الأحد، 25 يناير، 2015

Glam Box | جلام بوكس ؟ + كيفيه الاشتراك ومحتويات اول صندوق (يناير) + هديه -انتهت- ♥


السلام عليكم ورحمه الله وبركاته ♥ 
قبل فتره في الانستقرام حساب Glam Box نزل خبر عن كود خصم للإشتراك لمده سنه في خدمتهم ، انا من البدايه كان نفسي اشترك لكن مالحقت على عرضهم ايام الهولدي و البلاك فرايدي وغيرها ولمن شفت عرضهم اكيد لحقت عليه وسجلت لمده سنه الحمدلله .




ايش هو جلام بوكس ؟ 
لو كنتي مجنونه يوتيوب مثلي ماراح تكون فكرته جديده عليك هههههههههه
هي خدمه شهريه بحيث يوصلك صندوق كل شهر فيه من 4-5 منتجات بأحجام ميني وفل سايز لكن بدال ما تدفعين كل مره خلاص اشتركي كم شهر (عندك 3 - 6 - 12 اشهر) وتدفعين المبلغ كامل وخلاص انسيه ، كل شهر راح يرسلونه مع فيدكس"سمسا" لحد البيت يعني كأن احد يرسل لك هديه كل شهر *-* طبعا ماراح يقولون ايش الي راح يجيك هذا الشهر انتي اذا وصلك تعرفين وعاده يكون التوصيل مجانا لكن حطي في بالك لو صار عليها جمركه راح تدفعين بس عادي لانها نادر تصير ، في امريكا عندهم شركات كثييره وكلهم يتنافسون مين الاحسن لكن عندنا مافيه خيارات غير جلام بوكس وانا اشوفه حلو للتجربه ، مقرهم دبي وحاليا ما عندهم الخدمه هذي الا في الامارات والسعوديه  لكن انشاءالله في المستقبل يوصلون لباقي البلدان .



رابط موقعهم : GlamBox


كيفيه الاشتراك ؟ الشرح مكتوب في الصور 


 ------------------------------------------------------------------------------
  ------------------------------------------------------------------------------



 ------------------------------------------------------------------------------
هذا اول بوكس يوصلني لاني توني مشتركه ، وصلوه مع ارامكس اتصل الصباح واستلمته بدون ما ادفع اي مبلغ زياره ، عاده يوصل البوكس في آاخر 10 ايام من الشهر ، وصل مغلف بكيس جواته الكرتون وداخل الكرتون العلبه زي كذا :




تغليفهم مرره حلو وأنيق لما تفتحين البوكس في داخله ورقه مكتوب فيها تعريف عن المنتجات واسعارها .


شايفين قد ايش كيوت ، هذا الشهر مو مره حبيت الي داخله كنت متوقعه ميكب بس مافيه :( 


هذي المنتجات الي بالداخل راح اجربهم واكتب عنهم في الانستقرام او المدونه بعدين ان شاءالله .


الشهور الي استلمتها بعد هذا  :



  • هنا الشهر الثاني (فبراير)
  • هنا الشهر الثالث (مارس
  • هنا الشهر الرابع (ابريل)
  • هنا الشهر الخامس (مايو
  • هنا الشهر السادس (يونيو)
  • هنا الشهر السابع  (يوليو)
  • هنا الشهر الثامن (اغسطس
  • هنا الشهر التاسع (سبتمبر)
  • هنا الشهر العاشر (اكتوبر)
  • هنا الشهر الحادي عشر (نوفمبر)
  • هنا الشهر الثاني عشر (ديسمبر)
  • هنا الشهر الاول من سنتي الثانية (يناير)
  • هنا الشهر الثاني من سنتي الثانية (فبراير)
  • هنا الشهر الثالث من سنتي الثانية (مارس)
  • هنا الشهر الرابع من سنتي الثانية (ابريل)
  • هنا الشهر الخامس من سنتي الثانيه (مايو)
  • هنا الشهر السادس من سنتي الثالثة (يونيو)

  • "وللمعلوميه التدوينات هذي انا كتبتها من نفسي هم ما طلبو مني والإشترك دفعته من فلوسي مو هم ارسلولي"   

    الهديه :
    لان متابعاتي يستاهلون ، كلمت جلام بوكس انها تعطيكم الفرصه للفوز في  خمس صناديق  مجانا بشرط انها تكون من السعوديه ومتابعه لي (ممكن يكون فيه جمركه احيانا يعني اذا صار فيه جمركه راح تدفعين رسومها )  الشروط والمعلومات كلها راح تنزل في الانستقرام الليل ان شاءالله . 

     وبس ،، أتركوا تعليقاتكم وآرائكم تحت لأنها تسعدني 

    ♥♥♥

     Instagram : Ghada_abdullah09
    Twitter: G_abdullah09
    snapchat : G.abdullah09
    ،
    اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

    هناك 11 تعليقًا:

    غير معرف يقول...

    وه اول رد 😭
    اتمنى افوز بالجلام بوكس واجرب الشعور

    غير معرف يقول...

    اسلوبك يحمس 3> تحمست للهديه مره الله يعطيك العافيه

    غير معرف يقول...

    مستنية التفاصيل .. يارب افوووز ..

    خدوج يقول...

    حلاتك غدوي الله لايخلينا❤❤

    amierah10 يقول...

    السلام عليكم
    صادقه غاده صندوق هذا الشهر مااعجبني لكن نجرب ونشوف اذا كويسين او لا
    لكن ريحة علبة باث مرره كويسه
    والعبه الصغيره مره انا ماعرفت لايش بالضبط يعني اذا كانت للشعر حجمه صغير مرره والي بعلبه بلاستيك قناع او واقي؟

    Badoo يقول...

    حلو ، يارب افوز ♥♥

    samanah ali يقول...

    اني كنت ابشترك ويهم بس ما عرفت احول لهم
    واتمنى الفوز ويش 🌹😍

    85 misk يقول...

    مرررره روعة
    للاسف مافيه توصيل للاوروبا
    والا حبيت الفكررررة
    يعطيك العافيه

    الاسعار يقول...

    مافهمت الاسعار ٧٧ و ٨١ حقايش الي تخت سعر الاشتراك 💓?

    Amal يقول...

    قصدي بالامارات فقط*
    كاتبين ان التوصيل مجاني فقط.

    غير معرف يقول...

    تتهني فيهم غاده
    يلا ان شاء الله البكس الثاني فيه ميك اب

    إرسال تعليق