الجمعة، 27 مارس، 2015

Makeup Forever | مجموعه مكياج من ميكب فورايفر (لمتد ادشن) !!♥


السلام عليكم ورحمه الله وبركاته 
قبل فتره وانا اتصفح اليوتيوب كنت اشوف المقاطع الي تكون عن مشتريات سيفورا واكثر من فديو كنت اشوفهم يعرضون هذي المجموعه الحصريه (لمتد ادشن) من ميكب فورإيفر ومرره اعجبتني لدرجه بحثت عنها في كل المواقع وقريت عنها في بلوقات الأجانب الي اشتروها.
الي عرفته انها نزلت حصريه في الفلنتاين وميكب فورايفر تعاونت مع سيفورا وصارت حصريه في محلاتهم بس :( يعني ماراح تلاقينها الا في سيفورا امريكا وكميه محدوده دخلت موقعهم ابحث عنها لكنها كانت مخلصه تماما اصلا الصفحه نفسها مو موجوده لكني اصريت ابغاها ، بحثت عن التاجرات الي في امريكا وراسلتهم اذا ممكن يشوفون فروع سيفورا اذا باقي منها او لا مع انها نازله اكثر من شهر يعني نسبه انك تلاققينها 10% هههههههههههه بس انا مصره ابغاها لو اشتريها من بلوقر حتى والي يضحك انو المكياج الي بداخلها مو لمتد يعني تقدرين تشترينها من عندنا وبسهوله لكن انا ابغى العلبه الي جت معاها ههههههه وزياده على كذا سعر المجموعه ارخص بكثيييير من لو انك شريتي كل شي لحاله .
راسلت التاجره الي في امريكا peony_beauty@ في الانستقرام ومن بكره ردت بأنها لقتها ، اشترتها وارسلتها في حدود خمس ايام ♥♥♥  ما تصدقون قد ايش انبسطط الله يجزاها خير دورتها في كل الفروع القريبه منها ولقتها الحمدلله .
ملاحظه : سعر المجموعه 79$ يعني بحدود ٣٠٠ ريال لأربع منتجات حجمها كبير غير الاربعه ايشادو مع علبه فخمه !! يستاهل كل ريال 



البوكس كبير وفخم بالنسبه لي مرره حبيت اهتمامهم بأدق التفاصيل من الكرتون الخارجي للبوكس الداخلي و الألوان و التفاصيل 



شايفين قد ايش كيوت احلى شي فيها لوقو ميكب فورايفر فوقها ♥_♥ العلبه مربعه وكيوت لونها اسود ومن الأطراف زهري جودتها حلوه يعني جلدها او القماش قوي راح تدوم معك فتره طويله ممكن تستخدنها للأكسسوار او المجوهرات وغيرها لو حابه .


من الداخل فيه مرايه وسط ما بينتها في الصوره ، المكان الي في اليمين مكان الميكب ممكن تشيلين البلاستيك الأسود ويصير المكان فاضي ومثل ماقلت فوق ممكن تستخدمينه للاكسسوار وغيره ، وفي اليسار فيه زي الدولاب الصغير حلو لو عندك اشياء صغيره ما تبغينها تضيع لانو مسكر .



اما بالنسبه للميكب الي في الداخل عباره عن (من اليمين) :

  • ايلاينر اسود مرره حلو سهل ممتاز للمبتدئات او الي ما تعرف تظبط الايلاينر .
  • جلوس "لاب شاين" لونه زهري بشمر ذهبي اللون خفيف حلو فوق اي روج يعطيك لمعه اكثر من لون .
  • روج كريمي الدرجه رقمها N4 ارواجهم روعه انا احبها وعندي منها كثير.
  • المسكره المشهوره والكل يحبها سموكي اكسترافجنت لاشز 
  • مجموعه من الارتست ايشادو الجديد تركيبتهم بطله لازم تجربونها في المحل جودتها تجنن وحجمها كبير سعر اللون الواحد 80 ريال بس صدقوني تستاهل وتشكيله الالوان والفنش عندهم كبيره مستحيل ما تلاقين اللون الي تبغينه ، الدرجات الي في الباليت : فوق يمين me-612 ، تحت يمين i-628 فوق يسار i-514 تحت يسار s-556 .

سواتش لدرجات (الصوره من مدونه بنت اجنبيه لأنها اوضح) :




 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :


ليست هناك تعليقات:

إرسال تعليق