الأربعاء، 27 يناير، 2016

Magic Box | ماجيك بوكس (1) !!؟ بعيدا عن المكياج "فاشن واكسسوارات و غيرها " ♥


السلام عليكم ورحمه الله وبركاته  
تحملوني هذي الفتره راح تكون اغلب التدوينات عن بوكسات غريبه وحلوه بنفس الوقت ،، كثير منكم حبها علشان كذا بحثت عن اكثر عدد ممكن منهم حتى تشتركون في الي يعجبكم اكثر ،، لكن هذا البوكس غير !! راح اقولكم ليش تحت  .

ماجيك بوكس ما كنت اعرفه اساسا ،، خلوني احكيلكم عنه شوي :
ماجيك بوكس هو فريق عمل في متجر فانيلا ومادام تكلمت عن متجر فانيلا راح اقولكم كيف عرفت عنه ، انا عميله وزبونه دائما عندهم من زمااان قبل ايام الانستقرام من ايام المنتديات ومنتدى الاقلاع بالذات !!
من هذيك الفتره كان فانيلا من اول المتاجر الي اعرفها وثقه لأن قله الي يبيعون هذاك الوقت ، وللأمانه طلباتي كانت داائما من عندهم ياما طلبت اكسسوارات وجزم ومكيب وكماليات اصلا الطلب بحد ذاته ممتع (رابط الموقع هنا ) عموما بعدها كثرت المتاجر وصرت انوع لكن لازلت عميله عندهم وسبق و عرضت بعض مشترياتي مثل فرش سيقما وقت خصوماتهم والحلو انهم يرسلون لك كود خصم خاص لك رساله جوال ما اعرف اذا للكل والا للعملاء الدائمين يعني الي يطلبون كثيير .





في نهايه 2015 جاني ايميل من ماجيك بوكس فريق العمل في متجر فانيلا بدعوه وفرصه للإنضمام لفكرتهم الجديده الي هي محور التدوينه ماجيك بوكس .

ايش هو الماجيك بوكس ؟؟! 


هو صندوق مقدم من موقع فانيلا المهتم بالموضة والأزياء، يصلك بشكل شبه شهري، يحتوي على مجموعة منوعة من الماركات العالمية. وعلى منتجات حديثة وحصرية من المكياج أو منتجات العناية بالبشرة أو الأحذية والحقائب بشكل عام.

كانت فرصه لي لأنهم اختاروني من بين 20 شخص في المملكه العربيه السعوديه علشان اشترك معاهم وطبعا بدون تفكر لأني اثق فيهم ثقه عمياء هههههههه وافقت وعبيت استبيان ارفقوه مع الايميل فيه اسئله عامه مثل مقاس الرجلين و مقاسي في الملابس ولوني المفضل والماركه المفضله والمنتجات المفضله وغييرها كثييير وسبب الاسئله انو المنتجات الي يرسلونها متعلقه فيهم احيانا .


للأسف علشان ما احمسكم وفي الاخيره تتحطمون ،، ماجيك بوكس مو متوفر للإشتراك هم اختارو افضل العملاء عندهم مثل ما ذكروه في الايميل ( لكن اظن اني بلوقر سبب ثاني انهم اختاروني لأنهم طلبو اتكلم عنه في حساباتي ) طلبت منهم معلومات اكثر عن الإشتراك و الاسعار وغيرها لكنهم ردو علي كذ :


" فكرة ماجيك بوكس حالياً حصرية لمتابعينا المتفاعلين ولأصدقاء فانيلا كهدية شبه شهرية  ، لكن نخطط للتوسع مستقبلاً وفتح الإشتراك برسوم لكن لانود الإعلان عنها في الوقت الحالي "

فهمت انهم حابين يوسعون هذا المشروع وفي نفس الوقت طلبو مني اسألكم لو طبقو هذي الفكره بسعر رمزي هل ممكن تشتركون او لا ؟ مع الأسباب ؟؟! ياليت اشوف اجوبتكم في الكومنت تحت ♥-♥

بالنسبة للصناديق و التدوينات الباقيه لماجيك بوكس تلاقونها هنا : 
  • الصندوق (الثاني) منتجات صناعة سعوديه 100% #ندعم المحلي .
  • الصندوق (الرابع) عطور فخمة وغالية !! بالتعاون مع بوتيك لودوريه .



تأخر البوكس لعده اسباب لكنه وصلني في تاريخ 15 جانوري تقريبا او فيها ،، انصدمت لمن شفت حجم البوكس مره مره مره كبييير هههههه ما توقعته كذا ابدا يعني طول يدي كامله وعرضه كامله وعلشان تشيليه تحتاجين يدين < وضح لكم الحجم ؟؟
عموما وصلني وفتحته وكان في داخله بوكس و منتج من المنتجات مغلف تحته زي كذا:


حبيت اهتمامهم في التغليف جددا و التفاصيل المرسومه على البوكس وحتى اختيارهم للمنتجات كانت رووووعه من افضل فكره البوكسات الشهريه الي جربتها قبل !!
لأنها متنوعه مو محصوره على ميكب مثل ما تعودت في حسابي و مدونتي .
حتى من داخل البوكسات فيه اوراق تعريفيه صغيره فيها كلام حلو تحمسك للمنتجات مره مره ،، شدتني لدرجه صورت كل شي بتفاصيله 

اغلب المنتجات كانت في داخل البوكس لكن واحد منهم كبير ما دخل علشان كذا ربطوه بشريطه تحت البوكس ،، المنتج عباره عن :


حافظه او شنطه ممكن تستخدمينها للابتوب او الكتب او الاوراق او الي تحبين !!
الي يميزه عن غيره انه مصنوع من مواد صديقه للبيئه يعني مواد معاد تدويرها او معاد تصنيعها .



المنتج مغلف بورق مقوى عليه رسومات وتفاصيل كيووت ،، لقيت الموقع وعرفت انه تركي يعني المنتجات مصنعه في تركيا ،، عندهم منتجات كثييره متنوعه ممكن تدخلون موقعهم هنا وتشوفون اكثر هنا يوفرون جزم ملابس حافظات كماليات وغيرها كثييره .




شافين قد ايش كيووت مره حبيتها الرسومات الي عليها حلوه ،، الغريب انها مصنوعه من ورق لدرجه احسها ورقه مشقوقه من دفتر ههههههههه يعني كأنها ورق مرسوم عليه حتى في ملمسها  .
فيها سحاب علشان تحافظ على الي في الداخل ،، الورق قوي يعني ما يتقطع لو دخلتي فيه شي ثقيل اظن يستحمل عادي .


حتى من الداخل ورق ابيض حبيته للابتوب اكثر ،، تلاقونه في موقع فانيلا هنا .



بعدها فتحت البوكس الأساسي الي فيه باقي المنتجات ،، ما اعرف كم منتج المفروض يكون في الشهر الواحد لكن هذي المره كانت 4-5 منتجات منها سامبلز عطور .



فتحت البوكس ونسيت اصور لمن تغليفه لكن مبين من الصوره شايفين كيف مغلفينه بورق فوشي وعليه ستكر لوقو ماجيك بوكس ♥
وكالعاده ورقه ترحيبيه او ورقه فيها معلومات ممكن تفيدك :)



في داخل البوكس 4 منتجات متنوعه مابين فاشن ، اكسسوار ، عينتين عطور ، منتجات عنايه بالبشره ،، وبكل منتج ورقه صغيره فيها معلومه او جمله حلوه .




عينه من عطر كارتييه Baiser Vole وصف للعطر :
يحوي عطر كارتييه الجديد للنساء Baiser Vole نفحات عطرية رائعة من الحمضيات ، و نفحات عطرية عشبية خضراء ممزوجة مع الزنابق البيضاء "


وعينه من عطر بيربيري BODY عندي الحجم الكبير واحبه ناعم مره ، وصفهم :
 " عطر بودي الجديد للنساء من بربري هو عطر مفعم بالانوثة و الحيوية و يتكون مزيجه الرائع من مستخلص الافسنتين الأخضر و الخوخ و الفريزيا بالاضافة الى مستخلص الأزهار و زهرة السوسن و أخشاب الصندل و الكشمير و الفانيليا و العنبر و المسك لعطر جميل تملؤه الأنوثة و الحيوية "
متوفر مو موقعهم هنا .




بعدها كان فيه علبه اكسسوار قبل ما افتحه قريت الورقه عليه وعرفت انو سلسال ولأنهم طلبو في الاستبان تاريخ الميلاد اختارو لي السلسال في الشهر الي انولدت فيه ♥♥


حبيت شكله والفكره لكن تمنيت لو انه اصغر بشوي علشان يكون انعم في اللبس لكنه لا يزال حلو ،، تصميمه انيق وهادي ولو ان مكرر وعليه كرستاله والاحلى من هذا كله انه مطلي ذهب شخصيا ما البس سلسال اكسسوار لأنه يسود رقبتي مره !!
يجي السلسال في علبه انيقه ومرتبه ينفع هديه ،، تلاقونه في متجرهم هنا .  




بعدها كانت مجموعه العناي بالبشره من جرين لاند ،، ما اعرف للحين عاجبتني فكره الاوراق الي مضيفينها هههههههههه لو اضافوها خدمه عندهم انا اول من راح يشترك !! يعرفون كيف يجذبونك بهذي التفاصيل *-*




مجموعه حليب جوز الهند من قرين لاند تلاقونها هنا ،، مكونه من سكرب للجسم و لوشن مرطب للجسم و كريم يدين .
اظن مكوناتها طبيعيه ،، اي منتج فيه جوز الهند دائما يكون فيه تريب علشان كذا اتوقه راح يناسب جو الرياض الجاف تحمست اجربه .




وزي ما يقولون " الأفضل في الأخير " اضافو كارديجان مرتب يناسب اجواءنا البارده مع اني اظن انها خلصت والا ؟؟ ههههههههههه عادي استخدمه الشتاء الجاي ان شاءالله.


                                                                                                           
كارديجان عادي لكن جودته ممتازه مو اي كلام او صماعه صينيه يعني مبين انه من شركه حلوه ،، شركته اسمها تايمنق ما سمعت عنها قبل .
لونه رمادي ويدفي من البرد لبسته مره وحده وحبيته جد جد يدفيك ،، ما عرفت اصوره حاولت بكل الطرق وعلشان ما اظلمه استعنت بصوره في الموقع هنا :



ونصيحه لو راح تطلبونه وحابينه يكون على الجسم او مرتب ما يكون وسيع وفضفاض خذو اصغر من مقاسكم بواحد يعني لو لارج خذي ميديوم ولو ميديوم خذي سمول وكذا.

 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


هناك 5 تعليقات:

Mona Alshihry يقول...

روووووووعه يا ليت يكون في اشتراك للكل مررررره حماااس الفكرة

دان 1994 يقول...

تجنن الفكرة حبيتها لو يطبقونها وفانيلا يبقى المتجر اللي يحمس خاصة باسلوبهم وسرعة توصيل ������
اسلوبك يحمس اكتب تعليق * بس استحي *
يسعدك يارب ونبقى نحبك لو بدون تعليقات )؛ دايم

Fadheelah Najjar يقول...

الفكرة جديدة وتحمس.. لو السعر راح يكون رمزي وغير مبالغ فيه فأكيد راح اشترك..
اول شي يخليني ما اشترك غابا هو السعر..
وواضح جدا ان اختياراتهم مدروسة وهالشي بيحببني اني اشترك معم

Sozy alharby يقول...

مررررررة جمميلة الفكرةة .. وجددد اتمنى يفتحوا الاشتراك ويكون سعر رمزي معقول لانو بدوا يعملوا الفكرة هنا في السعودية لكن الاسعار ماتعتبر رمزية .. ونحبكك

nS. يقول...

واااايد حلوو لو كان في اشتراك ياليت ما ينحصرون بس في السعوديه يوصلونه دول الخليج بعد لانه بكون اول من يشترك ... وحبيبتي عرضج وتنسيقج للمدونه وااايد يعيبني (يعجبني)> هههه وتمي وانا من متابعين مدونتج ♥ ♥ ♥ ♥

إرسال تعليق