الأحد، 19 أكتوبر، 2014

Sephora & Mac | منظف سريع للفرش |






السلام عليكم ورحمه الله وبركاته *

مقارنه بين منتجين سريعين لتنظيف الفرش للاوقات الي تكونين مستعجله فيها او لمن تكون الفرشه فيها لون غامق زي الاسود وحابه ترجعين تستخدمينها لالوان فاتحه


 طبعا لا تعتمدينهم داائما لان لازم بين كل فتره تغسلينهم بالصابون وتعقمينها والافضل تكون مره كل ثلاث اسابيع على حسب كميه استخدامك للفرشه ويكون بغسول " انا استخدم جونسون الاصفر " والقلفز الخاص لو حابين اعلمكم الطريقه قولولي لان اغلب البنات مسوين مواضيع متكامله عنه وما يحتاج اكرر ؟
من تجرتي لاثنينهم لاحظت انهم مو مناسبين لفرش الوجه او بالاخص انا ما حبيت استخدمهم لفرش الوجه او المكياج الكريمي عموما لانه ما ينشال بسهوله فأفضل اغسلهم بشكل دوري واستخدم الغسولين السريعين لفرش الايشادو واحيانا البلش لان صعب انظفهم يوميا لو حابه استخدم الوان ثانيه


MAC:


  • مضاد للبكتيريا 
  • ريحته وقوامه زي الصابون سائل بس فيه رغوه
  • علبته كبيره مو مناسبه للسفر ابدا ومافيها بخاخ علشان كذا انصح تعبون شوي من المنتج في علبه صغيره او تركبون غطاء  البخاخ المتوفر في السوبر ماركت 
  • 235ml يعني كميه اكثر من حق سيفورا بخمس مرات تقريبا مع فارق السعر 
  • مناسب لجميع انواع الفرش 
  • يجف اسرع من منظف سيفورا 
  • النتيجه فرشه نظييييفه معقمه وجاهزه للاستخدام 
  • سعره 80 ريال من فروع ماك 



 SEPHORA :


  • مضاد للبكتيريا 
  •  معطر " ريحته شوي مزعجه"
  • علبته صغيره مناسبه للسفر وعمليه بسبب وجود بخاخ على الرأس  
  • 60ml
  • يجف بسرعه 
  • مو مناسب لفرش الايلاينر 
  • ما تتلف الفرش والنتيجه فرشه نظيفه خاليه من البكتيريا 
  • سعره 60 ريال من فروع سيفورا 




طريقه الاستخدام :




افضل انك تستخدمين قطعه قماش او قطن وخلي المناديل اخر خيار لك لانه الاسوء لان يتقطع ويتفتت ويحوس عن تجربه  والسبب اني صورته لان القطن كان مخلص ههههه بس ما استخدمت المناديل بعد التصوير رجعته , بخي شوي من المنظف على القطنه وبحركه دائريه امسحي الفرشه وتقريبا بعد ثلاثين ثانيه راح تكون الفرشه نظييفه تماما



صوره بعد استخدام منظف ماك  "مع تغير الاضاءه اختلف لون الفرش لونها صار ابيض تماما "











 وبس ،، أتركوا تعليقاتكم وآرائكم تحت لأنها تسعدني 


♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

هناك تعليقان (2):

zainap alharbi يقول...

ماشاء الله تبارك الله 😍💜💜

Elmnzel Cleaning يقول...
أزال أحد مشرفي المدونة هذا التعليق.

إرسال تعليق