الاثنين، 31 أغسطس، 2015

Glam Box | محتويات صندوقي الثامن من اشتراكي في جلام بوكس (اغسطس) ♥


السلام عليكم ورحمه الله وبركاته 
مثل كل شهر تنزل تدوينه لمحتويات جلام بوكس :)
احسها في الفتره الاخيره بدت تتحسن وتكون المحتويات احلى ،، باقي على اشتراكي 4 شهور يعني 4 بوكسات وخلاص .
راح اكتب رأيي الكامل عنهم واذا راح ارجع اشترك او لا واذا يستاهل الاشتراك وغيره في تدوينه كامله راح تنزل في نهايه السنه (بعد استلامي لآخر بوكس ) ان شاءالله .
هذا الشهر تحمست وشفت محتوياته قبل ما يوصلني هههههههه لكن الي يقهرك احيانا تكون محتويات صندوقك غير عن الباقين يعني توقعي تشوفين صوره لمنتج تبغينه ولمن يوصلك البوكس تلاقين شي ثاني :( هذا الي صار لي

الغريب ان الصندوق وصلني مبكر يعني قبل عشر ايام تقريبا تاريخ 20 لكن كانت فيه تدوينه جاهزه علشان كذا اخرت هذي التدوينه شوي والحمدلله امداني انزلها قبل نهايه الشهر .
للي ما تعرف ايش هو جلام بوكس او فاتتها صناديق الشهور الي فاتت تلاقيها هنا :



  • هنا الشهر الاول  (ينايرشرحت شوي عن الموقع وكيفيه الاشتراك وغيرها مهم تقرأينها علشان تفهمين 
  • هنا الشهر الثاني (فبراير)
  • هنا الشهر الثالث (مارس
  • هنا الشهر الرابع (ابريل)
  • هنا الشهر الخامس (مايو
  • هنا الشهر السادس (يونيو)
  • هنا الشهر السابع  (يوليو)
  • هنا الشهر التاسع (سبتمبر)
  • هنا الشهر العاشر (اكتوبر)
  • هنا الشهر الحادي عشر (نوفمبر)
  • هنا الشهر الثاني عشر (ديسمبر)
  • هنا الشهر الاول من سنتي الثانية (يناير)
  • هنا الشهر الثاني من سنتي الثانية (فبراير)
  • هنا الشهر الثالث من سنتي الثانية (مارس)
  • هنا الشهر الرابع من سنتي الثانية (ابريل)
  • هنا الشهر الخامس من سنتي الثانيه (مايو)



  • هنا الشهر السادس من سنتي الثانية (يونيو)

  • "وللمعلوميه التدوينات هذي انا كتبتها من نفسي هم ما طلبو مني والإشترك دفعته من فلوسي مو هم ارسلولي"   

    قبل ما ابدا ، جلام بوكس راسلوني وقالو انهم حابين يعطوني كود خصم 30% لجميع الاشتراكات ، الكود مفعل حتى تاريخ 29 سبتمبر الكود  ( GBGHADA ) بس دخليه في خانه الكوبون كود عند الاشتراك وراح يخصم لك ، فرصه للي حابه تجرب .


    تغليف مرتب ،، هذا الشهر مافيه ورقه معلومات للمنتجات الي بالداخل ما اعرف اذا اصلا مافيه والا انا ما وصلتني مثل الشهور الي راحت !! 
    وهذا الشهر فيه 4  منتجات بس و كلها بالحجم الصغير ، لمن شفت صناديق هذا الشهر لمشتركات ثانيات حبيتها اكثر من حقتي وراح اقول ليش تحت .



    الشهر هذا فيه منتجين اساسيين مختلفين يعني راح تاخذين واحد من الاثنين اما كحل اسود حجم صغير من بوبي براون او فاونديشن كوشن من ذافيس شوب وانا ابغى الفاونديشن لكن الي وصلني الكحل :(
    اقلها كان خلوه الحجم الكامل زي الفاونديشن كوشن مو عينه كحل صغيره مفروض يعطونك اياها هديه في المحل !! لكن تعرفون ايش الي ضحكني اكثر ؟ كاتبين انهم اعطوني هديه زياده من بوبي براون كاتبنها في الورقه ، توقعتها منتج مجاني من عندهم او خصم على مشترياتي منهم او اقلها عينات ميني يعطوني اياها لكن تعرفون ايش صارت ؟ 


    ههههههههههههههههههههههههههه يا اني ضحكت لمن قريتها يعني من جدهم يتوقعون اروح محلهم علشان اطلب منهم يعلموني ارسم ايلاينر او اسوي سموكي ؟ هذي الاشياء مليانه في اليوتيوب و الانستقرام ما يحتاج تروحين علشان تعرفين كيف سهل تتعلمينها من البيت حتى لو ما تعرفين ، توقعت بوبي بروان راح يعطون شي احسن لكن خاب ظني .
    عموما "صندوقي" لهذا الشهر ما حبيته فيه منتج مكرر ومنتج ماحبيت ريحته ومنتج عندي منه و الاخير صغير ما يستاهل المفروض تكون عينه مجانيه في المحلات :/
    حبيت صناديق باقي المشتركات اكثر ماشاءالله .



    •  مرطب "لوشن" للوجه من جيفنشي نفس الشهر الي راح ، مبين من تركيبته خفيفه اظن حلو للبشرات الدهنيه ما جربته لحد الحين وصار عندي منه 2 .
    • الكحل الاسود من بوبي بروان حجم صغير ،، عموما مهما يكون عندك اكحال سودا كثيره راح تستخدمينها في الاخير .
    • عطر فلاور من كينزو لمن بحثت عن وصف العطر لقيت (عطر فلاور من كنزو ، هو أحد عطور الأزهار الشرقية ، و هو عطر نقي و أنثوي ، شديد الجاذبية . العطر يمزج بين صخب المدينة و هدوء الغابات العطر تفوح منه روائح الأزهار و البنفسج مع المسك الأبيض ، و الفانيليا و تلميحات خفيفة من نبات المر و الأخشاب العطرية . ظهر العطر في عام 2000 ، و مُخترع العطر هو ألبيرتو مورياس ) لقيت الوصف لكن مالقيت صوره للعطر علشان كذا مو متأكده اذا الوصف صح او لا ،، ما حبيت ريحته ، انا ما افهم في العطور لكن ريحه هذا احسها حاليه كانها ريحه سكر ما حبيها .
    • بديل الزيت من لوريال عندي منه واستخدمه كثييير واحد من المنتجات الي احب استخدمها لشعري ، راح اتكلم عن اكثر بعدين ان شاءالله .


     وبس ،، أتركوا تعليقاتكم وآرائكم تحت لأنها تسعدني 

    ♥♥♥

     Instagram : Ghada_abdullah09
    Twitter: G_abdullah09
    snapchat : G.abdullah09
    ،
    اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


    هناك تعليقان (2):

    shog sun يقول...

    نفس صندوقي كنت متقطعة حماس على اساس ان صندوقي في فاونديشن وطلع كحل << :(

    Flawless.R يقول...

    ^
    ^
    نفس الحاله كنت متحمسه للفونديشن حق The face shop في النهايه ما جاني :(

    إرسال تعليق