الجمعة، 3 أبريل، 2015

Glam Box | محتويات صندوقي الثالث من اشتراكي في جلام بوكس (مارس) ♥


السلام عليكم ورحمه الله وبركاته 
كالعاده في كل شهر يوصلني بوكس من جلام بوكس لأن اشتراكي سنه كامله وهذا البوكس الثالث لي ،اول ما اشتركت تحمست كثييير لأني كنت متوقعه راح تجي منتجات حلوه و اشياء مو متوفره عندنا و الأغلب يكون مكياج لكن للأسف وصلني البوكس الأول وتحطمت قلت يمكن الثاني يصير احلى ووصلني الثاني وانصدمت قلت يمكن الثالث احلى بس شكله ماراح يصير في صندوق حلو !!! مو معقوله يعني ممكن الاقي 1-2 اشياء حلوه والباقي .....!
للحين متوقعه الرابع يصير احلى بشوي بس نصبر ونشوف .
 للي ما تعرف ايش هو جلام بوكس او فاتتها صناديق الشهور الي فاتت تلاقيها هنا :


  • هنا الشهر الاول  (ينايرشرحت شوي عن الموقع وكيفيه الاشتراك وغيرها مهم تقرأينها علشان تفهمين 
  • هنا الشهر الثاني (فبراير) 
  • هنا الشهر الرابع (ابريل)
  • هنا الشهر الخامس (مايو
  • هنا الشهر السادس (يونيو)
  • هنا الشهر السابع  (يوليو)
  • هنا الشهر الثامن (اغسطس
  • هنا الشهر التاسع (سبتمبر)
  • هنا الشهر العاشر (اكتوبر)
  • هنا الشهر الحادي عشر (نوفمبر)
  • هنا الشهر الثاني عشر (ديسمبر)
  • هنا الشهر الاول من سنتي الثانية (يناير)
  • هنا الشهر الثاني من سنتي الثانية (فبراير)
  • هنا الشهر الثالث من سنتي الثانية (مارس)
  • هنا الشهر الرابع من سنتي الثانية (ابريل)
  • هنا الشهر الخامس من سنتي الثانيه (مايو)
  • هنا الشهر السادس من سنتي الثالثة (يونيو)

  • "وللمعلوميه التدوينات هذي انا كتبتها من نفسي هم ما طلبو مني والإشترك دفعته من فلوسي مو هم ارسلولي"   


    العاده يكون البوكس في داخله علبه بيضاء لمن تفتحينها يكون مغلف وفيه ورقه تشرح لك المنتجات لكن هذي المره ما جتني يعني ما اعرف كم اسعارها او اماكن توافرها للأسف ولا حتى شرح للمنتج يعني الكلام الي راح اكتبه تحت من عندي  .


    • مدري كريم او واقي شمي من بايودرما كثير مدحوه لمن سألت في الانستقرام قبل بس العينه جدددا صغيره ما اتوقع تكفي الا استخدامين بالكثير .
    •  كريم من شركه Enhanteur بريحه الورد الحجم الكامل ،  ما حبيته انا ما اتقبل اي مرطب جسم وهذا مو نوعي الي احبه .
    • غسول للبشره من دوف للبشره العاديه والجافه مرطب للبشره الي صدمني انو مكتوب عليه عينه مجانيه !!! يعني المفروض ما تكون من الاساس في البوكس لأنها مجانيه حتى الي ما اشتركت تقدر تاخذها استغربت صراحه .
    •  الي بعده سيروم من شركه Carita فرنسيه لا تغركم العلبه لان حجم السيروم زي حجم علبه العطور السامبل الي تتوزع في المحلات بالظظظبط نسيت اصورها لكم، السيروم مضاد للشيخوخه مزيج مستحدث نشأ من الإلتقاء الفريد للذهب الخالص المعدني و الذهب النباتي و الذهب البيولوجي .
    • انبوب للبشره من شركه Matricium فرنسيه ، يمكن الشي الوحيد الي اعجبني في بوكس هذا الشهر ، الانبوب يساهم في تجدد انسجه البشره التالفه ذات الالتهابات الجلديه السطحيه الي لا تنزف ولا تنز والتي تكون ناجمه عن عمليات جراحيه جلديه وعلاجات الليزر و تقشير البشره والحروق من الدرجه الاولى ابحثو عنه واقروا زياده احسن بس بأختصار اقدر اقول انه مجدد للبشره زي المقشر .

     وبس ،، أتركوا تعليقاتكم وآرائكم تحت لأنها تسعدني 

    ♥♥♥

     Instagram : Ghada_abdullah09
    Twitter: G_abdullah09
    snapchat : G.abdullah09
    ،
    اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :




    هناك تعليق واحد:

    نور هــ يقول...

    اييوا نفس بالضبط الصندوق الي جاني حتى ما جت معه ورقه ومعك حق بالنسبه للعينه المجانيه مالها داعي الصراحه هذا الشهر صندوقهم مش ولابد بإذن الله الشهر الجاي يكون احسن

    إرسال تعليق