السبت، 29 أكتوبر، 2016

FRANK LIP DUO | أفضل مقشر ومرطب للشفايف !! مجموعة فرانك ♥


السلام عليكم ورحمة الله وبركاته ♥
قبل فتره وحده من المتاجر في انستقرام ارسلت لي هديه  ولمن دخلت أشوف حساب المتجر لفتتني مجموعه فرانك للشفايف الي تتضمن مرطب ومقشر ،، ولأني من زمان أبغى أجربها خصوصا بعد ما شفت مدح كبير عليها وإختصارا لوقت قلت اطلبها وتضيفها مع التوصيل مره وحده بدال ما أبحث عن متجر ثاني واتأكد اذا ثقه واذا في الرياض وغيره ...... عموما لمن وصلتني تحمست له أكثر من باقي المنتجات لو متباعيني من قبل انا من أكبر المعجبين لمقشرات فرانك والماركة ككل لأان منتجاتها طبيعيه واسعارها مناسبه وجودتها ممتااااازه !!♥
قبل ما أدخل بلتفاصيل حابه أشكر المتجر الي وفرتها مع باقي الهديه في انستقرام ♥♥ حسابهم beautyfaceshop__@ هنا .



المنتجين يجونك داخل كيس مثل تعليب المقشر العادي للجسم لكن الفرق انو بحجم اصغر كبر كف اليد يكفي المنتجين بداخله ،، المنتج مصنوع في استراليا ،، مجرب على الأطفال وهذا يعني انو مكوناته طبيعيه آمنه ،، يتضمن مكسرات في المكونات لو عندك حساسيه الأفضل تتجنبينه وأكيد يحفظ في مكان بارد وجاف حتى ما يخرب .



"LIP SCRUB "



المقشر حجمة صغير لكن كميته كافيه لفتر طويله استخدام يومي ،، من مكوناته :

  • قهوة روبوستا الأرضيه الي بدورها تشيل الجفاف و والجلد المتقشر .
  • وزيت بذور القهوة الغنينة بالأحماض الدهنيه ومضادات الأكسده الي تساعد الشفايف تكون بأحسن حال وتقلل من الخطوط وتزيد من تعبئه الشفايف .
  • السكر الخام بحبيباته البلوريه يساعد على تقشير الشفايف بخفه حتى تتركها ناعمه ومتجدده . 
  • زيت الماكديما المضغوط ، نوع من الجوز عني بالأحماض الدهنيه مثل الاوميجا3 واوميجا6 والي تمتصها الجلد حتى يعطيك السعور الناعم والحرير على الشفايف .
  • شمع النحل او شمع العسل راح يحمي بشرتك من العناصر الخارجيه ومن التهيج بدون ما تترك المسام مسدوده .
  • مع مكونات ثانيه مثل العنب وخلاصات الفواكة وفيتامين E  .



"LIP BALM "



مرطب الشفايف وهو الي بجد انبهرت منه !! ما توقعت يعجبني ،، من مكوناته :

  • اللانولين مرطب الشفايف الي ماراح يترك طبقه مقرفه على سطحها مثل غالبيه المرطبات عادة ،، هذا مرطب طبيعي ويقدر يستحمل فوق 200% من وزنه فوق المويه !
  • زيت بذور قهوة البن العربي ، ( في كل منتجاتهم معتمدين على القهوه بشكل كبير لفوائدها العظيمه ابحثو عنها ) تحتوي على فيتامين E ومضارات الأكسدة .
  • جوز الهند وزيت بذور العنب ، نوعين من أفضل الزيت الغير "مزعجه" ما تسبب تلاصق او شعور ستكي مقرف :/ ،، زيوت خفيفه تنعم البشره وتتركها جاهزة مثاليه قبل اي روج خصوصا الأحمر ♥ 



أحجامهم وتجربتي لهم ؟!



شايفين قد ايش صغنونين ♥♥ صح صغار لكن كميه بسيييييييطه تكفيك لفترة طويله واستخدامي لهم على الأقل مرتين باليوم ،، ابدأ في الصباح وقبل ما انام فيهم .
بالنسبة للمقشر لأن من مكوناته القهوه والسكر فأكيد فيه طعم مع اني أكره اي منتج شفايف فيه طعم لكن هذا ما يضايق ، كميه الترطيب فيه عاااااليه يعني عادي ما تستخدمين مرطب بعدها الروج لحاله يكفي ، تقشره مو قوي فلو شفايف جددا جافه ماراح يناسبها بالنسبه لي انا اعتبره مقشر سطحي وجدا خفيف عكس التقشير الأساسي والمفروض تسوينه على الأقل 3 ايام بالأسبوع عن نفسي استخدم قطعه قماش خشنه مخصصه لتقشير الوجه من ذابودي شوب لونها اصفر لكني مخليتها للشفايف لأنها جدددا رائعه تشيل الطبقه الميته الأولى كلها وتترك الشفايف حمرا مورده ونااااااعمه بعدها استخدم فوقها هذاالمقشر يزيد من الترطيب ويعالج التصبغات الي فيها وعاده تكون حولين الشايف ، الخطوه هذي حسنت من شفايفي بنسبه كبيره ماصرت استغني عنهم.

اما بالنسبة للمرطب فلو تتذكرون قبل فتره ماركه بايت بيوتي الأمريكيه المخصصه للشفايف اصدرو منتج جديد اسمه "اجافا لب ماسك" والي هو عبارة عن ماسك مخصص للشفايف بحيث يكون مرطب ثقيل جدا تستخدمينه قبل النوم وفي اليوم الثاني الشفايف تصير اجمل بمراحل من لمن كانت عليه من كل النواحي ، هذا المرطب ذكرني فيه مرره مره وأعتبره البديل الأرخص صراحة ، تركيبته ثقيله اشبه بالزبده ماهو خفيف فوق الشفايف يعني تحسين فيه لكن هذا لأني احط طبقه كبيره منه قبل النوم بعد التقشير حتى اصحى في اليوم الثاني والاقيها مترطبببببه وورديه والخطوط مختفيه تماما والنعومه شي ثااااني اتعب وانا اقولكم قد ايش جميل هذا المرطب واحب استخدمه قبل اي روج وخوصا المطفيه قبل بنص ساعه حتى يكون المنظر ارتب وقت ما استخدم الروج ما تصير الشفايف ميبسه وجافه ومقرفه بالذات مع اللكود لبستك للي تعاني منهم راح يفك ازمتها الصراحه ،، هو المرطب المفضل خلال اليوم ومعاي 24 ساعه مع مرطب ديور وقت ما اطلع حتى يعطيني حمايه من الشمس وتوريد عاد المرطب حق ديور حكايه ثانيه سبق وتكلمت عنه في انستقرام للي مهتمه ترجع للصورة .






 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

ليست هناك تعليقات:

إرسال تعليق