وكل مابغيت تغطيه زياده زدت شوي شوي ما ينفع من المره الاولى تكثرين حتى ما تبين كيكي !!
في البدايه وجهي بين كأنه مغبر استغربت وكرهته فقررت امسحه رحت اجيب مزيل الميكب وانشغلت شوي ولمن رجعت علشان امسحه لقيت انو البشره امتصته شوي واندمج مع الميكب وبين طبييييعي جددا وكعادتي بعد اي ميكب احب ابخ فكس بلس احتياط حتى يقلل من منظر الباودري وهذا الشي ساعد يخلي شكلها طبيعي أكثر .
التركيبه خفيفه ماتحسين فيها مكتومه او طبقه فوق ابشره ابددا عكس الفاونديشن حقهم من  نفس الماركة الي جربته راح تفهم علي ،، يوحد لون البشره بشكل بسيط ولأني في الصباح ما عندي وقت سوي فل ميكب ما استخدم غيره مع شوي مسكره وروج واسوي حواجبي ولأني أمر عند الشمس كثير بشرتي تدهن بسرعه بحكم انو بشرتي هذي الفتره دهنيه بإستبدالي اللكود الفونديشن بالباودر نفعني كثير مع دهون بشرتي خصوصا الأنف مهما حطيت ومهما سويت لازم يدهن بعد كم ساعه .. الإسفنجه الي معاه استخدمها خلال اليوم في التي زن بالطبطبه وأهتم بتنظيفها كل اسبوع لاسبوعين بمويه وشوي صابون زي اي اسفنجه حتى ما تجتمع عليها البكتيريا وتسبب لك مشاكل بشره  .
استخدمها بعد في اي وقت اسوي ميكب لكن بطريقه مختلفه ،، آخذ فرشه باودر كبيره وبالطبه الخفيييييفه فوق الفاونديشن تزيد من التغطيه وتمنع الدهون .
بالنسبه للثبات بجد عالي ما أتذكر راح من نفسه اي وقت استخدمته دائما انا الي امسحه بنهايه اليوم .
ككل المنتج جميل لكن اذا حابه ثبات او منع دهون أكبر الأفضل تستخدمين برايمر قبله حتى تزيدين من ساعات تحكمه بالدهون خصوصا للي بشرتها جدا جدا دهنيه ،، ومثل ما قلت أفضل ابخ فكس بلس او مثبت ميكب بعده حتى يخفف من اللوك الباودري لو استخدمتيه كفاونديشن .
 لو راح أقرب لم فكره المنتج او اعطيكم بديل له هو نفس باودر ماك ستديو فكس .

سواتش للدرجات :


للأسف ولا وحده منهم لوني علشان كذا أضطر اخلط ثلاثهم سوا وأحيانا استخدم الأخيرة يسار لتحت العين بعد الكونسيلر بشكل خفييييف .
كلهم من درجات MEDIUM وارقامهم من اليمين : 54 - 62 - 52 .

 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


هناك تعليق واحد:

rouwaida chan يقول...

شكرا لك حبيبتي علي الشرح
ونفس وضعك المأساوي بتحديد لون البشره
لانه مع اضائه المحل تختلف وغير بشرتك تفتح وتغمق
علي حسب حالتك النفسيه 😢
المهم اتحمست لها وراح اجربها شكرا لك جزيلا ياعسل

إرسال تعليق