الخميس، 23 أبريل، 2015

FACE MASK | ماسك الطين و النعناع من عبر الطب ♥


السلام عليكم ورحمه الله وبركاته  ♥ 
ماسكات البشره شي اساسي في روتين العنايه وأحب أستخدمهم من 2-3 مرات في الأسبوع وطبعا مع الإهتمام والإنتظام راح تلاقينم الفرق .
عبر الطلب قالو لي اختاري منتج من عندنا وراح نخليك تجربينه وبما اني احب الماسكات اخترت ماسك الطين والنعناع لأني من الشرح الي قريته عنه فهمت انو مخصص او مناسب للبشرات الدهنيه الي تعاني من الدهون والمسام الواسعة .
في الموقع مكتوب انو يعطي البشره نضارة وملمس حريري ويطهر البشره بحيث انه يمنع ظهور الحبوب .

مكوناتة :









  • الطين  الصلصال وهو معروف بفوائده للبشرة الدهنية لإزالة الدهون الزائدة وقابض للمسامات الواسعة.
  • الكبريت مادة معالجة لحب الشباب ومطهرة للبشرة.
  • المنتول وهو خلاصة النعناع والمعروف بفوائده لتهدئة تهيج البشرة.
  • مادة الزنك أوكسيد للتفتيح وتنعيم البشرة.

  • تجربتي ورأيي فيه :

    عادة ماسكات البشره لأصحاب البشره الدهنيه تكون قويه بحيث انها ممكن تسبب لك هيجان وإحمرار أحيانا خاصه للي بشرتها دهنيه / حساسه راح تعاااني جدا وعلى انو بشرتي دهنيه لكن مو حساسه فيه اكثر من ماسك جربته جفف البشره بزياده او اعطاني نتيجه عكسيه لكن هذا ما يمنع انو فيه انواع ثانيه حبيتها وناسبتني وهذا واحد منهم .
    في البدايه اول ما جربته استغربت من قوامه ثقييييييل لكن ناعم مافيه قطع ومجرد ما تبللين يدك يذوب معك زياده انا عموما أستخدم الماسكات بعد الشاور لأنه احسن وقت البشره تكون رطبه والمسام غالبا تكون مفتوحه علشان كذا النتيجه تكون اوضح .
    بعد ما يجف استخدم منشفه وجه مبلله دافيه وبحركه دائريه امسحه وحتى وانتي تمسحينه ما تحسين بشرتك جافه وهذا الي اسغتربت منه كيف يمنع الدهون وما يجفف البشره ! 
    راح تحسين ببشرتك نظيفه والمسام خصوصا والدهون صح ما ما تطلع لكن تقريبا بتخف بنسبه 30-40% مع الإنتظام ، انصح فيه للي بشرتها دهنيه أو مختلطه حساسه راح تحبينه كثيير .
      
    شوفو هنا اول ما حطيته وبعد ما وزعته ولمن جف تغير لونه للأفتح وبكذا تمسحينه :

    مكان الشراء + سعره :
    ما أعرف اذا تنباع في المحلات لكن تقدرين تطلبينه من موقعهم هنا بـ 140 ريال أو من الواتس اب على الرقم 0556292512 حسابهم في انستجرام هنا .

     وبس ،، أتركوا تعليقاتكم وآرائكم تحت لأنها تسعدني 


    ♥♥♥

     Instagram : Ghada_abdullah09
    Twitter: G_abdullah09
    snapchat : G.abdullah09
    ،
    اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

    ليست هناك تعليقات:

    إرسال تعليق