السبت، 20 سبتمبر، 2014

رأيي في منتجات عنايه خلصتها | EMPTIES

                                                                                                                                                                                   
السلام عليكم ,اليوم راح اتكلم عن منتجات عنايه جرتها هذي
الفتره وخلصتها ورأيي فيها واذا راح ارجع اشتريها او لا :) 





مزيل مكياج العين من كلينيك :
العبوه الي عندي صغيره اعطوني اياها لمن شريت منتجين عنايه من كلينيك في وجوه وغالبا وجوه عندهم عروض تجنن وتستفيدين
منها , دائما انصح تمسحين مكياج العين بمنتج يكون في زيت علشان يشيل اسرع ولا يجفف العين علشان ما تطلع تجاعيد وخطوط
وتطيح الرموش انتبهي وبالذات من بايودرما لانه ممتاز للوجه بس مو للعين ابدا حتى لو كان مكتوب عليه , هذا المزيل يكون فيه مويه وفوق زيت تحركينه لمن يمتزج وتحطينه في قطنه وتمسحين , ممتاااز ويشيل بسرعه بس مقارنه بسعر يعتبر غالي يعني فيه 
بدائل ارخص زي حق ميبلين ولوريال ممتازين وانا معتمدتهم .                                                                                  




مرطب الشفايف من بيزلين "Beesline" :
هذا النوع الاصلي الي بدون اضافات فيه انواع  ثانيه بنكهات ثانيه تكون زهريه او خضرا الي عندي اصفر بس طبعا بدون لون
ههههههههههه يعني شفاف , ترطيبه ممتاز للصباح لانه خفيف ما يدبق مع الاستمرار راح تلاحظين تفتيح في شفايفك وسعره
 مررره رخيص ب10 ريال تقريبا  اكييد راح ارجع اخذ منه



كريم للحبوب من كلير سيل "Clearasil" :
اخذه من السوبر ماركت بدايه ما اشتريته كان رووعه ويخفي الحبه من بكره بس الحين ما لاحظت انه
يسوي شي :( جربته اكثر من مره بس احس مفعوله قل عن قبل ما اتوقع ارجع اشتري مره ثانيه



تونر للبشره الدهنيه من لش "Tea tree water" :
 ممتاااااز لانه ينشف الدهون الي في الوجه لو كنتي تعانين منها ولانه يجفف البشره راح يجفف الحبوب
ويقلل منها بس لازم ترطبين بعد ما تستخدمينه علشانه يجفف مثل ما قلت , استخدمه مرتين الصباح و قبل النوم وقت استخدامه
بعد الغسول وقبل المرطب , اكيد راح ارجع اشتريه ان شاءالله



مقشر جسم من باث اند بودي :
احسن مقشر جسم جربته  استخدمه بشكل يومي احيانا , خفيف على البشره بس يقشرها يعني ما تحسين انه يحرق او يدبق او يجفف
مررره ممتاز بالذات للبشرات الجافه , ماصرت اشوفه ينباع الحن ما ادري ليش بس لو لقيتيه لا تفوتينه



سيروم للبشره الدهنيه من "Neostrata" :
يمنع اللمعان اخذته من مدح الصيدلي صراحه ما حبيته مفعوله مو قوي مره وريحته تجيب الصداع ما حبيتها
وسعره غالي ماراح ارجع اشتريه , سمعت مدح على حق لوكستان لانه يمنع الدهون اكثر



مقشر شفايف من لوش "Popcorn" :
 ممتاز فيه منه 3 انواع النوع الي عني بوب كورن "فشار" ما حبيت النكهه ملح مرره مزعجه بعد ما خلص
صرت استخدم قطعه قماش خشه بدل السكر لتقشير الشفايف واعتمدتها مررره تبين مفعول اكثر من المقشرات العاديه .

لوشن للجسم من لوش "Karma kream ":
ممتاز للصيف مرره خفيف وترطيبه عالي تمتصه البشره بسرعه ورحته نظااافه مره حبيته واكيييد ارجع اخذه



مقشر التوت من ذا بودي شوب "Early-harvest raspberry body scrub " :
 خفيف على البشره بالنسبه لي استخدمه لو حابه اوي تقشير خفييف مع تدليك للبشره بس ما ينفع
لو حابه قشرين علشان الجلد الميت لانه خفيف بزياده ريحته تووت منعشه مرره حبيته واصلا هو مصنوع من بذور التوت قوامه
زي الجل ^^



ماسك جلام جلو "Glam glow ":
 اشهر من نار على علم ما حبيته ابدا يحرق بشرتي حرقان مو طبيعي تصير حمرا بعد ما استخدمه علشان كذا
وقفت استخدمه بس بعد فتره جتني فكره استخدمه للحبه اذا طلعت ممتاز مره ينشفها في نفس اليوم لو عندك عزيمه راح يفيدك
بس للاسف بعد اسبوعين نشف تماما :(



مرطب البشره من كلينيك "Dramatically different moisturizing gel" :
ممتاز للبشره الدهنيه والمختلطه خفيف وتمتصه البشره استخدمه قبل الميكب او في الصباح لانه خفيف الحجم الي عندي الصغير
مو معطر يعني يناسب البشرات الحساسه وغير كذا تحسين ببروده في بشرتك مره حبيه وناويه على الحجم الكبير منه ان شاءلله



مرطب للبشرات الجافه "Hydra-vital factor k "
للبشرات الجافه لا تفكر تاخذ الا هذا وصفته لي طبيبه لانه معالج وفيه فيتامينات مافيه ريحه وقوامه ثقيل ما ينفع للصباح لان مافيه
حمايه وممكن يسيح ويحوسك افضله قبل النوم راح تشوفين بشرتك مترطبه ونضره مرررره حبيته لمن كنت اعاني من جفاف في
بشرتي , اخذته من الحبيب ما ادري اذا متوفر في صيدليات ثانيه .


 وبس ،، أتركوا تعليقاتكم وآرائكم تحت لأنها تسعدني 


♥♥♥

 Instagram : Ghada_abdullah09
Twitter: G_abdullah09
snapchat : G.abdullah09
،
اشتركي في المدونة حتى توصلك الاخبار اسرع اضغطي على المستطيل الأزرق في اليسار اعلى الصفحه :

ليست هناك تعليقات:

إرسال تعليق