الخميس، 3 مارس، 2016

Bellezzabox | صندوق الجمال (3) !! فكره جديده + منتجات حلوه ♥


السلام عليكم ورحمه الله وبركاته ♥
وصلني البوكس الثالث والأخير من صندوق بيلا بوكس لأن مده الإشتراك 3 اشهر وصندوق واحد لكل شهر :)
هذا صندوقي الثالث ،، الصندوق الأول هنا ذكرت تفاصيل اكثر ومعلومات مفصله عنها بدايه من ايش هو لكيفيه الاشتراك و الأسعار وغيرها  ،، للي ما قرأتها تقرأها قبل ما تكمل لأنها مهمه ،، البوكس الثاني كتبت عنه هنا وتدوينه اليوم عن البوكس الثالث لشهر فبراير .
تكلمت قبل عن صندوق الجمال من بيلا بوكس لكن بإختصار Bellezzabox | صندوق الجمال بوكس جمال شهري ،، يعني فكره المشروع انك تدلعين نفسك بمنتجات جديده كل شهر بملغ رمزي لشركات كبيره !! يوصلك البوكس نهايه كل شهر فيه 5 منتجات ما تعرفين ايش هي وتكون مفاجأه لمن توصلك ، المنتجات متنوعه ما بين ميكب و عنايه بالبشره وغيرها ، الي يميزهم عن غيرهم انهم يتعاملون مع شركات كبيره وممكن ما تكون متوفره في السعوديه لأنهم يجيبونها بنفسهم من امريكا او يوصون عليها من امريكا و دبي يعني تجربين شركات غاليه ومنتجاتها حلوه وبسعر معقول ولو انها احيانا تكون ميني .

* توضيح مهم ،،  لما تشتركين 3 شهور منتجات البوكس في الشهر الواحد تختلف يعني ممكن البوكس الي وصلني لشهر يناير هذي المره اختلف عن بوكس شهر يناير الي وصل لوحده غيري طيب ليش ؟؟!
لمن تسجلين مع بيلا بوكس هم راح يقسمون احتياجك في الميكب على الثلاث شهور بحيث تغطي على المتطلبات وتكونين اهذي كل شي تحتاجين خلال فتره تسجيلك يعني مثلا مشتركه رقم 1 بدت اشتراكها واتسلمت اول بوكس لشهر جانوري وكان فيه منجات كثيره من ضمنها روج لكن المشتركه 2 كانت مشتركه من زمان فبوكس شهر جانوري يعتبر ثاني بوكس لها وفي اول بوكس لها استلمت روج فأكيد ماراح يكررون لها المنتج علشان كذا حطو لها بودره وجه ،، الحين مشتركه 1 استغربت ليش يحطون لها بودره وانا روج مع اننا دافعين نفس المبلغ ؟؟!
مشتركه 1 هذا اول بوكس لها لكن مشتركه 2 هذا ثاني بوكس لها علشان كذا طبيعي تغيرت المنتجات لكن مشتركه 1 تخلي في بالها انهم راح يرسلون لها منتجات ثانيه ممكن تكون احلى في البوكس الثاني حقها الي راح تستلمه الشهر الجاي .
والله مدري فهمتو والا لا هههههههههههههه الي ما فهمت تجيني في انستقرام اشرح لها او تسألهم وراح يشرحون لها أكثر ♥♥



وصلني البوكس مغلف بغلاف شفاف زي المره الي راحت وعليه تفاصيل التوصيل . شكل البوكس كالعاده في الشهور الي راحت ومربوط بشريطه زهريه وعليها استكر اللوقو + ورقه صغيره مكتوب عليها كلام مثل ماهو مبين في أول صوره .
فتحت البوكس طلعت ريحه تجنن زي البوكسات الي راحو لكن هذي المره مافيه ولا منتج معطر !!  شكلهم يبخون فيها عطر دائما بوكساتهم ريحتها حلوه ♥♥


 توصلك 5 منتجات كل شهر ،،هذا بوكس شهر فبراير .
اللي حابه تسجل لشهر مارس تكلمهم الحين لأن عدد المشتركين محدود وراح يسكر مجرد ما يكتمل .
عباره عن خمس متنوعه مابين عنايه وميكب وراح افصل لكم منتج منتج ان شاءالله :



فرشه ميكب ما عرفت من اي شركه مو مطبوع عليها اي شي ،، احب الفرش وعندي هوس في تجميعها ومهما جمعت اضل استخدمهم اشتري زياده ما اعرف ليش .
حجم الفرشه صغير تنفع كونسيلر تحت العين او لبرايمر الجفن او حتى دمج الايشادو الكريمي او للكونتور الكريمي المحدد .
نااااعمه شعرها صناعي ولا يطيح جربت اغسلها ماصار شي لها .



منتجات بنفيت ومين ما يعرفها  ♥♥ ماركه احبها بكل منتجاتها ،، هذا المنتج فكرته زي البرايمر او الهايلايتر السائل لكن ناااااعم وطبيعي جدا جدا .
يستخدم قبل الفاونديشن حتى تصير بشرك جلوي او حتى فوق الفاونديشن كلمعه خفيفه او فوق مرطب الوجه في الصباح احبه مره مره شوفو سواتش للمنتج في جوجل وراح تفهمون قصدي ،، لقيت هذي صوره ممكن توضح لكم فكرته :



عرفتو قصدي في اللمعه ؟؟ او بمعنى آخر تصير بشرتك صحيه ونضره خصوصا لو انها جافه لأن البشرات الجافه تكون عاده باهته وميته !! 
جربوه في سيفورا وخذو عينه منه للبيت وجربوه راح تحبونه .





مزيل مكياج العيون من سيفورا ،، واحد من الأفضل مبيعا عند سيفورا وكثييير بنات يحبونه ،، وعرفت ايش السر فيه ، اي مزيل مكياج عين يكون نصه زين ونصه مويه  ممتاز لمكياج العين جدددا ليش ؟؟
الزيت يذوب المكياج فراح ينزل بسهوله و المويه راح تخفف من تركيبه الزيت وما تخلي بقايا زيتيه مزعجه على العين .
هذا الحجم الميني وانا سبق وشرت الحجم الكبير من سيفورا سعره مو غالي اسألو عنه المره الجايه أو جربو الحجم الميني راح تحبونه ،، مزيل مكياج لوريال نفس فكرته وأحبه موجود في بوتس عموما اي مزيل نفس الفكره حلو.


علشان ما أكثر كلام عندي كل الدرجات من هذا الروج وكتبت عنه بالتفصيل مع سواتش لكل الألوان ورأيي فيه ووين ممكن ينباع  هنا .



ماسك للأصابع من سكن فود ،، جربت نفس المنتج قبل فتره من ذا فيس شوب فكرته انو قماش مشبع بمواد مرطبه ترطب الجلد حولين الأضافر ويكون الجلد "الكيوكتل" ناعم ونظيف ،، جربته كذا مره لكن نتيجته مؤقته حقت يوم بالكثيير علشان كذا استخدمها قبل المناسبات او في الايام الي راح اسخدم مناكير والا في العاده أكتفي بكريم يدين وزيت حولين الأظافر ككل المنتج حلو لكن ما يستاهل الشراء حق تدليع نفس بس هههههههه .

 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


ليست هناك تعليقات:

إرسال تعليق