الخميس، 16 يونيو، 2016

Kylie Cosmetics | تجربتي لماركة كايلي جينر (اللكود لبستك+المحدد+الجلوس)!♥


السلام عليكم ورحمة الله وبركاته ♥
وأخيييرا بعد فتره من نزول ماركة كايلي جينر اونلاين صارت متوفره في أغلب المتاجر في إنستقرام .
بدأت الماركه بالأرواج و المحددات وتوسعت بقلوسات وأكثر من فنش للأرواج وما استبعد تتوسع زياده وتبدأ بالآيشادو وغيره ، المشكلة انها تخلص من الموقع في ثواني او دقائق مع انهم يسوون كميات كبيييرة لكن لأن اسمها معروف ومشهور الاغلب اشتراه ولا يمنع انو الكوالتي حقتها حلوه والأسعار مناسبة مو مبالغ فيها .



لحد الحين منتجات الموقع كلها سولد اوت ومخلصه لكنها موجودة في متاجر الإنستقرام مثل  maznabeautybag@ و الروج كان من ضمن بوكس الِإشتراك الشهري هنا لمشروع الأختين _ssh_2014@ ، حاليا عندهم 10 درجات من اللكود لبستك "الأرواج المات" و أربع درجات من المتاليك "اللمعه" و 3 درجات من الجلوسات .
انا جربت الأرواج المات و المحدد و القلوس وراح احكي لكم رأيي وتجربتي فيهم واذا يستاهلون او لا مع الأسعار وسواتش وغيرها .




تعليبهم :
كلهم بوكسات من ورق مقوى لماع لونه ابيض ومن الأطرف يختلف على حسب اللون .

الروج والمحدد /
الروج والمحدد يجون سوا في بوكس واحد وبسعر واحد ما تقدرين تشترين كل واحد لحاله ،، كلهم نفس اللون يعني المحدد نفس لون الروج بحيث يستخدمون مع بعض لثبات أطول ولون اقوى ، من الأمام فيه اللوقو او  شعار الماركه الشفايف وعليها الروج "سايح" هههههههههه على حسب الدرجه الي إخترتيها ، ومكتوب على البوكس اسمها ووصف للمنتج من الأمام .
ومن الخلف فيه شويه نصائح للإستخدام ومعلومات عن الروج و المحدد .

القلوس /
نفس تعليب الروج و المحدد لكن الفرق انو البوكس اصغر علشان كذا مافيه رسمه الشفايف بس موجود لون القلوس على الرسمه من الخارج ومكتوب وصف  المنتج .
ومن الخلف مكتوبه مكونات المنتج فقط .




أسماء الدرجات مكتوبه على البوكسات من فوق ،، من الداخل علبه الروج والمحدد بينهم ورقه فاصله بين المنتجين و القلوس في علبه مقاسها على حجمه تماما .
ومثل مو مبين لون الروج الي اخترتيه على اساسه راح يكون لون العلبه .




تعليبهم للمنتج نفسه ما يتغير سواء كان جلوس او روج ولكن تختلف الكتابه طبعا ،، العلبه من بلاستيك عاديه يعني ما أشوفها مميزه ولا أشوف فيها عيب زيها زي أي روج ،، بالنسبه للمحدد برضو من بلاستيك وممكن كثير يفضلونه البلاستيك على الخشب لكن عني أفضل الخشب أكثر (زي حقات ماك مثلا) لكن عوما التعليب ما يأثر مادام المنتج نفسه ممتاز .
احجامهم مناسبه وأسعارهم حلوه ....

أسعارهم :
الروج والمحدد / بـ29$ حدود 110 ريال الروج فيه (3.25g) و المحدد فيه (1g)
الجلوس / بـ15$ حدود 60 ريال وفيه (2.60g)





بالنسبة لنوعيه الفرش او الإسنفجه المستخدمه للأرواج زي نوعيه فرش لايم كرايم اسفنجه ثابته لكن للقلوس شعرات قصير تتحرك معاك في الإستخدام ، كثير يشتكون من فرشه الجلوس لأنها توصلهم خربانة وشعرها منفش لكن انا ما وجهت اي مشكلة معاها الحمدلله . وبالنسبة للمحدد عادي يتبرى ببرايه المحددات العاديه .

تجربتي ورأيي فيه :
 الروج / 
أول شي لاحظته من فتحته الريحه !! ريحته تجنن حلوه مره ريحته حلويات لكنها قويه صح تخف بعد الإستخدام لكن الي ما تحب الريحه في الأرواج ممكن يضايقها شوي ، تركيبه الروج ماهي سائلة جددا زي لايم كرايم مثلا ولاهي كريميه بزياده زي ارواج دوز اوف كولور .
صبغته جددا عاليه علشان كذا كايلي تنصح وانا لاحظت هذا الشي بعد انك ما تكررين استخدامه أكثر من مسحه وحده على الشفايف حتى ما يثقل ويكتل ويضايق لأن اللون راح يكون قوي من البدايه ما يحتاج تزيدين .
ثباته عالي جدا جدا مايروح الا اذا مسحتيه او أكلتي أكل دهني لكن لو مررتي اصبعك عليه كذا مره يتقشر معاك ما أعرف اذا الروج كذا والا تختلف بإختلاف الدرجات أحس كل واحد له تركيبه ،، يجف بسرعة لكن عيبه الوحيد انه يجفف الشفايف بشكل فضيع علشان كذا لازم تتأكدين إنك مرطبه شفايفك ومقشرتها قبل بفترة والا لا تستخدمينه لأنه بيكون بشع .
ككل انا حبيته وإن شاءالله أجرب الوان ثانيه خصوصا ( بوسي + دولسي + كوكو + كاندي كي كلهم درجات طبيعيه فاتحه تناسب كل يوم عكس هذا البني الي عندي ممكن يحكرك في الإستخدام ومو ذوق الكل .

المحدد /
لونه زي لون الروج بالظبط وإستخدامه قبل الروج يساعده لبات أطول وشكل أنظف لكن إستخدامه لحاله وخصوصا هذي الدرجه لأنها غامقه ما يكون شكلها حلو ومرتب على الشفايف يعطله في مكان ايه ومكان لا واللو مو واحد محيوس < ما عرفت أشرح لكن بإختصار ما ينفع لحاله بسبب لونه الغامق !
التركيبه مرره حلوه كريميه وسهله في الإستخدام ما تجفف الشفايف ولا يقطع معك بالعكس سلس .

الجلوس/
بالنسبة للجلوس ريحته نفس ريحه الروج وممكن تكون أقوى ، تركيبه الجلوس مو كريمية زي بعض قلوسات ماك مثلا يعني تلزق شوي ويحوس لو لمس شعرك لكن لأنه كذا ثباته عالي ممكن يخف لكن ماراح يروح نهائي الا لو اكلتي او مسحتيه طبعا .
الفرشه عملية تسهل في الإستخدام ولا تطلع منتج كثير ، عيبه الوحيد انو ثقيل ما اعرف مو مريح بالنسبه لي احس في شي ثقيل على الشفايف او كأن فيه طبقه ثقيلة وانا أفضل يكون خفيف ومريح مثل جلوسات مارك جيكوب ، حلو اني جربته لكن ما أظن راح أرجع أجرب درجات ثانية منه .




سواتش للدرجات :



اليمين الجلوس درجة LIKE و الروج و المحدد الدرجة TRUE BROWN K .


 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


ليست هناك تعليقات:

إرسال تعليق