الخميس، 18 أغسطس، 2016

Tarte concealer | رأيي في كونسيلر تارت "رين فورست اوف ذا سي" ♥


السلام عليكم ورحمة الله وبركاته 
قبل فتره ماركة تارت للميكب نزلت كولكشن جديد وأكثر منتج شدني وحبيت أجربه هو الكونسيلر لكن واجهتني مشكلتين ، الأولى اني ما لقيت بلوقر او بنت عربيه جربته وكتبت رأيها فيه او بمعنى ثاني "ريفيو عربي عنه" هو صح مليان ريفيو للمنتج في جوجل لكن ما أحب آخذ رأي منتج من أجنبيه لأن طبيعه بشرتها تختلف تماما عن بشرتي وطبيعه الاجواء أكيد تختلف هذا غير طريقه استخدامها وعدد الساعات الي بتبقى بالميكب  ، والمشكلة الثانيه انو ما لقيت تاجرة توفره في متجرها وموقعهم اونلاين سبق وجربت أطلب لكن كنسلو طلبي مرتين علشان الفيزا أظن علشان كذا تحمست أجربه وأحكم بنفسي وأبحث عن تاجرة تقدر توفرة .




قبل ما أبدا للي ما تعرف الماركة راح اعطيكم نبذة صغيرة عنها وليش أحب منتجاتها + سبق وكتبت تدوينتين لنفس الماركة الأولى عن رأيي في زيت وكريم العين هنا و الثانيه عن مشترياتي التجميليه منهم اونلاين وكيف وفرتهم هنا .
قبل ما تبدا ماركه تارت في غرفه صغيره عام1999 كانت صاحبه الماركه تحب المكياج لكنها تعاني من وجود منتجات طبيعيه وصحيه في مكونات المكياج كلها تكون اما ضاره او فيها مكونات مو كويسه !! وحتى لو فيه منتجات كويسه ماكان تعليبها وشكلها بهذيك الجوده والجمال . علشان كذا قررت تبدا ماركتها الي تكون مكونه من منتجات طبيعيه وعاليه الجوده وفي نفس الوقت يكون شكلها حلو ،، الحين تارت وحده من الشركات او الماركات الاشهر في صناعه التجميل ومكوناتها من مستخلصات نباتية وفيتامينات ومعادن وزيوت أساسية وغيرها من المكونات المشتقة طبيعيا ومع هذا منتجاتها خاليه من : 

  • parabens ماده كيميائه يفضل اننا نبتعد عنها قد مانقدر ابحثو عن اضرارها في جوجل . 
  • phthalate ماده كيميائه مضره ممكن انها تؤدي للخبطه بالهرمونات وسرطانات لا قدر الله . 
  • synthetic fragrances خاليه من العطور الصناعيه . 


طيب ، بالنسبة للمشكلة الأولى انحلت انا بجربه ولو اني ما لقيت أحد تكلم عنه لكن المشكلة االثانيه وين يتوفر ؟؟ الله يعطيها العافيه ويسعدها ويفتح لها أبواب رزقه التاجره peony_beauty@ عسسل من زمان أعرفها من أول ما فتحت حسابي وتعاملت معاها لو تتذكرون لمن طلبت بوكس ميكب فور ايفر اللمتد ادشن هنا ووفرته هي لمن رفضو يوفرونه باقي التاجرات يعني بجد أتعب وانا أشكرها سرعه في الرد ورقي في التعامل والأحلى من كذا اسعارها جدا ممتازه ، مقرها أمريكا/الرياض وتقدر توفر لكم الي تبغون وعندها منتجات جديده ما تلاقينها في كل المتاجر لااازم تشيكون على حسابها في انستقرام وتحكمون بنفسكم . 




لمن قريت عن الكولكشن قبل ما اقرر أجربة لقيت انهم يقولون انو الكونسيلر هو التوب من ضمن منتجات الكولشكن وهذا الي حمسني أكثر .
من النظر للسواتشات في جوجل حسيت الدرجة ميديم هي الأقرب لي ولو انو فيها اندر تون زهري او مشمشي شوووي لكن ماراح يبين وقت الإستخدام بسبب تصحيحه للهالات تحت العين ، الكونسيلر يقدم لو او يوعدك بـ :

  • ثبات لأكثر من 12 ساعة مع تركيبته الخفيفه الي تشبه السيروم .
  • مكوناته لطيفة على البشرة .
  • تغطيه مثاليه خفيفه وبلدبل تقدرين تزيدين عليها لتغطيه أعلى بدون ما يبين مكتل .
  • 20% من مكوناته مويه بحيث تعطيك التغطيه الي تبغين وفي نفس تحفظ ترطيب البشره تحت العين حتى ما يجف او يخطط بعد كم ساعة .
  • تقدرين تستخدمينه للوجه كامل سواء كان احمرار ، آثار حبوب ، تصبغات او حتى لتنوير منطقه تحت العين وهذا الي أفضله أكثر .




شكل الإسفنجه وصلابتها جدددا عملية حبيتها مره لأنها تساعد بالتوزيع بشكل أسرع بحيث تعطيك الكميه المناسبه للعينين من المرة الأولى . 
اما بالنسبه لرأيي فيه ،، حبيته مره مره لكن ما راح يناسب الكل ليش ؟؟
اول شي تركيبته ساااائلة انا احبها كذا لأنها خفيفة على البشرة خصوصا في الصباح لمن تحتاجين كونسيلر يخفي ويصحح وينور الوجه بدل استخدام الفاوديشن او البيبي كريم او غيره ،، سيولتة تضمن لك انه راح يرطب ويحفظ لك اياه خلال اليوم ،، بالنسبة لي أخترت درجه ماهي لون بشرتي لكن افتح بدرجه ومختلفه بالأندر تون بحيث استخدمها  لتحت العين حتى تصحح لي الهالات وتنور لي في نفس الوقت وطبعا النتيجه جددا خفيفة وطبيعيه يعني لا تتوقعين يصير فوتوشوب تحت العين ولا أشوفة ينفع للمناسبات ابدا لأن نتيجه غير ملحوظه اذا بستوين فل ميكب + لو بشرتك فيها عيوب او هالاتك جددا غامقه ما اضمن لك نتيحه ترضيك اشوف الكونسيلر هذا مناسب للبشرات الي مافيها عيوب كثيره والأقرب للمثالية .
لتجربتي في تحت العين ثااابت ولا يخطط او يتجمع يتكتل في الخطوط حتى لو ما ثبتيه بباودر لكن انا افضل امرر تمريره خفييييفه تحت العين ببودره انستازيا بنانا حتى تعطيني اضاءه أكبر وإحتياط لو رحت مكان حار او طلعت برا ما يخطط معي ، سهل في الدمج بسبب تركيبته ما ينفع تستخدمين فرشه معاه ولا اشوف الإسفنجه مناسبه لأنها راح تمتص 70% منه ولا راح يبقى تغطيه زياده على ماهو خفيف علشان كذا الأصبع هو الحل طبطبي ومع حراره جسمك راح يذوب ويندمج بشكل طبيعي ولو محتاجه تغطيه أكبر زيدي عليها بالطبطبه لحد ما توصلين للنتيجه الي ترضيك 
ككل حبيته صح ماهو كريمي ولا تغطيته عاليه مثل كونسيلر نارس لكن تركيبته وخفته على لبشره جديده علي وهذا الي خلاني أعتمده في الصباح .


فيه منه 6 درجات وما أعرف اذا الكولكشن لمتد او لا ، الدرجه الي عندي هي الثالثة من اليمين وأظن لو أخذت الرابع من اليمين يكون أفضل كإضاءه عاديه في اي لوك ميكب في اي يوم مو مثل طريقتي لإستخدام الدرجه الي عندي :




 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك 3 تعليقات:

مدونة الياسمين يقول...

🖒🖒🖒😘😘😘

مدونة الياسمين يقول...

🖒🖒🖒😘😘😘

Taiba Glam Blog يقول...

حمستني عليه مره ياغادة
انا طلبتوا قبل اسبوع بس لسه ماوصل
و دحين صار موقع تارات صار يوصل دايركت للسعودية

إرسال تعليق