الاثنين، 4 مايو، 2015

NYX Setting Spray | ريفيو مثبت المكياج من نكس ♥


السلام عليكم ورحمه الله وبركاته 
قبل فتره سمعت عن يوتيوبر تمدح مثبت المكياج من نكس وعلى أنو كثير شركات عندهم مثبتات مكياج إلا انو هذا شدني أكثر لأنه يعطيك فنش ديوي (يلمع) وعندهم المات فنش ( المطفي)
ما تعنيت وطلبته أونلاين لقيته عند التاجره _whiteboutique@ في الإنستقرام والله يجزاها خير ارسلتي هدايا كثيره راح أتكلم عنها بعدين إن شاءالله .
شخصيا أنا أخترت الديوي على المات لأني احب اللوك الديوي أكثر أحسه يعطي البشره نضاره وصحه لكن مشكله الديوي يحتاج بشره أقل ما يقال عنها مثاليه وإلا راح تبين عيوب البشره بشكل كبييير فلو بشرتك فيها مشاكل ما انصحك في هذا جربي المات احسن .
  

مثل ما قلت أخذت الديوي فنش ، أول ما بخيته لاحظت الفرق ♥♥♥♥  بشرتي صارت رطبه ونديه وتلمع لكن بشكل حلو من كأنها دهنيه   ، لا مبينه لمعه صحيه يعني بإختصار أعطاني النتيجه الي ابغاها .
البخاخ نفسه مررره حلو لمن يبخ يتوزع ما يتجمع في مكان واحد زي الماك فكس بلس احيانا ، ما يلزق وما تحسين فيه شي على بشرتك أبدا أما بالنسبه لثبات الميكب صراحه أنا عموما ما أعاني من عدم ثبات المكياج يعني سواء إستخدمت أو لا النتيجه وحده هههههههه لكن كثير طلبو مني أجرب مثبتات مكياج وأتكلم عنها وجربت أنواع منها الي من اربن ديكاي لكن مثل ما قلت ما تفرق معاي راح أتكلم عنه في تدوينه لحالها بعدين إن شاءالله .

طريقه استخدامه : 
ابعديه عن وجهك مقدار 5-19 سانتي متر وبخي من 3-4 بخات على كامل الوجه وتأكدي من انو توزع في كل الوجه وأتركيه 2-3 دقايق علشان ينشف .
حاولت أبحث عن صور قبل وبعد علشان أبين لكم الفرق بس ما لقيت غير هذي :(



مكوناته :
 Aqua, Butylene Glycol, AMP-Acrylates/Allyl Methacrylate Copolymer, Methylpropanediol, Phenoxyethanol / Ethylhexylglycerin, Biosaccharide Gum-2, Disodium EDTA.



 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


هناك تعليق واحد:

شموسا نوسه يقول...

يعني يثبت المكياج و لا لا ؟
نفسي أشتريه

إرسال تعليق