الاثنين، 2 مارس، 2015

Naomegulf | هديه من متجر نعومي الخليج + رأيي المبدئي فيها ♥


السلام عليكم ورحمه الله وبركاته 
وصلتني هديه من متجر @naomegulf في الإنستقرام انبسطت فيها مرره مو لانها مكياج بس لأنها جت من متجر متابعته من زمان وما انتبهت انهم متابعيني الا بعد ما راسلوني ، صراحه استمتع وانبسط اذا احد ارسل لي كلام ايجابي ودعم واذا كان متجر وارسلو لي هديه ومعاها رساله افرح فيها اكثر من الهديه واحب احتفظ فيهم ♥ ♥  

نبذة عن متجرهم : لهم محل في طيبه ممكن تروحين لهم وتشوفين المنتجات بنفسك وتتأكدين انها اصليه + صح طيبه فيها تقليد لكن مثل مافيها تقليد فيها اصلي لكن هذا يرجع لحسب المحل الي رحتي له حتى لو كان المحل مشهور وسمعتي فيه ولقيتي انه تقليد انتي الغلطانه ! فيه ادله كثير تثبت انه تقليد واوضحهم الملمس واللون يبين حتى الي مو مهتمه في المكياج ولو كنتي ناويه على منتج معين ابحثي في جوجل يعني مثلا كنتي حابه بيوتي بلندر اكتبي في جوجل (الفرق بين البيوتي بلندر الاصليه والتقليد) وراح تطلع لك صور توضح لك كللل شي من الالف للياء علشان تضمنين نفسك لمن تشترين .



الله يعطيهم العافيه ما قصروا ارسلولي اشياء كان نفسي اجربها وجديده علي :) بإذن الله اذا جربتها راح اتكلم عن كل منتج في الانستقرام او المدونه برأيي الصريح مو يعني انها هديه راح امدحها ! والي ما تثق في مصداقيتي ياليت من البدايه ما تكمل تقرا وتوقف متابعتي لأنها من البدايه ماراح تصدقني تتعب نفسها ليش :(




  • باليت نود من ذا بالم ، تركيبه الايشادو حقتهم مثاليه جربت اكثر من باليت للايشادو من عندهم ومن ضمنهم باليت بالمساي هنا مرره ناعمه ولونها واضح وسهله في الدمج لكن الالوان الشمر تحتاج تعيدين عليها علشان تبين لمعتها اكثر وافضل تستخدمينها بأصبعك اذا حابه لون قووي .
  • هايلات ماري لو من ذا بالم ماراح اتكلم عنه لأني سويت تدوينه كامله عن الثلاث درجات منه هنا لكنه عتبر المركز 1 بالنسبه لي في الهايلايترز مرره احبه وبالذات في المناسبات . 



  • جل حواجب من الف ، ما جربته لكن سمعت عنه آراء مختلفه فيه الي يذمونه وفيه الي يمدحونه ومطيرينه للسماء !! تحمست اجربه علشان احكم بنفسي ،  فيها فايبرز يعني زي الشعرات الصغيييره علشان تعطي منظر الحواجب المليانه او الي شعرها كثير يعني احسها تناسب للي حواجبها خفيفه .
  • سائل للايشادو على حسب فهمي اتوقع تستخدمينه مثلا للبقمنت علشان يوضح اللون او شي زي كذا ؟ اذا جربته وقريت عنه اكثر راح اكتب عنه ان شاءالله .
  • كتبت تدوينه قبل عن افضل 10 منتجات جربتها من ماركه الف هنا .




  • باليت الكونسيلر من فورايفر 52 ، الي متابعتني من زمان في الانستقرام تعرف قد ايش احببببه مره روعه احسن من عجله كريولان بميه مره وتنفع استخدام يومي كريميه وسهله في الدمج وثابته وما تخطط !!! كتبت عنها كثيير في الانستقرام ارجعو لها اذا حابين تعرفون عنها اكثر .
  • ثلاث اكحال الاول من بورجوا اسود جربته مره وحده اممم عادي يعني زي اي كحل لكن هذا ما يمنع انو يكون عندك اكثر من كحل اسود احتياط ههههه ، الثاني من ريميل لونه بيج روعه لداخل العين هذا النوع من ريميل دائما اسمع عليه مدح لكن ما الاقيه في محلاتنها دائما ، الاخير من ماركه جديده علي اسمها توب ما جربته للحين .
  • مسكره ريميل بزيت الارغان لقيتها من فتره في سنتر بوينت وكتبت عنها في الانستقرام وسألتكم عنها الاغلب حبها حلو انها جتني علشان اجربها واشوف اذا تنفع اسخدام يومي لان فيها زيت احسن من باقي انواع المسكرات .
  • الارواج كريميه من ماركه توب جرتهم مره وحده لكني ادمنها كريميه ولونها خفيف حلوه للصباح مرره واتوقع في الايام الجايه راح استخدمها بشكل يومي .
  • فكس بلس من ماك ومين ما يعرفه ♥ ♥ ♥  ابحثو عنه في جوجل له استخدامات كثييير وانا سبق تكلمت عنه في الانستقرام .  


 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك تعليق واحد:

غير معرف يقول...

انا جربت الكونسيلر مرره حلو بس عيبه درجاته محدوده ما اتوقع كل البنات يلاقون الوانهم :(

إرسال تعليق