السبت، 15 نوفمبر، 2014

MUFE PRO FINISH POWDER | ريفيو عن الباودر فاونديشن من ميكب فور ايفر


السلام عليكم ورحمه الله وبركاته 
في هذي التدوينه حبيت اتكلم عن البرو فنش باودر من ميكب ميكب فور ايفر الي طحت فيها هذي الفتره 
اول مره جربتها كانت جايه عينه مع طلبات لي اون لاين واعطوني عينتين وحده ميديوم والثانيه دارك والوحده فيها اربع درجات


مثل ما تشوفون استخدمت تقريبا كل الالوان علشان احصل اقرب واحد للون بشرتي والغوامق استخدمتها ككونتور او برونز



نبذه عنها :
البرو فنش هي بودره مظغوطه تغطيتها عاليه وتعتبر باودر فاونديشن ممكن تستخدمينها لحالها كفاونديشن او فوق فاونديشن علشان تثبته وتزيد من التغطيه وتنفع لكل انواع البشره


  • علبتها سودا لامعه خفيفه وانييقه سهله في الفتح
  • يقولون انها حصلت على براءه اختراع 
  • تغطيه عاليه ومطفيه وممتازه للبشرات الدهنيه بالذات 
  • ملمسها ناعم وتندمج مع البشره ولا تبين كيكي او منظر غبار 
  • ثابته لوقت طوييل 
  • مكوناتها مغذيه وخاليه من الزيوت المعدنيه (oil free)
  • غير معطره ومناسبه لكل انواع البشره 
  • متوفره بأكثر من 20 درجه باندرتون مختلف 
  • سعرها في سيفورا او وجوه او اي مكان يوفرها عندنا ب180 ريال 

  • فيها مرايه و اسفنجه بس انا ما استخدمها الا نادرا لمن اطلع وانسى اخذ الفرشه 


عندي منها درجتين :







اليمين رقمها 165 : الاندرتون حقها زهري استخدمها لحالها بفرشه باودر كبيره علشان تعطيني لون خفيف بدون تغطيه لانها جددا برتقاليه على بشرتي بس لمن استخدمها بهذي الطريقه تعطيني لون جمييل انسأل عنه دااائما حتى في البيت

اليسار رقم 127 :  استخدمها كفاونديشن لحالها وهي نفس درجتي بالظبط عاده المفروض تاخذين نفس الدرجه في الفاونديشن "الي هو ميكب فورايفر HD" بس انا درجتي في الفاونديشن 128 وحسيتها شوي غامقه علشان كذا اخذت الي افتح منها علطول الي هي 127 ممتازه للاستخدام اليومي وبالذات في الجامعه لانها ثابته ولا تدهن حتى في الشمس والحر


طريقه استخدامها:  





اذا حابه تستخدمينها فوق الفاونديشن استخدمي فرشه باودر كبيره
اما اذا كنتي راح تستخدمينها لحالها وحابه تغطيه عاليه ومطفيه
ابدي اول شي بالفكس بلس على الوجه وبعدها استخدمي فرشه تكون فرشتها كثيره عشلشان تضمنين تغطيه كامله
مثل فرشه سيقما F80  او سيفورا 45 , مرريها على الباودر كم مره وادمجيها على الوجه بشكل دائري ابدي بكميه صغيره واذا احتجتي تغطيه اعلى زيدي بس لا تزيدين من اول مره علشان ما يبين مغبر انتبهي


                                                       

 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك تعليق واحد:

غير معرف يقول...

الله يعطيك العافيه

إرسال تعليق