الأحد، 8 مارس، 2015

Beauty Blender | رأيي في البيوتي بلندر العاديه و الميني ♥


السلام عليكم ورحمه الله وبركاته 
 من العنوان مبين موضوع التدوينه ، راح اذكر تجربتي ورأيي بالبيوتي بلندر الي حاليا صارت اشهر من نار على علم وما اتوقع للحين فيه بنت ما سمعت عنها قبل .
في البدايه انا استخدمت الاسفنجه من ماركه ريل تكنيك وكنت حابتها ولا فكرت اشتري البيوتي بلندر لكن كان عليها عرض وللحين موجود الي هو تاخذين اسفنجتين في نفس العلبه بسعر اقل علشان كذا اخذتها من امازون وحده لي ووحده لأختي وصراحه ما ندمت ابدا اني جربتها اما بالنسبه للميني من متجر Angelsmakeupstore في الانستقرام (ماله دخل بالتدوينه لكن هذي التاجره جدا راقيه في التعامل وترد بسرعه وحريصه على تغليف المنتجات لمن توصلك )  .



راح اتكلم عن الشركه شوي وايش هي البيوتي بلندر الي عارفتهم ممكن تترك هذي الجزئيه وتنزل تحت :)
الي ابتكرت هذي الإسفنجه هي ميكب ارتست اسمها | Rea Ann Silva | 
كانت تعاني لمن تسوي مكيب للممثلين وغيرهم وحبت يكون عندها منتج يخلي الفاوديشن او الاساس يندمج بسرعه بدون ما ياخذ وقت ويضل المكياج ثابت طول اليوم وبكذا سوت اسفنجه خاصه فيها .
طيب ايش الي يميز هي الاسفنجه عن غيرها ؟
تدمج لك المنتج بشكل طبيعي جدا حتى لو استخدمتي مثلا فاوديشن ثقيل راح يبين طبيعي بدون ما يخطط مثل بعض الفرش.
لها استخدامات كثييره  يعني مثلا ممكن تستخدمينها لاي منتج كريمي زي :
  • دمج الفاوديشن ( كريم الاساس)
  • دمج الكونسيلر (خافي العيوب)
  • دمج الكونتور والهايلات الكريمي (النحت و الاضاء سويت تدوينه كامله تعلمك كيف تسوينهم هنا )
  • ممكن تستخدمينها للوس باودر (البودره السائبه او المنثوره) او حتى للبوده المضغوطه وراح علمك كيف بعدين .
فازت بجوائز كثيييره من ضمنها Allure و براءه اختراع بسبب شكلها البيضاوي الي يساعدك توصلين للأماكن الضيقه سواء تحت العين او في منابت الشعر .




طريقه استخدامها :

راح تكون جافه وقاسيه شوي لكن كل الي عليه تمررينها تحت المويه وتعصرينها تحت

 المويه ل10 ثواني يعني تأكدي انو المويه دخلت للأخير بعدها اعصريها واتاكدي انها

 نشفت وللاحياط جففيفها بمنشفه علشان تتأكدين انها جافه تماما بعدها راح تكون اكبر

 بكثيير وانعم من قبل هنا راح تكون جاهزه للإستخدام 





سيفورا وفرتها عندنا قبل فتره سعر الوحده 90 ريال وفيه منها الوان كثييير الاساسيه 

 (وردي و ابيض و اسود) اللمتد الي نزلت قبل (بنفسجي و احمر) اما بالنسبه للميني

 ( اخضر ) مافيه اي لون ثاني غيرهم وللمعلوميه نفس بعض الإختلاف بسيط   


الميني تجي في علبه منها اثنين يعني ما تقدرين تشترين وحده بس وسعرها ارخص من

 العاديه ب20 ريال يعني سعر الميني 70 ريال و في الصوره مقارنه بين احجامهم وهم جافين . 


صراحه انا مررره حبيتها تستاهل التجربه سهله في الاستخدام وسريعه ، احب استخدمها خصوصا لدمج الكونتور الكريمي او الهايلايت تحت العين تدمج بشكل طبيعي ما يبين مخطط ابدا ، احيانا استخدمها مع الباودر عادي امررها على البودره كم مرت وبعدين بالطبطبه على وجهي تعطيك لوك طبيعي جدا ما تبين كيكي او رمادي او كأنك مستخدمه بودره ووممكن تستخدمينها للوس باودر تحت العين وهذي الطريقه ممتازه للي يخطط معاها الكونسيلر بسرعه .
اما بالنسبه للميني اشوفها زياده حلوه لكنها مو اساسيه يعني الميكب ارتست او البلوقر او الي تحب المكياج راح تستمتع في استخدامها اما الي نادر تستخدم وتبغى الاسايات اشوف الحجم العادي يكفي .
استخدم الميني للكونسيلر تحت العين او للهايلايت الكريمي في عظمه الخد وفوق الشفايف وممكن تستخدمينها بالطبطبه فوق الكونسيلر على الآثار هذي بعض استخداماتي لها انا حبيتها واتوقع اذا خربت او رميتها راح ارجع آخذها انشاءالله .
شخصيا احب استخدم الاسفنجه للمنتجات الكريميه اكثر من الفرش علشان كذا مالي غنى عن البيوتي بلندر .


 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك تعليق واحد:

غير معرف يقول...

حبيبتي وش الي ب 20 ريال ؟؟

إرسال تعليق