السبت، 25 يوليو، 2015

MAKE UP FOR EVER PRIMER | ريفيو برايمرات ميك اب فورايفر ♥


السلام عليكم ورحمه الله وبركاته 
ميكب فور ايفر وحده من ماركات المكياج المفضله عندي جددا ،،
ما اتذكر اني اشتريت منهم منتج وكرهته ! ارواجهم تجنن الفاونديشن روعه الكونسيلر خيال بلشراتهم وبرونزات حلوين ايشادواتهم بطله يعني ككل الماركه تستاهل كل ريال يندفع في منتجاتهم .
قبل فتره نزل كولكشن برايمر للبشره بـ 11 نوع مختلف يغطي كل احتياجات البنت اذا سوت مكياجها ، ملاحظه صغيره للي ما تعرف ايش هو البراير كتبت تدوبنه قديييمه شرح مبسط عنهم تلاقونها هنا .
مو شرط تشترين الـ11 كلها لكن انتي اعرفي وين مشكلتك واشتري النوع المناسب لها وفي النهايه البرايمر بشكل عام  منتج تجميلي وليس علاجي .

سيفورا قبل فتره ارسلو لي ايميل انو فيه عينات مجانيه لأصحاب البطاقه السودا اظن ، اقدر اجرب ثلاث عينات صغيره من البرايمر وطبعا رحت واستلمتها ♥♥
انا جربت 3 انواع بس ، لكن الصوره الي تحت شرحت فيها كل نوع وايش راح يسوي لكني مو متأكده 100% من صحه الكلام بحثت وهذا الي طلع لي فالافضل تبحثون زياده عن النوع الي حابينه وتقرون عنه اكثر اضمن لك علشان تتأكدين من انه راح يناسبك .



البرايمر ينباع في كل مكان تتوفر فيه ماركه ميكب فورايفر مثل سيفورا ، دبن هامز ، وجوه وغيره .
سعر الحجم الكامل منه (وهو الحجم الوحيد الي ينباع مافي اصغر)  بحدود 165 ريال لـ 30ml وسعره جدا مناسب لأن الكميه الي راح تحتاجين لها قليله جدا .















اظن انهم راح يوقفون الانواع القديمه من البرايمر وهذي الجديده و الدائمه .
علبتهم عمليه جدا عكس القديمه ، كلهم زي بعض علبه بلاستيك عصار فتحتها صغيره وهذا الي يريحك بحيث انو يطلع لك الكميه المناسبه لا اكثر ولا اقل .
كل نوع من الانواع يختلف بلون العلبه الخارجيه يعني ممكن تلاحظون انو اثنين من الي عندي ابيض لكن في الحقيقه اللون مختلف وهذا الي يميزهم ويخليك تفرقين بينهم .


رأيي فيها من اليمين : 



Step 1 Hydrating Primer :

برايمر مرطب لكن الي يميزه عن غيره اساسه المائس يعني خفييف تمتصه البشره بسرعه وبشرتك تكون مترطبه وناعمه بدون ما تبين دهنيه وراح تضل بشرتك منتعشه وصحيه  .
مره حبيته خصوصا لأن بشرتي مختلطه واحيانا اي برايمر يكون مرطب ممكن يقلب بشرتي لدهنيه لكن هذا ميزته قوامه ممكن يستخدمونه اصحاب البشره المختلطه والعاديه والجافه وراح يحبونه .

Step 1 Smoothing Primer :

برايمر قوامه سيليكوني يذكرني ببرايمر ينفيت بروفشنال لكن بقوام افضل لانه اخف على البشره .
وظيفته هي تعبيه المسام و الخطوط التعبيره وتحسين ملمس البشره وزياده نعومتها مجرد ما توزعيه تحسن بشرتك صارت ناعمه ومستويه قطعه وحده مافيها حفر او مسام والفاونديشن يكون اسهل في الدمج .
حبيته لناه مو ثقيل ولا دهني وجد يعبي لك المسام بشكل طبيعي بدون ما تحسين بشرتك مكتومه ، اوزعه في منطقه التي زون وحولين الشفايف لان الخطوط تطلع وقت ما ابتسم وهذي مشكله كثير يعانون منها ، وسمعت انه ممتااز للخطوط تحت العين بس ماجربت !
وللمعلوميه جربت النوع الاسود (Mattifying) ممتاز للبشرت الدهنيه الي تعاني من الدهون وسط اليوم ! يجنن يخلي بشرتك مطفيه تماما طوال اليوم اصحاب البشره الدهنيه لا يفوتهم والي تستخدم مكياج في الجامعه وغيرها هذا وقته اشتريه ماراح تندمين .

Step 1 Nourishing Primer :

من اسمه مبين كميه الترطيب الي فيه هههههههه ، ترطيبه اعلى واثقل من النوع الاول فوق لان من مكوناته زبده الشيا وهذا الي يخلي اصحاب البشرات الجافه/شدييده الجفاف يحبونه ، مغذي وترطيبه عميق تحسين بشرتك ناعمه وطريه لانه يترط طبقه خفيفه ترطيب فوق البشره مو مزعجه ابدا .
الفاونديشن ارح يندمج بسهوله ، القشور راح تختفي ، البشره تكون نضره وصحيه يعني البشرات الجافه هذا الحل مثالي لكم !! لو تستخدمينه بدون فاونديشن حتى راح تلاحظين فرق كبير ، اصحاب البشره الدهنيه و المختلطه ماراح ممكن ما يناسبهم .


وبس ، صراحه البرايمرات تستاهل التجربه لانها من احسن انواع البرايمرات الي جربتها لدرجه رجعت اشتريت الحجم الكبير من بعض الانواع الي حبيتها من السموثنق الرمادي للتنعيم ، وافكر اجرب انواع ثانيه زي المصححات ان شاءالله.


 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


ليست هناك تعليقات:

إرسال تعليق