السبت، 25 أكتوبر، 2014

مفضلاتي في الفتره الاخيره ♥ Favrites 2014


السلام عليكم ♥
التدوينه اليوم راح تكون عن منتجات استخدمتها وحبيتها في الفتره الاخيره
وطبعا لاني ما اسوي مفضلات كل شهر جمعهتم كلهم من بعض ^^





Makeup :




برونز تارت المشهور عند الأجانب الماركه مو متوفره في الخليج للأسف انا طلبته اون لاين الحجم الميني لاني مستحييل استخدم منتج كامل علشان كذا وفرت على نفسي واخذت الميني , لونه جمييل على البشره فيه شمر خفيف لمن يجي عليه الشمس تحسين البشره كأنها ديوي مررره حبيته لونه وااضح وثابت لفتره طوييله واكيد راح ارجع اشتريه بعد ما يخلص , للي حابين بديل له متوفر عندنا من توفيسد سيفورا برونز اسمه سن بني بطل عندي منه



بااليت الايشادو من فكتوريا سيكرت , عندي من سنتين او اكثر اول ما شريته انصدمت من روعه الكوالتي واستخدمته كثيير وبعدين جت فتره صرت اشتري مكياج كثيير ونسيت هذا :( بس الحين رجعت له الالوان كلها فيه شمر بس نااعمه ويجي معاه ايشادو كريمي من كثر ما حبيته وقفت استخدمه لا يخلص ههههههه وايلاينر اسود بس باهت , الباليت اككييد ماراح تلاقونه الحين بس الي اقصده انو بعض مكياج فكتوريا سيكرت رووعه , لقيته في امازون بس ماادري اذا البائع مضمون ولا لا اسألو خبير في الطلب قبل هنا



روجين من ماك مايحتاج اتكلم قد ايش حلوه ارواج ماك بس ادمنت اللونين هذي الفتره اليمين اسمه FANFARE "creamsheen" واليسار CHATTER BOX "amplified"




مجموعه فرش الدوو فايبر من ريل تكنيك وصلتني هديه من التاجره @angelsmakeupstore في الانستقرام فرش ريل تكنيك عموما ممتازه كجوده وسعر انا عندي انواع ثانيه منهم ومررره احبهم زي الستبلنق برش و البلش برش والايلاينر برش وكثيير هذي المجموعه لمتد يعني فتره ويوقفون يصدرونها ما اعتبرها اساسيه بس الي مثلي تحب الفرش وتجميعهم راح تحبها انا استخدم الصغيره للكونسيلر والوسط للهايلايت والكبيره للباودر مررره ناعمه والصدق لو ما انرسلت لي كنت قد اشتريتها



SKIN CARE :



سيروم رول للعين من كلينيك المنتج هذا مست هاف لانه يسوي مساج للجلد تحت العين , الراس عباره عن كوره حديدة باارده اذا استخدمتيها تحت العين راح تشيل الانتفاخ وتقلل من منظر العين التعبانه وتساعد انها تمتص المرطب بعده , انا اخذته هديه مع مشتريات من وجوه وداااائما موجود في شنطتي ويفك ازمه الصباح لمن تقومين من النوم وعيونك متفخه  بس حطيه في الثلاجه الليل علشان يبرد




رابد لاش سيروم للرموش سمعت عنه من وحده في اليوتيوب رموشها ماشاءالله طوييييييله وكثيييفه كانها مركبه اكستنشن واخذته من امازون الي اعرفه انه موجود في دول الخليج ماعدا السعوديه طبعا :/ سعره حدود 300 ريال اذا مو غلطانه واحسه غالي على الكميه الي فيه كفتني شهر استخدام ليل ونهار النتيجه رموش طوييله وسودا وقويه بس بعد ما خلص ووقفته بدت ترجع رموشي مثل ماهي بس احس لو استمريت راح اشوف نتيجه ترضيني







زيت للشعر تكلمت عنه كثييير في الانستقرام قبل ممتاز لاطراف الشعر يساعك على ترطيبها وما يخليها تتقصف ومادام احنا في موضوع التقصف راح اقولكم معلومه مافي ولا منتج في الحياه يوخر التقصف في الشعر مستحييل تلاقين الحل الوحيد هو القص ومعروف انه الاحسن تقصين اطراف شعرك كل فتره علشات يتجدد ويبين هلثي وبعدها الدور عليك في العنيه علشان ما يتقصف مرره ثانيه


RANDOM STUFF :




بخاخ التان من سوب اند قلوري الي تخاف تسوي تان او ما تعرف تجرب هذا لانه بخاخ ويروح لمن تغسلينه استخدمه لمن اكون في مناسبه واكتفاي او سيقاني طالعه مع شوي لكود هايلايتر يعطي جسمك لمعه سعره 90 من بوتس ومافيه ريحه مزعجه ابدا



بودي سبري من فكتوريا سيكرت عندي الاحجام الكبيره بس صورت لكم الميني لانها اجدد اخذتهم ايام التخفيضات احجامهم كيوت بس بالصوره مبينين اكبر روائحهم خفيفه ومنعشه احب استخدمهم بعد ما اتروش تحسسك بالنظافه


اخر شي حبيت اقولكم عن هذا الموقع للاكسسوارات الي متابعتني في الانستقرام من زمات راح تتذكر اني منزله طلبيتي منه الكوالتي رووعه واللون قوي ومايروح ولا يصدي والاحسن من كذا اسعاره مناسبه للكل الي تجربه تقولي تجربتها رابط الموقع قبل ما تطلبون ابحثو عن كود خصم وما اتوقع انه يشحن للسعوديه دايركت لازم بريد امريكي وذكرت بعض المعللومات عن الطلب اون لاين والدفع واغلب الاشياء في تدوينه هنا


            ♥♥♥

الصور ممكن تبين مغبشه لو كنتي تشوفين التدوينه من الجوال الحل انك تظغطين على الصوره وراح يفتحها لك في صفحه مستقله مع دقه عااليه او شوفي التدوينه من اللابتوب اسهل لك
           

 وبس ،، أتركوا تعليقاتكم وآرائكم تحت لأنها تسعدني 

♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

                          

هناك تعليقان (2):

نجلاء يقول...

مشكوووورة 💚

نجلاء يقول...

مشكوووورة 💚

إرسال تعليق