الأربعاء، 21 سبتمبر، 2016

TED BAKER | مجموعه سكر الفراشات الحلو من تيد بيكر !!♥


السلام عليكم ورحمة الله وبركاته  
قبل شهر وصلتني شحنه من موقع بوتس لكولكشن تيد بيكر الأخير Ted Baker Butterfly Sugar Sweet !!
الكوليكشن متوفر بريحتين مختلفين وكلهم تعليبهم بلون مختلف اولهم الوردي الي عندي والثاني لون التعليب تيفاني بإمكانك تشوفين صور لهم في جوجل لكن كلهم لهم نفس طبعه الورود المعروفه لتيد بيكر ومتوفرين بسعر مناسب مقارنه بجوده وفخامه المنتجات الي تناسب للإستخدام اليومي أو في أي مكان :)

الكولكشن لمتد ادشن يعني فتره وراح يتوقف تصنيعه ومتوفر حصري في صيدليات بوتس عندنا في السعوديه ،، إبحثو عن الفروع القريبه لكم في جوجل .
+ في آخر زياره لي للصيدليه قبل إسبوع حتى أتأكد لكم من الأسعار لقيت عليهم عرض 3 منتجات بسعر منتجين فلو حبيو المجموعه أستغلو العرض ♥♥ 

الكولكشن عبارة عن 4 قطع كلهم لهم نفس الريحه يعني الريحه نفسها بالظبط في الشاور جل و البودي سوفليه والبودي سبري حتى مرطب الشفايف ولو كنتي تحبين ريحه السويت وريحه الورود البارده راح تحبين هذي المجموعه  :


Ted Baker White Body Wash :


أولهم الشاور جل ،، غسول جسم أستخدمه مع الليفه لطيف على البشره ما يسبب لها جفاف لكنه معطر الي تتحسس من العطور يمكن ما يناسبها زيه زي باقي منتجات هذي المجموعه ،، استخدامه قبل المرطب و السبري يساعد على زياده ثبات الريحه في الجسم للي تعاني من عدم الثبات .
لونه شفاف وتحتاجين كميه قليله وراح يطلع رغوه كثيره ،، ينظف الجسم بلطف لكن لو محتاجه تنظيف عميق ماراح يناسبك ككل ممتاز للإستخدام اليومي وحبيته في الصباح مع باقي المنتجات يحسسني بنظافه وروقان فيه نوتس من الفاكهة الحمراء و البرغموت وقاعدته من البتشول و مسك الروم حتى يكملون رحته المنعشه .

الكمية : 200ml .
السعر : 50 ريال .


Ted Baker White Body Shimmer Souffle :


المنتج الثاني وأكثرهم أعجبني في الكولكشن هو البودي سوفليه ،، حبيييته تركيبه كريميه ثقيله مرطبببببة يذوب في على جلدك ولأن مثل مو مكتوب عليه بودي "شمر" سوفليه يعني فيه لمعه او ذرات شمر جميييييله جدا على البشره تعطيها لمعه طبيعيه هيثلي جلو ابدا مو اوفر بالعكس لأنها خفيفه تناسب لكل يوم بعد الشور ،، لونها حلو وترطيبها عالي وريحتها منعشه ايش ابغى أكثر من كذا !! ♥♥♥♥♥  لكن انتبهي ترا الشمر الي فيه جدددا صغير ومطحون وخفيف لو متوقعه يطلع قوي للمناسبات ممكن ما يرضيك كميه الهايلايت الي فيه لكن ماهي مشكله خذي اي لوس هايلايتر او لكود هايلايتر عندك واخلطيه معاه او مع اي مرطب ثاني وراح يعجبك ....



شافين كيف صايره تركيبته كريميه وثقيله لكن تمتص بسرعه ما تضايق او تدبق ابدا ،، شكل العلبه انيق وفخم حبيته فوق التسريحه او في الرف مرتب ♥ من تركيبته مزيج من الفاكهة الحمراء ، مسك الروم و البتشول .


الكمية : 300ml .
السعر : 65 ريال .


Ted Baker White Body Spray :


المنتج الثالث البودي سبري ،، أكثر منتج الريحه فيه مركزه يعني الشاور جل ممكن يختفي او تخف ريحته بنسبه كبيره بعد غسله والبودي سوفليه ريحته ناعمه وخفيفه لكن البودي سبري بالنسبه لي أشوف ريحته قويه وممكن ما تكون ذوقك لأنها على سويت أكثر حده ريحته نفس البودي سوفليه مزيج من الفاكهة الحمراء ، مسك الروم و البتشول.
مع استخدامه بعد الاثنين الي قبل أضمن لك ثبات الريحه بشكل أكبر ، بختين منه تكفي حتى تنتشر ،، حبيته كتغيير عن الروئح عندي لكن ماهي المفضله فلو خلص راح أجرب الأنواع الثانيه خصوصا الي في المجموعه الي لونها تيفاني . 

الكمية : 150ml .
السعر : 50 ريال .


وآخرهم مرطب الشفايف ،، في البدايه كنت متخوفه يكون فيه طعم لو متابعيني بتعرفون اني أكرررره اي منتج للشفايف فيه طعم يقرفني ولا اعرف استخدمه !! لكن الحمدلله هذا مجرد ريحه مافيه طعم ، للأمانه استخدمته كذا مره فما أقدر أحكم عليه لأن عندي منتجات ثانيه أفضلها أكثر ومجرد ما أخلصهم راح ارجع أكمل هذا إن شاءالله ،، تركيبته زي الزبده يذوب مع الحراره ولاهو ثقيل على الشفايف حلو قبل لروج ما يخلي الشفايف مترطبه بزياده بحيث ما يثبت عليها الروح زي بعض المرطبات الي استخدمها  . 

الكمية : 7g .
السعر : 25 ريال .


ككل حبيت الكولكشن ولو خيروني بالمنتجات راح اختار الشاور جل و البودي سوفليه لأن البودي سبريه مو ذوقي قوي على الي افضله ومرطب الشفايف عندي كثير مرطبات غيره أفضلها أكثر و القرار في الأخير راجع لكم ♥♥ 


 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


هناك تعليق واحد:

مدونة الياسمين يقول...

تتهني فيهم يارب �� المجموعة فعلا جميلة وتستاهل انه الواحد يقتنيها �� المجموعة دي حبيتها اكثر من الثانية _اللي لونها تيفاني_ البودي سبري ريحه تجلس لفترة جدا طويلة ودا اكثر شي عجبني ������

إرسال تعليق