الجمعة، 20 مارس، 2015

COTTAGE | مجموعه الجسم من كوتاج حصريه لصيدليه وايتس ♥


السلام عليكم ورحمه الله وبركاته 
مرره متحمسه اتكلم عن شركه COTTAGE اليوم لأنها بجد تستاهل 
اعطيكم نبذه عنها للي ما تعرفها :
هي شركه فرنسيه (اذا مو غلطانه لانه مكتوب في موقعهم ) وكالعاده المنتجات الفرنسيه دائما جودتها تكون عاليه واكبر مثال ماركات المكياج زي شانيل و جريلان وغيرها ..
نرجع لموضوعنا الماركه حصريه في صيدلية وايتس بأسعارها الجديده ، اغلب مكوناتها طبيعيه من مستخلصات طبيعيه وعطور غنيه شخصيا ما عرفت انو فيها عطور الا بعد ما قريت لان ريحتها خفييييفه مو قويه مثل منتجات باث اند بودي وغيرها الي تصدعك احيانا :/ 
الي جذبني لها في البدايه الوانها وكميه الأنواع و الروائح عندهم والاحجام والأهم  سعرها المناسب ، كل ريحه لها لون خاص يعني العلب تكون ملونه على حسب الريحه او المكونات الي اخترتيها مثلا :


شافين كيف ♥_♥ مستحيل ما تلاقين ريحه تعجبك ، فيه منهم احجام كثير من الاحجام الصغيره الى الأحجام الاكبر(750ml) .


وايتس ارسلو لي مجموعه اجربها والي ارسلوها مجموعه الفانيلا جربت قبل الميني سايز ومرره حبيتهم هذي المره الأحجام كبيره راح تكفيني مده طويله .
الي وصلني كان عباره عن (من اليسار) :
  • شاور جل و ممكن تستخدميه لمن تاخذين باث (750ml) بـ 34 ريال 
  • مقشر جسم (250ml) بـ21 ريال 
  • شاور جل (250ml) بـ18 ريال 
  • لوشن للجسم (200ml) بـ29 ريال 
راح اتكلم عنه كل نوع ورأيي فيه :


Shower Gel and Bath Milk :

شاور جل وفي نفس الوقت باث ملك يعني يستخدم لمن تاخذين باث ، ريحته هاديه مررره احبها جربت انواع كثيره من الباث ملك من باث اند بودي و بودي شوب وغيرها لكن الاغلب ريحتها تكون قوييه تصدعك والا لازم تستخدمين كميه كبيره علشان تبين الريحه وبكذا ممكن اخلص العلبه في 3 استخدامات بس !!!
هذا ما تحتاجين كبيره واصلا اذا كثرتي راح يبقى كثيير لانه كميه العبوه كبيره 750 مل مستحيل تخلصينها بسرعه ، ما استخدمه كشاور جل لاني افضل الي تحت اكثر . 





Softening Shower Gel :
هذا الشور جل الي استخدمه ، نااااعم ما يجفف البشره ابدا وريحته نفس الشي هاديه ينظف الجسم ويعطيك نعومه ما افضله استخدام يومي لانه تنظيفه مو قوي يعني مثلا اذا رجعتي من الجم (النادي) راح تكونين متعرقه الاحسن تستخدمين شور جل قوي زي الي من ديتول مثلا انا اخذه من السوبر ماركت ولانه قوي ينظفف ويجفف البشره لكن لو حابه تنظيف سطحي انصحك بهذا .



Exfoliating Shower Gel :
مقشر للجسم خفيف وحبيبات التقشير الي فيه ناعمه يعني ممكن تستخدمينه بشكل يومي لو حابه لانه لطيف على البشره انا استخدمه في كل شاور مع القفاز الخاص بالتقشير من اي مكان وحركه بحركه دائريه بشكل خفيف علشان ما تقلب بشرتك حمرا مع القفاز ولو حابه ممكن تستخدمين يدك بعدها ماراح يكون فيه جلد ميت وبشرتك تصير تلمع ♥♥


After Shower Lotion : 
لوشن خفيف علبته بخاخ يعني ممكن تبخين على جسمك على طول اختصار للوقت ، ترطيبه جدااا خفيف وتمتصه البشره على طول ، بما اننا داخلين في الصيف ما احب استخدم كريم ثقيل عكس الشتاء علشان كذا اميل للمرطبات و اللوشن الخفيف وهذا مثال على الانواع الي احبها .
ريحته هاديه لكن تنشم يعني مره استخدمته ولمن طلعت من غرفتي انسألت عن العطر الي استخدمته *_* !

عموما المجموعه مررره حلوه مقارنه بأسعارها وحلو للي حابه تستخدم منتجات خفيفه بشكل يومي لان البشره تمتصها بسرعه وفي نفس الوقت تعطيك ترطيب وريحه حلوه .



 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :



ليست هناك تعليقات:

إرسال تعليق