الخميس، 26 نوفمبر، 2015

Colourpop Makeup | مشترياتي و رأيي في 4 منتجات من مكياج كولور بوب + كيف طلبتهم ؟؟ ♥


السلام عليكم ورحمه الله وبركاته 
وقت ما نزلت هذي الماركه والكل قام يتكلم عنها قررت اطلب منهم كذا منتج اجربهم واحكم اذا حبيتهم اولا وكالعاده تمر فتره طويييييله وانا ما صورتها ولا كتبت تدوينه ولاهم يحزنون هههههههه !!
طلبتها فوق 6 شهور لكني نسيتها وكل مره اتذكرها انشغل عنها وأخيرا كتبتها :)
للي ما سمعت عن الماركه قبل ،، كل الي اعرفه عنها انها جديده من سنه تقريبا وصناعه امريكيه ... بدأت بالايشادو وهو المنتج الأشهر عندهم وبعدها بالارواج و البلشر و البرونز و الهايلايت وغيره كثييير والحلو فيها اسعارها جدا جدا معقوله يعني الارواج و المحددات و الايشادو ب 5 دولار للواحد واحيانا يسوون عروض وباقي المنتجات ما اظن تزيد عن 10 دولار  ،، ما ينباعون في المحلات فقط طلب اونلاين من موقعهم مثل ما انا سويت طلبت من موقعهم وشحنتهم على بريدي الامريكي في ورلدشيب ( الشحن داخل امريكا مجانا اذا كان طلبك 30$ وفوق ) كنت راح اشرح بالصور كيفيه الطلب لكن ما اشوف لها داعي لأن المعلومان زيها زي اي موقع ثاني وسبق وشرحت كيفيه الطلب من بعض المواقع هنا ،، لكن فيه اربع منتجات منهم وصلتني من متجر Vogue_boutique@ في الانستقرام وللأمانه مو اول مره اتعامل معاها ماشاءالله اسلوب في التعامل ودقه في المواعيد والاحلى انو متجرها متجدد يعني المنتجات الي توفرها ما تلاقينها عند باقي المتاجر شيكو على حسابها صدقوني بتحبونها  ♥♥




الي يميز منتجات "الباودر" عندهم زي الايشادو و البلشر والبرونز و الباقي انو تركيبتهم  وملمسهم غريبه ! كأنها جل جاف او اسفنجي  لونها جداا قوي وثباتها عالي دائما ينصحون بإستخدامها بالاصبع حتى تطع لك احسن نتيجه ولازم لازم تتأكدين انهم مسكريم زين حتى ما يجفون ويخربون .
قبل ما اطلب بحثت عن رأي الي جربوها وقرأت عن المنتجات شوي ورسيت على 3 منتجات الي هي الايشادو و البلشر و الروج و المحدد .

الايشادو :
أنواع الظلال عندهم ( نقلا من مدونه ترتر ثانكس ) :
" مطفي - ساتن (شبه مطفي) - لؤلؤي (شيمر بدون قليتر) - ميتاليك - ألترا ميتاليك"
سمعت كثييير قالو لو بتاخذين ايشادو خذي الي تكون بلمعه يعني النوعين الاخيرات لأن جودتها افضل بميه مره من المطفيه وصدقو صراحه مع اني جربت المطفيه حبيت الي بلمعه (الميتالك) اكثر،،كميه المنتج في العلبه كبيره مره يعني كثيره ،، تغليفهم حلو ومرتب لكني ما حبيتهم احسهم كبار وياخذون مساحه في الدرج :( 
 لكن الايشادوات نفسها يجننون مره مره سهلين في الاستخدام كل الي عليك تمررين اصبعك على اللون وبعدها بالطبطبه على جفنك وممكن بالمسح حتى يكون اللون قوي .
ثباتها عالي جدا جدا ما يحتاج تستخدمين تحتها برايمر حتى لو جفنك دهني راح يضل ثابت فوق 6 ساعات ،، لازم تجربونهم صدرقوني راح تحبونهم كثيييير .

البلشر :
نفس الشي فيه اكثر من فنش للبلشرز مثل الساتن و المات وغيره ،، زي تعليب الايشادو كميه المنتج كبييره لمن فيه مشكله صادفتها لمن طلبتها ،، تركيبتها اظن تذوب مع الحراره لأنها وصلتني واطراف البلشر سايحه ومحيوسه عكس الايشادو :(
عموما عدلته ورجعت استخدمه ،، اخترت المات سهل في الاسخدام بطريقتين : الاولى بأصبعك بالطبطه تدمجه مع البشره بشكل طبيعي ولا يبين انك مستخدمه بلشر اببدا والطريقه الاثنيه بإستخدام فرشه بفنق زي حقات الفاونديشن علشان تمسك اللون عكس فرش البلشرز وبكذا راح تكون ثابته طوااال اليوم .

الارواج :
زي باقي المنتجات فيه اكثر من فنش للأرواج ، النوع الي جربته مات ،، تعليهم للأرواج مره حلو أنيق و بسيط وشكله من الداخل عملي يسهل لك استخدامه على اطراف او حدود الشفايف ، صبغته او لونه عااالي من تمريره وحده يبين اللون ،، يرطب الشفايف يعني الي شفايفها جافه راح يناسبها كثيير لأنه ماراح يجففها مثل الارواج المطفيه الثانيه  درجات الارواج في الموقع كثيييييره ومتنوعه يعني الا ما تلاقين لون يعجبك ،، ثباته ساعتين ويبدا يروح وطبعا اذا اكتلي راح يروح وممكن يطبع في الكاس زيه زي اي روج يعني :) حبيته لكن مافيه شي جديد في تركيبته تخليني ارجع اشتريه بالعكس راح اجرب ارواج ثانيه من شركات ثانيه ممكن الاقي شي احسن .  

المحدد :
بالنسبه للمحدد وصلني من المتجر ولأن لونه غامق وبني كأنه كحل صعب علي استخدامه لكني جربته 2-3 مرات بس علشان احكم عليه بشكل مبدأي .
كريمي يعني سهل في الاستخدام لان اللون يبين بسرعه ،، ثباته عالي فوق 4 ساعات مافيه ريحه ولا طعم ،، حبيت تركيبه ككل ولو ان لونه طبيعي كان خلصته :(




الدرجات الي عندي من اليسار :

الايشادو الأول | الدرجه اسمها BEA مره مره مدحوها في اليوتيوب لدرجه اخذتها بدون ما افكر شبهوها ببقمنت ماك بلو براون وبجد تشبهلها مره تعطيك افكت الدوو كروم الي يعطيك لونين بإختلاف الاضاءه احيانا يكون ازرق و احيانا بنفسجي او بني محمر وطبعا بلمعه ،، اللون مره مره حلو لكن مو للكل لأن صعب استخدامه لو ما عرفتي كيف تدمجينه زي لمن تسوين سموكي . 
الايشادو الثاني | الدرجه اسمها SO QUICHE اساسها زيتي لكن فيها شمر او جلتر زهري اللون غريب وملفت لكن هادي في نفس الوقت ،، حبيته مره اللون الوردي الخفيف يخليه ملفت اكثر من اللون الزيتي نفسه ، احيانا استخدمه لحاله على كامل الجفن وادمج الاطراف وبكذا اكون خلصت ،، تغيير عن الالوان المعتاده .
الايشادو الثالث |  الي وصلني من المتجر ،، الدرجه اسمها HUSTLE بنفسجي غامق مطفي ،، صبغه اللون مو عاليه عكس الالوان الشمر يعني لازم تعيدين عليه من  2-3 مرات حتى يكون اللون قوي مثل مافي العلبه واصعب في الدمج ولأن تركيبتها مو باودر جاف صعب تدمجينه بفرشه الدمج تاخذ وقت :( ما حبيته يعني لو عجبك اللون ممكن تاخدين مثله من ميكب فورايفر او ماك لأنهم احسن في التركيبه . 
الايشادو الرابع | الي وصلني من المتجر ،، الدرجه اسمها AMAZE تجنن ،، لون لؤلؤي قوي يخلي الجفن يلمع بشكل مره حلو ،، حبيت مره مره استخدمه على كامل الجفن او في مدمه العين يوسع لك عينك مرررره واحب استخدمه هايلايت للوجه بشكل خفييييف لأن فيها جلتر ممكن يوضح لو كثرتي لكنه على العين جدااا جميل .
الايشادو الخامس | مالها اسم لكن رقمها 3 زي فكره الايشادو الثاني اساسها بني لكن فيها شمر سماوي او ازرق فاتح نفس الشي غريبه وملفته لكنها هاديه في نفس الوقت احب استخدمه على كامل الجفن وعلى كسره العين لون عنابي لو بني غامق او ممكن استخدم اللون العنابي و البني على كامل الجفن وبعدين بالطبطه بهذا اللون وسط الجفن بس ،، جربو هذي الحركه تحلي العين مررره .
الايشادو السادس | الدرجه اسمها ON THE ROCKS لونها نحساي صريح يعني نحاسي نحاسي مافيه جتلر ملون زي الي فوق ،، اللون مكرر لكنه يختصر عليك وقت استخدميه على كامل الجفن وخلصتي او زيدي على الاطراف بني غامق وبس يطلع كأنك متكلفه بالايشادو وتعبانه عليه هههههههه .
البلشر | الدرجه اسمها APHRODISIAC تقييم اللون في الموقع 5 من 5 كاتبين انو الدرجه سوفت بروان تناسب للكونتور !! انا بالنسبه لي اشوفها نيود مايله للزهري وهي الدرجه المثاليه للون بشرتي كبلشر ناعم ♥♥ يذكرني ببلشر ماك المفضل PRISM جربوه في المحل . 
الروج الأول | الي وصلني من المتجر ،، للأمانه اول ما فتحته وشفت الدرجه عرفت اني مستحييييل استخدمه رميته في الدرج في هذاك الوقت صورت التدوينه والحين ادوره ابغا اقولكم الدرجه ما لقيته هههههههه ، فاتح مره فيصير كأنه طامس على شفايفي :(
الروج الثاني | لمن طلبت قررت اجرب روج واحد بس وبعد بحث وتفكير اخترت BRINK ما اعرف اوصفه وردي على نيود لكنه غامق ما اعرف مبين من الصوره ،، ريحته مره حلوه كأنها فانيلا لكن مافيها طعم ،، الفنش مات والمفروض يكون مات لكن بالنسبه لي اشوفه ساتن ! مو مطفي فيه لمعه جلوسيه خفيييفه . 
المحدد | تكلمت عنه فوق ما عندي اي اضافات زياده .

وبس والله ،، حبيت منتجات الماركه واسعارها واكييد راح ارجع اطلب منهم ان شاءالله ،، الي جربت شي منها ياليت تكتب رأيها فيها سواء هنا او في الانستقرام ♥♥



 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


ليست هناك تعليقات:

إرسال تعليق