الاثنين، 23 فبراير، 2015

Foundation routine | روتيني الحالي بالفاونديشن ♥



السلام عليكم ورحمه الله وبركاته  
في هذي التدوينه حبيت تكون عن روتيني الكامل للفاوديشن والي اقصده هنا هو للزيارات الخفيفه والمناسبات الصغيره يعني التغطيه خفيفه ، وفي نفس الوقت حبيت اتكلم عن المنتجات المفضله الي استخدمها هذي الفتره ، بشرتي مختلطه/جافه ما احتاج تغطيه عاليه لان الكونسيلر يكفي فوق الآثار  .
طبعا ماراح اتكلم عن الروتين الي قبل المكياج (العنايه بالبشره) بس لو حابين اتكلم عن روتيني للعنايه بالبشره الصباحي والمسائي ممكن تتركون تعليق تحت .


ابدأ ب اللكود هايلايت او اقدر اقول كريم بلمعه خفيفه من ريفلون  على كامل البشره ولأن الدرجه الي عندي رقمها 100 قريبه من لون بشرتي ما تبين قويه لكنها راح تعطي لمعه خفييفه تحت البيبي كريم او غيره .
بعدها استخدم برايمر بروفشنال من بنفيت على الاماكن الي تكون فيها مسامات مثل حولين الأنف  او في خطوط الوجه وعاده تكون حولين الفم وتبين مع الإبتسامه لان هذا البرايمر ينعم سطح البشره لكن استخدميه بطريقه الطبطبه علشان تبين النتيجه .
وبالنسبه للفاوديشن استبدلته بكريم مرطب ملون من شانيل مرره جميل وتكلمت عنه في انستقرام قبل تغطيته خفييفه لكنه يعطيك نضاااره وبشره هيلثي وصحيه رووعه وقريب من اللوك الديوي يعني اصحاب البشره الجافه راح يحبونه الدرجه الي عندي N40 .


بالنسبه للكونسيلر لتحت العين استخدم ماتش بريفكشن من ريميل الدرجه الي عندي 060 ميزه هذا الكونسيلر لمن ينشف يصير زي البودره ودمجه جداا سهل انا افضل تدمجينه بطريقه الطبطبه باصابعك علشان يعطيك تغطيه اكبر .
اما بالنسبه للآثار استخدم بوبي براون درجه 4.5 تغطيته عاليه وثابته ما انصح فيه تحت العين لكن للآثار والحبوب ممتااز جدا .
وبالنسبه للبادور ما استخدمت واكتفيت ببرونز لاقونا و بلشر اورغاسم من نارس طلبه اون لاين من فتره طويله ممكن ما تلاقون نفس هذا الباليت لكن فيه كثييير باليتات تشبه له لو بحثتو عن الماركه راح تلاقون ، لو حبيت ممكن اسوي كونتور بنفس البرونز لانه مو مايل للاورنج كثير وتكلمت قبل عن الكونتور و الهايلايت هنا .


ما حبيت استخدم فرش كثير بدون حاجه علشان كذا اكتفيت بفرشه ريل تكنيك لدمج الكريم من شانيل ، فرش ريل تكنيك روووعه ومناسبه للمبتدئات تكلمت عنها بشكل مفصصصل هنا .
والكونسيلر استخدمت اصابعي وانصح داائما انك تستخدمين اصابعك لمن تدمجين الكونسيلر احسن لانها ما تمسح المنتج وتعطيك تغطيه اعلى وسهوله في الدمج .
للكونتور استخدمت فرشه سيفورا 74 ودمجت فيها بفرشه ريل تكنيك البيضاء وبعدها بنفس الفرشه استخدمت فيها البلشر .



سواتش للدرجات (الدرجات الي في المدونه الي اسويها مو شرط تكون الوانها دقيقه 100% الاحسن انك تتأكدين وتشوفين سواتشات ثانيه في جوجل علشان تقارنين خصووصا البرونزات )






 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك 3 تعليقات:

غير معرف يقول...

اكيد حابين نشوف روتين العنايه :)) مشكوره ❤️

Hessah H يقول...

يعطيك العاافيه على مواضيع زي كذا

نجلاء يقول...

الله يجزاك خير ياعسل

إرسال تعليق