الخميس، 18 فبراير، 2016

Makeup Geek | ريفيو ايشادو ميكب جيك + باليت سويته بنفسي !♥


السلام عليكم ورحمه الله وبركاته 
قبل فتره عرضت مشترياتي في البلاك فرايدي هنا ومن بعدها جتني اسئله كثيير عن الايشادو والدرجات الي اخترتها واذا ممكن اكتب رأيي فيها مع سواتس لهم ،، جربتها لفتره وقدرت احكم عليها فراح أتكلم عنهم بالتفصيل للي حابه تعرف أكثر عندهم .




ممكن الإضاءه ما تكون مناسبه علشان تبين لكم اللون بوضوح لكن انصحكم ترجعون لجوجل علشان تشوفونها بأكثر من اضاءه ،، اظن كثيييير منكم اما سمع او قرأ عن ميكب جيك ايشادو في اليوتيوب او في البلوق .
ميزتها انها واضحه وقويه و سهله في الدمج و الاهم من كذا جودتها عاليه و ثابته  يعني ماراح تخيب ظنك ابدا .
كميه المنتج في الايشادو الواحد 1.8g وسعره 6$ حدود 20 ريال مع انو جودتها تقارن بأيشادو ماك و اربن ديكاي وغيرها من الماركات الممتازه في الايشادو .

عندهم كميه كبيييره والوان كثيره من الايشادو بتركيبات مختلفه علشان تلبي رغبات الكل ،، ممكن تلاقون صعوبه في اختيار الالوان لأنها كثير جدا وممكن يكون الاختلاف بينهم بسيط لا يذكر يعني يبغالك جلسه كامله علشات تختارين الي تبغينه بالظبط ،، انا الي كان في بالي درجات البنفسجي واظن مبين من الباليت هههههههههه علشان كذا بحثت وقريت لمن استقريت على 15 لون تكفي للباليت الي اخذته .
كل التركيبات المختلفه عنهم من المات للشمر للجلتر وغيرها جودتها عاليه وسهله في الدمج مره مره حلوه انصحكم فيها .



حجم الايشادو مثل حجم ايشادوات ماك بالظبط ،، انا مو جيده في وصف الالون علشان كذا سويت لكم سواتش وحطيت اسمائهم لو اعجبكم ارجعو لجوجل وشوفو صور زياده .
ككل حبيت التجربه وتعتبر خيار افضل وارخص لأيشادو ماك وبأمكانك تسوين باليت خاص فيك باللوان الي تستخدمينها وتحبينها مو شرط تتقيدين بلون معين ،، لو عندك لون معين من ماك تبغين بديله من ميكب جيك اكتبي اسم الايشادو في جوجل وراح يطلع لك .
ميكب جيك عندهم بلشرات و منتجات ثانيه غير الايشادو لو حابين تشوفها ادخلو على موقعم وتفرجو ،، بالنسبه للطلب انا طلبتها على بريدي الامركي وشحنتها عندي عن طريق ورلد شيب - دي اتش ال .




سواتش للدرجات :


اسماء الالوان (ما اتذكر اسم كل واحد لكني نسختهم من ايميل الشراء ) :
Bitten  - Burlesque  - Cocoa Bear - Crème Brulee - Cupcake - Drama Queen - Last Dance - Peach Smoothie - Petal Pusher - Roulette - Sensuous - In The Spotlight
 Mesmerized - Latte Showtime -  Whimsical 



ولأن الايشادو كان يجي منفصل بدون علبه كان لازم اشتري باليت علشان اجمع الايشادوز فيه ،، في نفس موقع ميكب جيك يوفرون الـ z palette عباره عن باليت فاضي بأكثر من حجم الي اخترته انه ميديوم يكفي 15 لون ايشادو .
الباليت فيه من الوان كثيره ويجي معاهم قطع حديد مغناطيس لو عنك اي منتج ثاني تبغين تحطينه في الباليت لكنه ما يلزق استخدمي المغناطيس الي هم ضايفينه في الباليت لكن ايشادو ميكب جيك يتركب عادي (يلزق من نفسه ) ما تحتاجين تركبين عليه .
اسعاره تختلف على حسب الحجم ،، المديوم حقي بـ 17 دولار 65 ريال .


 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك تعليق واحد:

iRahafalg يقول...

نفسك اخذتلي مجموعه ايشدوز منهم في البلاك فرايدي و جدا حابتهم حاليا و دمجهم سهل

إرسال تعليق