الخميس، 26 مايو، 2016

Glam Box | صندوقي الـ 17 جلام بوكس لشهر مايو (سنتي الثانية معاهم) ♥


السلام عليكم ورحمة الله وبركاته 
صندوق "جلام بوكس" لشهر مايو وصل قبل إسبوع ، أتذكر في 2015 اول شهر لمن سجلت وقت خصمهم وقلت لكم عنه انستقرام كانت الفكره جديده واستمتع لمن يوصلني البوكس لكن في نهايه السنه صارو يرسلون البوكسات للبوقرز وصار غصب عني أعرف الي بداخله قبل ما يوصلني !! لأنهم ينزلون صور المنتجات في كل مكان :(




سبق وتكلمت عنهم وشرحت كثير لكن بالمختصر المفيد ،،هي خدمه شهريه بحيث يوصلك صندوق كل شهر فيه من 4 - 5 منتجات بأحجام ميني وفل سايز لكن بدال ما تدفعين كل مره خلاص اشتركي كم شهر (عندك 3 - 6 - 12 اشهر) وتدفعين المبلغ كامل وخلاص انسيه ، كل شهر راح يرسلونه مع فيدكس "سمسا" لحد البيت و طبعا ماراح يقولون ايش الي راح يجيك هذا الشهر انتي اذا وصلك تعرفين اذا حابه تعرفين اكثر عنهم وعن كيفيه الاشتراك مع الاسعار وغيره تلاقون كل المعلومات بالتفصيل في اول تدوينه كتبتها هنا والي فاتتها صناديق الشهور الي راحت تلاقيها تحت بدايه من اول شهر في 2015 لحد بوكس اليوم ♥♥ :




  • هنا الشهر الاول  (ينايرشرحت شوي عن الموقع وكيفيه الاشتراك وغيرها مهم تقرأينها علشان تفهمين 
  • هنا الشهر الثاني (فبراير)
  • هنا الشهر الثالث (مارس
  • هنا الشهر الرابع (ابريل)
  • هنا الشهر الخامس (مايو
  • هنا الشهر السادس (يونيو)
  • هنا الشهر السابع  (يوليو)
  • هنا الشهر الثامن (اغسطس
  • هنا الشهر التاسع (سبتمبر)
  • هنا الشهر العاشر (اكتوبر)
  • هنا الشهر الحادي عشر (نوفمبر)
  • هنا الشهر الثاني عشر (ديسمبر)
  • هنا الشهر الاول من سنتي الثانية (يناير)
  • هنا الشهر الثاني من سنتي الثانية (فبراير)
  • هنا الشهر الثالث من سنتي الثانية (مارس)
  • هنا الشهر الرابع من سنتي الثانية (ابريل)
  • هنا الشهر السادس من سنتي الثانية (يونيو)
  • هنا في الايفنت + صندوقي الي سويته بنفسي (اختياراتي)



  • البروشور أو الأوراق الي كانت بداخل البوكس 2 الأولى واضحه في أول صوره فوق عن الديودرنت الي بداخل الصندوق ، والثاني عرض او فرصه لكل المشركات شرحت عنها في البوكس الي فات لو كنتي مشتركه ارجعي لها .




    عدد المنتجات 4-6 منها مكرر ومنها ميني أظن 2 بالحجم الكامل و 2 ميني واثنين عدسات عاديه بلونين مختلفين .




    • عدسات يوميه استخدام مره وحده من فريش لوك بلونين مختلفين نسيت اصورهم من الداخل لكن تقدرون تشوفون درجاتهم في جوجل ،، فرش لوك ماركة عدسات ممتااااازه ومستحيل اي وحده تحب العدسات ما تعرف عنها ♥♥ تلاقونها في اي محل نظارات .
    • ديودرينت "مزيل عرق" من ليدي سبيد ما احب استخدم الا ديودرنت طبيعي او طبي وتلاقون الأنواع الممتازه في الصيدلية بعد استشارة الصيدلي لأن هذي الأنواع ما أضمن انها ما تسمر المنطقه !! 
    • مزيل مكياج من نيتروجينا اي مزيل مكياج عيون يكون زيت ومويه اعرف على طول اني راح احبه لأن نوعيه هذي المزيلات تناسبني مره وزياده على كذا انها من نيتروجينا وحده من الماركات المفضله عندي .
    • آخر شي عينات شامبو ميني من شركه أظن انها فرنسية اذا جربتها راح احكي لكم عنها ان شاءالله مع باقي المنتجات .

     وبس ،، أتركوا تعليقاتكم وآرائكم تحت لأنها تسعدني 

    ♥♥♥

     Instagram : Ghada_abdullah09
    Twitter: G_abdullah09
    snapchat : G.abdullah09
    ،
    اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :






    ليست هناك تعليقات:

    إرسال تعليق