الثلاثاء، 3 فبراير، 2015

Jamelaarabia | تجربتي لماسكات البشره من جميلة العربية + طريقه الطلب ♥


السلام عليكم ورحمه الله وبركاته  
وصلتني هديه من موقع الجميله للعربيه من حسابهم في الانستجرام @jamelaarabia ماسكات للوجه و العين علشان اجربهم واعطيكم انطباعي عنهم ، سمعت عنها من البلوقرز واصلا منتجاتهم معروفه من قبل ما افتح حسابي في الانستقرام او المدونه وداائما كان ودي اجربها ولمن وصلتني منهم تحمست اكثر الكلام الي راح اكتبه رأيي الصريح فيهم بعد ما جربتهم لفتره .


راح أتكلم عن كل واحد وميزته و مكوناته وبالنسبة للأسعار وطريقة الطلب راح تلاقونها تحت  لأن الأغلب سألني عنها في الإنستقرام .
كلامهم عن منتجاتهم :
(منتجات طبيعيه نباتيه معدنيه للعناية بالبشره والوجه,لا تحتوي على زيوت حيوانيه أو كحول أو عطور اصطناعيه)
حسابهم في الفيسبوك : هنا 
حسابهم في جوجل : هنا
حسابهم في التويتر : هنا
حسابهم في الإنستقرام : هنا

طريقة الطلب:
راسلتهم عن طريقه الطلب قالو الطلب من موقعهم الالكتروني هنا او عن طريق الواتس اب على الرقم :0563343127 


الأنواع الي جربتها :




 قناع زيت شجرة الشاي :

القناع مكون من شجره الشاي الاصليه ومستخلص البرتقال علشان كذا يقلل من الاتهابات و انسداد المسام والاثار الي تكون بسبب حب الشباب وممكن يستخدم لتهدئه حرق الشمس ومساعده البشره للتوقف عن التقشير ، زيت شجره الشاي مطهر طبيعي مضاد للبكتيريا مكتوب انو الهنود الحمريستخدمونه مطهر لجروحهم قبل الاف من السنوات  وممتاااز لحب الشباب و البشره الدهنيه و تهيج الجلد ، تستخدمينه نص ساعه 30 دقيقه وميزه ماسكاتهم عموما انك تقدرين تستخدمينها اكثر من مره يعني اذا خلصتي رجعيها في العلبه واذا راح لونها يعني خلاص ارميها لان مكوناتها خلصت انا استخدمه لمن تطلع لي حبوب احيانا في الشهر تطلع لي حبه - حبيتين هذا يساعد انها يشيلها في اسرع وقت وراح تحسين بشرتك منتعشه نظيفة وصافية هذا اكثر نوع حبيته .


قناع الطين البركاني :
من مكوناته الورد و الياسمين و الزيوت العطريه وهذا يساعد انه يجدد ويصلح من الجلد المحترق من الشمس ويجدد خلايا البشره ويعطيك اشراق ومكتوب انه يساعد في تبييض وتفتيح البشره ويمنع تقشرها ، ماحسيت بفرق كبير لكنه رووعه قبل اي مناسبه كحل سريع يشيل منظر الارهاق و الصفار من وجهك ويرطبها وينعمها يعني نتيجته مؤقته .






ماسكات العين  بالنسبه لي عشق نتايجهم وااضحه وكل نوع احسن من الثاني ، كلهم يلزقون بسهوله بدون ما يتعبون او يطيحون وكميه الترطيب فيهم فضيعه والأحسن لمن تحطينهم في الثلاجه وتستخدميهم تجنن تقلل من الخطوط وتشيل الانتفاخ وتقلل من منظر الهالات السودا كثييير ، جربت انواع كثيره من هذي الماسكات لكن مو طبيعيه علشان كذا نتيجتها تكون مؤقته لكم بما انو هذي طبيعيه نتيجتها تدوم اطول لكن هذا مو معناته تلعبين في الاكل و النوم وتقولون ماجاب نتيجه !!! 

قناع الذهب :
مكتوب هذا النوع ممتاز للي عندهم تجاعيد لانها تقلل منها بشكل كبير و تقلل من الهالات و ترطب وحلو للاستخدام قبل المكياج لانها تخلي الكونسيلر يندمج بسهوله بدون ما يتكتل او يخطط ، وعلشان تلاقين نتيجه وهذا الكلام ينطبق على كل الماسكات استخدميها يوميا لمده 30 دقيقه وعادي لو نمتي فيها ، الاثنين الي بالذهب نفس الشي بس الشكل يختلف الاول لكامل محيط العين اما الثاني لاسفل العين بس .

قناع زهره اللوتس :
يشبه لماسك الذهب لانه نفس المفعول يقلل من الانتفاخ والارهاق والهالات لكني حبيته اكثر لان نتايجه باينه انا استخدته لمده ساعه يوميا يعني استخدمه وارجعه للثلاجه وكذا وصراحه شفت نتيجه .


 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

ليست هناك تعليقات:

إرسال تعليق