الاثنين، 5 سبتمبر، 2016

Becca highlighter | هايلايتر بيكا الثاني بالتعاون مع جاكلين هيل !!♥


السلام عليكم ورحمه الله وبركاته ♥
لو تتذكرون قبل فتره حكيت لكم عن هايلايتر جديد من ماركه بيكا بالتعاون مع اليوتيوبر جاكلين هيل هنا !!؟

الي صار انها كملت التعاون مع الماركة وبدأت تطلع منتجات أكثر زادت بهايلايتر كريمي وباليت ايشادو ولكود هايلايتر وبعدها طلعت الفيس باليت بداخله 3 بلشرت و2 من الهايلايتر الي سوتها هي ،، الي جربته انا من التعاون كان الهايلايتر الأول الي هو شامبين بوب ولمن سوت هايلايتر ثاني ماكان متوفر الا في الفيس باليت الي فيه البلشرات وهايلايتر شامبين بوب والجديد الي ابغاه برسكو بوب لكن ما حبيت اشتري الباليت كامل علشان هايلايتر واحد !! خسارة فلوس يعني :/ بعدها بفتره قالت انو راح ينزل كولكشن جديد مكون من 4 علب او باليت او الي هو يعني نفس الي في الصوره ههههههههههه 2 منهم راح يكون داخلهم هايلايتر درجه شامبين بوب و 2 منهم داخلهم درجه برسكو بوب وكل واحد منهم معاه لون بلشر مختلف وراح اوريكم درجات الكل آخر شي .

Becca x Jaclyn Hill Champagne Splits Shimmering Skin Perfector™ Mineral Blush Duo :


انا انسانه اقدددر الهايلايتر احب اللوك الي يلمع سواء كان جلتر شمر ديوي الي هو اي شي فيه لمعه يجذبني علشان كذا أحب الهايلايترز مع اي لوك وانا اتحكم بدرجه وقوه اللون على حسب المود ،، بيكا شركه امريكيه مشهوره جدا جدا بالهايلايترز يعني الاضاءات حقتهم بطله !! ما اتذكر سمعت اي وحده سبتها وبدون مبالغه كل يوتيوبر اتابعها عندها هايلايتر واحد على الاقل المشكله هي انو درجه شامبين بوب قلت لكم قصتها لمن خلصت بسرعه والناس طلبت يرجعونها وحوسه كلها ذكرتها في التدوينه الي فاتت ،، هذي المره قالت انو المنتج هذا لمتد 100% ومجرد ما يخلص ماراح يرجع عكس الأول الي خلوه دائم يعني الي تبغى درجه برسكو بوب تاخذها الحين لأنها بتنقطع . المشكله الوحيده انه حصري في سيفورا فقط ومو اي سيفورا ! سيفورا امريكا وسيفورا اونلاين و الطلب من سيفورا اونلاين عذاب حكيت عن الطلب و مشترياتي منهم هنا لكن عموما انه متعب وغثيث :(
لكن لازلت ابغاه وحاطه في بالي درجه معينه وقلت لكم عنها قبل ما اطلبها في انستجرام لكن للأسف كنت انتظر اي متجر ينزلها ويوميا ادخل ابحث ومافيه احد ههههههه لايزال عندي امل الاقيها وبيوم صدفه تاجره قالت لي انها وفرتها في متجرها وطيران على صفحتها صارلها فتره طويله منزلتها طبعا بعدها بفتره باقي المتاجر نزلتها لكن ارخص سعر لقيته عندها بـ225 ريال بس ! متجرها كله اصلا يجنن غريبه ما عرفته من زمان فيه منتجات ما تلاقونها في كل مكان مثل مجموعات كايلي جينر ، ارواج هدي بيوتي ، منتجات تارت سبق وحكيت لكم عن بعض تجاربي هنا وهنا وهنا ،مجموعات سيفورا الفيفوريت الي يجمعون ماركات غاليه ويخلونها بسعر اقتصادي يعني ككل لااااازم تاخذون لفه على المتجر اسمها في انستقرام beautyforever__shop@ هنا . 
الله يعطيها العافيه ما أخذ وقت حتى وصلني ووريتكم هو في سناب لو متابعيني هناك . 


مثل ما ذكرت فوق فيه منه 4 باليتات ، الهايلايتر الي كنت ابغاه هو برسكوبوب علشان كذا كنت مخيره بين اثنين او بالتين كلهم فيهم نفس الهايلايتر لكن لون بلشر مختلف ولأني عاده ما احب اختار الوان قويه الدرجه الي أخترتها AMARETTO لونها بيج/بني طبيعيه على البشره حبيتها مررره مره .



وصف الشكل ؟؟!
هذي المره إختلف التعليب عن منتجات بيكا عادة يكون لونها فضي مع بني لكن لهذا الكولكشن صار لونه ذهبي ♥♥ حبيت التغيرر احلى من البني .
بالنسبه للبوكس او العلبه الخارجه لونها برضو مختلف صار ذهبي ناعم عكس شامبين بوب الي كأن عليه قطرات مطر ورتكم هي في تدوينته ،، المنتج ككل حجمه صغير لا تغركم الصور فيه  (  Prosecco Pop 0.13 oz) (0.15 oz Amaretto) بس !! المنتج خالي من Parabens و Sulfates  و Phthalates .



رأيي فيه ؟!!

كأي منتج جديد لمن تفتحينه تلاقين قطعه بلاستيك تغطيه منظر فقط يعني ترمينها لأن ما منها فايده واضح لمن في اول صوره للتدوينه فوق . 
الدرجتين Prosecco Pop و Amaretto  وصفو لونهم بأنه : 


medium warm gold /matte toasted almond"

الهايلايتر :
الهايلايتر لونه ذهبي صريح يعني الي ما تحب اللون الذهبي ماراح تحبه عكس شامبين بوب الي لونه من وجهه نظري انعم ومناسب للكل لأنه طبيعي ولونه مايل للبيج المشمشي أكثر لكن هذا ما يعني انو هذا سيئ !! ابدا انا حبيته مرره إكتشفت ما عندي درجه هايلايتر زيه وهذا الي حببني فيه ، اللون دافئ والأندر تون حقه اصفر يعني حطيه وانتي منتبهه لأن اي زياده ممكن تبين الصفار الذهبي الي فيه إعتمادا على لون بشرتك وبالنسبه لي ما أشوفه حلو على البشرات البيضاء لأنه ممكن يبين أصفر بزياده عكس البشرات السمراء او الحنطيه بيطلع أحلى لأن الذهبي راح يبرز سمار البشره وجمالها ♥ لكن شامبين بوب راح يناسب كل الدرجات والبشرات ،، تركيبته تماما مثل شامبين بوب ملمسهم زبببده على البشره وسهل دمجها ونهايتها طبيعيه جددا .
حبيبات اللمعه فيه مطحونه بحيث انه يعكس اللون متى ما جاها نور وراح تبين بشرتك كأنها زجاج "جزاز" او لمعه مويه طبيعيه جدا جدا على البشره مافيها قطع جليتر تبين على البشره بالعكس لونها يندمج مع البشره ، ممكن تستخدمينها كآيشادو وراح يكون جمييل ،، ما أفضل استخدامها بدون ميكب يعني على بشره خاليه لأن الذهبي الي فيه ممكن يبرز العيوب أفضلها مع فل ميكب عكس شامبين بوب الي ممكن تستخدمينها لحالها بدون ميكب تعطي بشرتك منظر ديوي او رطب لكن ممكن تستخدمينهم اثنيهم وكلهم ينفعون على كامل جسمك في المناسبات على الصدر وعظمة الترقوه والكتف وغيرها تجنن تجنن ♥♥
صبغه الاضاءه عاليه لكن دائما اي منتج صبغته ولونه يكون قوي يقابله عيب واحد الي هو التناثر ، تتناثر بشكل بسيط وتعتمد كميه الثناثر بنوعيه الفرشه الي تستخدمينها . مثل ما قلت لمعتها ناعمه مافيها جلتر او قطع تبين وتقدرين تتحكمين في قوه اللون اذا حبيتي تقللين وراح يعطيك لوك طبيعي او اذا كثرتي راح تكون اقوى واوضح ثباتها عالي ما واجهت اي مشكله او قله ثبات وقت إستخدامي لها .

البلشر :
أقل منتج استخدمه في الميكب هو البلشر يعني ماأشوف له أهميه ولا عندي أنواع معينه احبها او اقدر اقارن وأقول ايش الأفضل لأنه ما يهمني الصراحه .
لونه طبيعي مره ومطفي مافيه اي لمعه ماراح يبين أوفر ولو استخدمت بلشر فأنا اميل لهذي الدرجات غالبا ،، لونها قوي كميه بسيطه تكفي وسهل دمجه يتحرك معاك بسهوله والأهم من كذا ثابت ما راح يروح لحد ما تمسحينه انتي ، ككل البلشر اضافه حلوه ولو تحبين استخدامهم راح يعجبك اللون والمنتج كتركيبه لكن انا ما فرقت معي هههههه .

طريقة إستخدامه ؟؟! 
أفضل طريقه إستخدام يكون بفرشه وما تفرق شعرها طبيعي او صناعي انا افضل الطبيعي اكثر لان الصناعي يكون شعرها ناعم لدرجه ممكن ما يمسك المنتج ويصعب عليك استخدامه لكن الفرش الطبيعيه يكون شعرها اخشن بشوي وبكذا تمسك المنتج وتوزعه بسهوله بدون ما يبين اوفر لكن في المقابل راح يتناثر اكثر من لمن تستخدمين فرشه شعرها صناعي وناعم . 
الفرشه الي احبها واستخدمها مع الهايلايت من انستازيا بفرلي هيلز شعرها طبيعي رقمها A23 مخصصه للهايلايت حجمها مثالي مو صغيره ولا كبيره بينهم ولا تاخذ منتج زياده شفت كثير يستخدونها خصوصا في انستقرام في مقاطع الميكب ولمن كان عليها عرض في البلاك فرايدي طلبتها ،، طلبات البلاك فرايدي و العروض الي استغليتها كتبت عنها تدوينه مع نصائح مهمه تلاقونها هنا .


ايهم آخذ شامبين بوب او برسكو بوب ؟؟!
بالنسبه لي لايزال الأول Champagne Pop هو المفضل عندي وكل مره استخدمه تجيني اسئلة ايش استخدمت لأنه بجد لون مثالي على الكل وراح يبين بشكل جميل ومختلف على كل لون بشره سواء كانت فاتحه او غامقه ،، الدرجه هذي جميلة واستخدمتها الفتره الي فاتت كثير وعلى انها حلوه لكن ما حبيتها كثر ماحبيت شامبين بوب يمكن لأني ما أميل لألوان الذهبيه كثير ؟ ما أعرف هو على حسب تفضيلك انتي وايش تحبين واثنينهم موجودين عند نفس المتجر لو حابينه ولو تبغين برسكو بوب لحقي عليه لأنه لمتد والي باقي عندها بيخلص لكن شامبين بوب راح يكون موجود للأبد .

سواتش للدرجات  :
 صعب يبين اللون الحقيقي للهايلايت لأن لمعته تختفي بالتصوير لكني حاولت ابحث عن أكثر صوه بينت الدرجات على حقيقتهم من جوجل علشان يوضح لكم وابحثو زياده في جوجل راح تلاقون صور اوضح ،، شوفو كيف الصفار واصح في برسكو بوب مقارنه بشامبين بوب (فهمتو قصدي؟) الي عليهم نجمه هو الهايلايت و البلشر حقي و الباقي درجات البشلر الثانيه و هايلايت شامبين بوب :




 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


هناك تعليقان (2):

Meaad's Blog يقول...

حبيييت التدوينة مرره❤️ كنت محتاره بينهم وحستقر ع شامبين پوب✨

Reem AbdulAziz يقول...

يعطيك العافية تفصيلك في الوصف جدا مفيد ويساعد على اتخاذ القرار...استمري
موفقة يارب وشاكرة لك مجهودك ...

إرسال تعليق