السبت، 15 أكتوبر، 2016

Blogger Collaboration | ١٠ منتجات هاي اند تستاهل كل ريال !!♥


السلام عليكم ورحمة الله وبركاته 
تتذكرون قبل سنه وكم شهر تقريبا انا وكم بلوقر قررنا نعمل بلوقر كولابريشن او تعاون بلوقرز والموضوع كان عن 50 منتج بـ50 ريال !! وقسمنها الأعداد بيننا لو ما لحقتو عليها وما قرأتوها تقدرون تشوفونها هنا و هنا و هنا .
الي صار اننا قررنا نعيد التعاون ونزيد عدد البلوقرز حتى يكون الموضوع حماسي أكثر بما انو كل وحده لها مفضلاتها الخاصه :) ♥♥
لكن هذي المرة الفكره إختلفت الموضوع راح يكون عن أفضل او التوب 10 من المنتجات الهاي اند الي تتوفر في المحلات الكبيره مثل سيفورا ، نوردستروم ، وجوه وغيرها من المحلات المعروفه ....
كل وحده مننا راح تتكلم عن 10 منتجات تستاهل كل ريال بالتفصيل مع ريفيوز عنهم بحيث ما تصرفين فلوسك على منتج غالي وهو ما يناسبك .
البلوقرز الي متعاونه معاهم وإختياراتهم من التوب 10 :

البلوقر سناء من مدونة La beautiful details  | هنا 
البلوقر أمل من مدونة Terter thinks  | هنا
البلوقر اسماء من مدونة Thatredlip | هنا 



صعب علي أختار 10 منتجات بس من كل الميكب الي عندي مستحيل هههههههههه علشان قررت أختار منتج من كل مجموعه او على الأقل منتجات مختلفه فهمتو قصدي ؟ يعني بودره وحده وروج واحد وبلشر واحد كذا ....... ما حبيت اتكلم عن نفس المنتج من ماركتين مختلفتين :) + لو متابعتني راح تلاحظين أغلب المنتجات مو جديده عليك وسبق حكيت عنهم سواء كان في المدونة هنا او في إنستقرام فبعض المنتجات راح اضيف لها روابط حكيت عنها بالتفصيل إختصارا للوقت والكلام ♥ .
قبل ما أبدا أبغى أنبه على نقطه مهمممة ،، قبل ما تشترين اي منتج سواء انا تكلمت عنه او غيري تكلم عنه اقرأي عنه أكثر لا تاخذين رأيي فقط ممكن نوعيه ولون بشرتي تختلف عن بشرتك وعلشان تضمنين فلوسك ابحثي واقرأي أكثر وبعدها قرري اذا يناسبك او لا . 



Clinique 3 step skin care system :
مجموعة كلينيك 3 ستبس للعنايه بالبشره ،، من أفضل المجموعات الموجوده في السوق بالنسبه لي ،، فيه منها أحجام كثيره وأنواع مختلفه لكل بشره وممكن تنباع لحالها لكن الي عندي في الصوره هي الميني ، مجموعه مخصصه للسفر فيها الثلاث منتجات ، غسول و تونر و مرطب جل للبشره المختلطه للدهنيه .
الغسول لطيف على البشره أستخدمه يوميا نهار وليل ، ينظف بعمق بشرتك تصير نظيفه وجلوي والأهم مافيها قشور او جلد ميت اما بالنسبة للتونر تنظيفه عميييق وقوي ما انصح فيه بعد الغسول ابدا لأنه راح يهيج البشره انا استبدل غسول الصباح بهذا التونر امرره على كامل الوجه والرقبه يشيل الأوساخ والدهون تمااما ، والي تعاني من اسمرار في الرقبه (بدون ما تكون مشاكل طبيه طبعا ) كل يوم مرتين مرري التونر على رقبك وشوفي الأوساخ كيف تطلع وآخرهم وأحلاهم هو المرطب هذا روووعه جل خفيف على البشره حكيت عنه كثير كثير تلاقون ريفيو كامل بالتفصيل للمجموعه كاملة هنا

السعر : حدود 152 ريال 



Makeup forever ultra hd concealer :
كل متطلباتي هذي وأكثر لقيتها في هذا الكونسيلر ،، لونه قوي وتغطيته عاليه ، كريمي وسهل جددا في الدمج لكني لاحظت انه يجف ويثبت بسرعه فما ينفع تحطين تحت كل العينين وبعدين تدمجينهم الأفضل تبدين بعين بعدين تروحين للثانيه حتى ما يصعب دمجه لو جف وثبت لكنه ما يجفف تحت العين بالعكس يبقي المنطقه رطبه ما تحسينها مشدودة او جافه خصوصا لو مستخدمه كريم عين قبل بنص ساعه "ضروووري" . أفضل طريقه لإستخدامه وأنسبهم لي بأني آخذ كميه بسيطه بأصبعي واوزعه بالطبطبة تحت العين وبعدين بالبيوتي بلندر اطبطب حتى يندمج كليا والنتيجه رووووعه الهالات مختفيه وتحت العين منور ولو حسيت اللون قريب من بشرتي اخلطه مع لون أفتح من نفس نوع الكونسيلر، لازم تثبتينه ببودره اي نوع حابته لكن الأفضل بودره ميكب فورايفر الشفافه المضغوطه من نفس اللآين أو اللوس باودر من لورا مرسييه سيكرت برايتننق أو مكس بين البنانا باودر و الفانيلا باودر من باليت انستازيا حق الكونتور اول لونين فوق على اليسار والنتيجه راح تكون مثالية .
تكلمت عنه أكثر مع ذكر مميزاته وسلبياته وكيف تعرفين لونه وغيره هنا .

سعره : حدود 130 ريال .



Diorskin Nude Air Glow Loose Powder N.001 :
راح انضرب من كثر ما حكيت عن بودره ديور الورديه ههههههههههههههه بس الحق ينقال جميييييييلة انشهرت كثيير في الفترة الأخيره ، ما أعرف كم درجة منها لكن الي عندي الورديه رقم 001 والأغلب انها الدرجه الوحيدة . 
من مزاياها إنها تثبت المكياج ، تعطي البشره نضاره ورونق ولتوضيح أكثر تعطيها صحه وإشراق بسبب لونها الودري الشفاف ناااااعمة وطبيعيه جددا على البشره ما تبين وردي طبعا !! مجرد تنور لك مناطق محدده في الوجه .
حكيت عنها أكثر وبالتفصيل مع قلم الإضاءه من ديور هنا .

سعرها : بحدود 270 ريال .



Chanel soleil tan de chanel :
اول منتج شريته من شانيل هو برونزهم الكريمي بحثت عنه كثير لأنه دائما مخلص ولقيته مره في وجوه وعلى طول أخذته ،، كميته كبييييييره صارلي سنه استخدمه وللحين ما قربت اخلصه وانا مرات استخدامي له كثيره !! يجي معاه غطاء بلاستيك غير الأسود علشان يحميه من الجفاف لأن قوامه قوي مايل للصلابه كأنه ايلاينر جل كريمي يعني + حتى ما يتأكسد وتدخله بكتيريا يعني ضروري تنتبهين له وتسكرينه زين بعد الإستخدام حتى يدوم عندك لأطول وقت ، سهل في التوزيع و الدمج وطبيعي جددا على البشره لدرجه استخدمه لوحده بدون فاونديشن او ميكب او اي شي في الصباح يخلي بشرتك برونزيه جميله وصحيه روووعة الصراحه ! تقدرين تستخدمينه قبل الفاونديشن اذا حابه لوك تان او برزنزي او حتى فوق الفاونديشن كبرونز او شوي ككونتور لكن ما ينفع فوق الباودر لأنه كريمي طبيعي بيكتل :/ ، عيبه الوحيد انو لونه يمكن ما يناسب البيضاء مررره حتى مايبين اورنج عليها ولا يناسب السمراء مره حتى ماراح يبين عليها فلو بشرتك بينهم لااازم تاخذينه شوفي التستر في المحل لكن يوم جربته عندهم كان مليان جلتر ولمعه وشمر كرهته لكن يوم شريته وجربته ابببدا مافيه لمعه بالعكس نهايه ساتن قريبه للمطفيه يعني مختلف تماما عن التستر ،، ككل انصحكم فيه جددا .

سعره : بحدود 270-300 ريال .



Tarte tarteist blush palette :
باليت بلشرز من تارت ،، ما خصيت الباليت هذا بالذات لكن عموما اتكلم عن بلشرات تارت وتركيبتها والوانها ومميزاتها ،، تارت ماركه منتجاتها طبيعيه اعتمدت صاحبتها انو الماركة تكون مكونه من منتجات طبيعيه وعاليه الجوده وفي نفس الوقت يكون شكلها حلو ،، تارت وحده من الشركات الاشهر في صناعه التجميل ومكوناتها من مستخلصات نباتية وفيتامينات ومعادن وزيوت أساسية وغيرها من المكونات المشتقة طبيعيا ومع هذا منتجاتها خاليه من parabens ماده كيميائه يفضل اننا نبتعد عنها قد مانقدر ابحثو عن اضرارها في جوجل و phthalate ماده كيميائه مضره ممكن انها تؤدي للخبطه بالهرمونات وسرطانات لا قدر الله و synthetic fragrances خاليه من العطور الصناعيه ،، البلشرات نااااااعمة من لمسه يبين لونهم بالنسبه لي حبيت الدرجه اكسبوزد اكثرهم ما صورتها لكن ابحثو عنها في جوجل ،، الباليت هذا جامع 4 درجات من الوردي 3 مطفيين وواحد بشمر خفيف سهلين في الدمج ما يكتل ويتجمع في مكان واحد بالعكس يتوزع بشكل طبيعي وبسهوله وثاااااابت ماراح يروح الا لو مسحتيه ،، الباليت لمتد ادشن واظن خلص لكن فيه درجات كثيييره تباع لوحدها انتم اختارو الي تحبون وللأسف مو متوفره عندنا لازم تطلبونها اونلاين .



Benefit highlighter watts up :
نقطة ضعفي في الميكب هو الهايلايتر ما قدرت ما اتكلم عنهم اليوم ،، النوع هذا من بنفيت ستك كريمي "واتس اب " لمعتها لؤلؤيه تجنن تجنن على البشره اتعب وانا اقول قد ايش حلوه اول مره جربتها عند صاحبتي ومن يوم طلعت الكل سأل ايش استخدمتي لمعتها كأنه مويه مافيها جلتر تندمج مع البشره بشكل ♥♥♥♥ الطريقه الوحيدة  الي حبيت استخدامي لها هي باصابعي لان مع الحراره يذوب ويندمج زين لكن لو حطيتيه على بشرتك على طول من الستك راح يحوس الفاونديشن و الميكب ولا راح يبين حلو وحتى مع الإسفنجه الي معاه ما حبيته بس الاصابع غيرها لا تستخدمين ،، مرري اصبعك عليه كم مره لحد ما يذوب بعدين طبطبي على بشرتك في الأماكن الي يطيح عليها النور خصوووصا اعلى الخد ، كان عندي عينه هديه مع طلبات اونلاين ومن كثر ما حبيتها رحت شريت الكبيره واحبها قبل اي هايلايتر باودر تزيد من قوه اللون  :) .

سعره : ما اتذكر لكن أظن حدود 130 -190 ريال .



Becca highlighter :
وأخييييييييرا بيكا بتصير متوفره في السعوديه عندنا ♥♥ بدايه من 20 اكتوبر ان شاءالله عموما انصحكم بالهايلايترز حقتهم لااااااااازم لازم لازم تجربون على الأقل لو واحد صدقوني ماراح تندمون خصوصا لو كان الواحد هذا درجه شامبين بوب واظن اسمه بيتغير ويصير سي بوب عموما هو نفسه ههههههههههههههه .
انا مليت من كثر ما احكي عنهم اللكود هايلايتر على الكريم هايلايتر على الايشادوز و البلشر يهبلووون ضروري تجربون على الأقل السواتشات في المحل ،، حاليا علشان ما تقلب التدوينه منتجات بيكا بتكلم عن الهايلايترز و البلشرز حقتهم زببببببده ما ابغى اظلمهم بريفيو هنا علشان كذا بحط لكم التدوينتين الي حكيت عنهم بالتفصيل مع السواتشز وكل شي تبغون تعرفونه عنهم ، تدوينه "شامبين بوب اليسار" هنا و تدوينه "برسكو بوب و البلشر امروتو اليمين" هنا .

سعرهم : كلهم بحدود 180 ريال للواحد ونصيحه في باليت نازل لونه ابيض وذهبي موجود في نفس الماركه (الي بالتعاون مع جاكلين هيل) اذا لقيتوه في سيفورا خذوه وانتم مغمضين ليش ؟ لأنه جامع الاثنين مع 3 بلشرات ب238 ريال بس! لحقو عليييييه قبل يخلص لا يفوتكم .




Too faced the little black book of bronzers :

...................



كميه جمال في هذا الباليت ما تنوصف ،،، وللأسف لمتد ادشن :( وخلص من زمان لكن البرونزرز نفسهم موجودين على طول في المحلات ،، اول ما شفت التستر في المحل قبل شهور قلت لازم اخذه ولمن سالت قالت مخلص من زمان بس مطلعين التستر شكل هههههههههههه سلامات ! عموما بحثت ودورت وتعبت ما لقيته ولمن سألتكم في انستقرام وقتها اعطيتوني متجر يوفره باقي عنده كم حبه وطيران طلبته وما ندمت ابدا شايفين قد ايش حلو ♥♥ سعره كان حدود 250 ريال بس ! احجامها ميني لكن ماهي صغيره ابدا بالعكس جدا مناسبه ،، احب برونزات توفيسد ماهي قويه وواضحه من البدايه (الا المطفيه قويه) واحيانا احتاج منتج كذا بحيث اتحكم انا بقوة وحده اللون الدرجات كثيره فيه المات وفيه الي بشمر وفيه الي يعتبر هايلايتر ثباتهم عالي وسهلين في الدمج عندي بعض الدرجات بالحجم الكامل وللحين استخدمهم من المفضلين عندي.



Urban decay moondust eyeshadow :
هذا الكولكشن من الايشادو يجنن طلبت لون اونلاين من زمان اسمه Space cowboy جلتر بدون لون ينفع فوق اي اي شادو بإصبعك طبطبي على الجفن وبيتغير اللوك 180 درجه ،، حبييييته عباره عن جلتر مضغوط بجد يجنن تحت الاناره يلمع لمعة جلتر تجذب ومره حلوه ، وقبل فتره شفت صوره لمجموعه منهم واعجبتني درجه Solstice لونها قريب من بقمنت ماك بلو براون لكن لمعة هذا اقوى بما انو جلتر ،، علشان يطلع لونهم قوي لااااازم ضروري تحطين تحتهم قاعده سواء كان ايشادو كريمي ملون او برايمر يلزق او اي منتج رطب علشان يمسك فيها ويثبت طول اليوم .
الصور ما تكفي علشان ابين لكم كميه الجمال فيهم لازم في أقرب روحه لكم لسيفورا تجربونهم ،، راح ارجع آخذ لي درجات ثانيه ان شاءالله لأني ما استغي عنهم .

سعرة : حدود 94 ريال .



lime crime lipstick :
مهما تكلمو عنها وعن المشاكل الي في الشركه وسرقه الفلوس والي صار ما قدرت اتخلى عنهم ههههههههههه بالنسبه لي هم احلى نوعيه لكود لبستك جربتها درجاتهم تجنن  بعضهم بعد المشاكل قالو مكوناتها ضاره فعلى كلامهم "مع اني مفروض ابحث بنفسي" وقفت اشتري احتياط لكني استخدم الي عندي فتره طويله ولا اشوف فيهم اي مشكله !! يمكن غيرو التركيبه ما اعرف لكل ككل انا حبيتهم ولو فيه درجه جديده اعجبتني راح اشتريها :) سبق وتكلمت عنهم بالتفصيل وكيف طلبت من موقعهم هنا وبعدين طلبت زياده وعرضتهم في مشتريات البلاك فرايدي هنا . 

سعره : 20$ حدود 75 ريال .

♥♥♥♥♥♥♥♥♥♥♥♥♥♥♥♥♥♥♥♥♥♥

وبكذا اكون انهيت كتابته رأيي فيه التوب 10 حاليا بالنسبه لي للمنتجات الي تستاهل كل ريال .. اتمنى اعجبتكم التدوينه وحبيتو فكره التعاون مع مدونات ثانيه انا حبيت الفكره مرره خصوصا انو هذا راح يوسع علاقاتي ويطور من مهاراتي في المدونه ومنها نفيد ونستفيد ♥♥ أمل و أسماء وسناء من البنات الي اثق فيهم برأيهم من قبل ما افتح انستقرامي ومدونتي ومتابتعهم بكل السوشال ميديا :)
وشكرا لكم متابعاتي ♥ لا تنسون تمرون على مدوناتهم وتشوفون تدويناتهم وتعرفون المنتجات المفضله عندهم يمكن تلاقون منتج يناسبكم .




 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك 3 تعليقات:

Futon AlZubaidi يقول...

مره حبيت الفكره و انا من قبل شفت المدونة اللى قبلها عن الـ 50 ريال و مره كنت حابتها ♥♥
من التدونة كلها انا مجربة مجموعة البشرة و مره اوافقك الرأي جميلة جدا ♥
يعطيك العافية حبيبتي ♥

NoOoN يقول...

يعطيكي العافية استفدت منك في كم شغلة

بس بسألك عن برونزر شانيل ايش الافضل في توزيعه ؟ الفرشة او البيوتي بلندر ؟

Norah Abdallh يقول...

شهيتيني ببودره ديور :(
انا عندي المضغوطه ماعجبتني ابد ماتسوي لاخير ولاشر ..

إرسال تعليق