الجمعة، 11 سبتمبر، 2015

The Curious Casw Brow Dilmmas | أفضل منتجات الحواجب من بنفيت ♥


السلام عليكم ورحمه الله وبركاته 
اظن 90% من البنات ما يكتمل مكياجهم الا بعد ما ينتهون من حواجبهم والا ؟
عموما انا ما احس فيه شي ينقصني اذا ما حددت رسمة حواجبي وعبيتها لأنها خفيفهة ،، سبق وجربت كثييير منتجات للحواجب فيه من السيئ وفيه منها الممتاز وقبل فتره كتبت تدوينه كاملة عن روتيني للحواجب + شويه نصائح تلاقونها هنا طبعا التدوينه قديمة طريقتي الحين تغيرت وفيه منتجات حبيتها اكثر لو حابين اكتب تدوينه عن روتيني الحالي اكتبولي في الكومنت وراح اسويها في اسرع وقت ان شاءالله :) 

بنفيت قبل فتره جهزو ايفينت كامل وكانت الفكره الاساسيه عن الحواجب !
وطبعا بنفيت كعادتهم كريمين ارسلو لي كتاب خفيف يسلي فيه اشهر منتجات الحواجب الي هم معروفين فيها ،، انا سبق وشريتهم قبل وجربتهم يعني مو جديدين علي ابدا .
حبيت الهديه وقررت اشارككم فيها واعطيمن رأيي في المنتجات للي تفكر تشتريهم في المستقبل ♥♥ 
ملاحظه : الكتاب هذا ما ينباع في اي مكان هم وزعوه من عندهم يعني ماراح تلاقونه في المحلات لكن المنتجات الي بداخله تنباع في المحلات الي توفر ماركه بنفيت زي سيفورا ، دبن هامز ، باريس جالري ، وجوه وغيرهم .

راح اوريكم شويه صور عن الكتاب وبعدها راح اكتب لكم الريفيو في اخر صوره *-*



كيوووووت حبيت شكلها مره لمن تسكرين الكتاب تتسفط ولمن تفتحينه تنفتح معاك حلوه تصير خلفيه للتصوير ههههههههه راح اسويها بعدين ان شاءالله .



يوريكم كيف شكل الحواجب قبل ،، وبعد ما رسمتهم ورتبتهم .


وهنا نفس الشي صوره للحواجب قبل ما تنظفهم وترتبهم وبعد ما خلصت ،، شايفين كيف الحواجب تغير من شكل وجهك !! يمكن ما تعجبكم الي في الصور لكن الفكره وصلت :)



ريفيو المنتجات :


Gimme Brow Volumizing Fiber Gel :
جل حواجب فيه فايبرز تكثف الحواجب ،، فيه درجتين بس (Light/Medium | Medium/Deep) الوانهم مو قويه الي تصبغ في الحاجب وتبين شكلها غلط !
بالعكس هاديه وطبيعيه ،، تختصر عليك وقت خصوصا في الصباح مرريه على الحاجب كم مره وخلصنا ، كتبت عنه ريفيو في انستقرام من زمان ، الي يعجبني فيه ما يطلع كميه كبيره من المنتج ابدا يعني الكميه الي راح تطلع تكفي حاجب واحد بس وبكذا ما تستهلكين المنتج في وقت قصير .
لأن شعره حواجبي سميكه ما يصبغ فيها اللون لكن ممكن يعبي الفراغات الي بين الحواجب وغيره كذا ما لاحظت الكثافه الي يقولون عنها ، اتوقع الي حواجبها خفيفه وشفافه و مافيها لون قوي هي الي راح تحبها وتناسبها اكثر .
سعره بحدود 145 ريال، كميته قليله لو استخدمتيه بشكل يومي راح يخلص عليك .  


Brow Zings Shaping Kit :
علبه فيها كل الي تحتاجينه لحواجبك ،، فيها بودره وواكس (جل ملون) وفرشتين ، فيه منه 3 درجات (Light | Medium | Dark) ما احب استخدم الواكس والبودره مع بعض احسهم اوفر لكن لو حواجبك خفيفه جربي ،، عاده استخدم الواكس لحاله لونه قوي وثابت ،، والصباح استخدم بودره لانها انعم وتبين طبيعيه اكثر . 


High Brow :
قلم عريض لونه ابيضوردي فاتح فكرته انو تستخدمينه بعد ما تخلصين حواجبك علشان ينظفها لك ويرفعها ويصير شكلها مرتب اكثر زي فكره الكونسيلر و الاضاءه .
مرررره حلو لزاويه العين و لداخل العين زي الكحل الابيض ثابت وقوي جربوه ماراح تندمون ابدا .

 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


هناك 4 تعليقات:

B.Brilliant.90 يقول...

شكل البوكس يشوّق .. عليج بالعافيه
ما جربت منهم الا ماسكرا الحواجب كانت سيئه ثقيله
تلصق الحواجب

Nada read يقول...

وعليكم السلام ... شكل البوكس جميل
بالعافية
ماجربت شي مهنهم

نجلاء يقول...

روعه البوكس احسه ممتع هههههه

نجلاء يقول...

روعه البوكس احسه ممتع هههههه

إرسال تعليق